¹ Mulolage amarhegeko n'amahano mwakazilola, mwanakazi kolerako, omumango goshi nji mwalama omuchihugo Nahano, Lulema waba Isho abayimika. ² Nji mubihye ahantu hoshi nji mwahiga abantu bali baharamya balyangombe, oku ntondo elehere, n'entondo y'eshishi y'emirhi mibishi. ³ Nji muhindamule ahabaharamira, nji mushenye eshushanyo zabo, nji muyose n'omuliro emparamyo zabo, nji murhoze eshushanyo zibejerwe za muhima wabo, na nji muzihe amazino gabo mwahola hantu. ⁴ Murhajiriraga Nahano, Nyamuzinda wenyu ntyo. ⁵ S'aliko, Nji mwamulonzeza ahaba,n'anji mwaja oku hantu ha Nahano, Nyamuzinda wenyu, njalondola omu buko bwenyu n'okubika hezino lyage. ⁶ Ahola hanji mwa yerekanira olurhamba lwenyu,entulo yenyu,echiguma ch'ekumi chenyu,enterekero yenyu,entulo yenyu y'oku chishinga,entulo y'obulonza bwenyu n'efula z'ebirhungano binene n'ebigekegeke. ⁷ Ahola, hanji mwalira embere za Nahano, Nyamuzinda wenyu n'amwabo n'omulala gwenyu nji mwalolera oku bushagaluke bwenyu oku byoshi Nahano, Nyamuzinda wenyu nj'abagisha. ⁸ Murhakajira nkakuno rhuli rhwajira lero n'ankakuno ngasi muntu ajira ebimusimisize. ⁹ Bulala murhazigera ahantu h'okuhumukira n'omwimiko gwa Nahano, Nyamuzinda werhu abaha. ¹⁰ S'aliko nji mwagera omu Yorodani, na nji mwabera omu chihugo Nahano, Nyamuzinda wenyu, nja bahereze nka mwimo, nj'abahereza oluhumuko ery' amamala oku bachungula n'abashombanyi bali emusike yenyu n'oku bahereza omurhula. ¹¹ Hasa,nji haba hantu Nahano, Nyamuzinda wenyu, nj'alondola omu kubeza ezino lyage aho. Ahola hanji mwayerekanira byoshi indi n'ababwira,olurhamba lwenyu,enterekero yenyu,echiguma c'ekumi chenyu,n'entulo zenyu,n'entulo z'obulonza bwenyu ku Nahano omu kuhira amaboko enyanya. ¹² Ahola hanjimwa chishingira embere za Nahano, Nyamuzinda wenyu, mwabo bagala benyu, na bali benyu, abambali benyu ba balume n'abakozi b'abanyere, n'abene Lawi, abanjibaba oku nyunvi zenyu, bulala inta chigabi, na nta mwimiko gwenyu. ¹³ Ochilange omenye wakarherekera ngasi hoshi wakanabona; ¹⁴ s'aliko,nji wa rherekera ahantu Lulema nj'alondola omu kagarhi k'omulala gwenyu,n'ahola hanji wajirira byoshi n'aku bwira. ¹⁵ Lero, amango wabona n'obulonza bwawe, wanabaga echirhungano n'okulya enyama omu nyunvi zawe zoshi, kugerera emigisho Lulema njaguha, Nyamuzinda wawe; ezirha chesizwe n'ezi chesizwe zanalibwa nk'okubalya Embogo n'Epongo. ¹⁶ S'aliko, murhakalya eshagama: Nji wa isheshera okwidaho nka menji. ¹⁷ Orhakwanene kulya ahamwawe chiguma ch'ekumi ch'entulo y'obulezi bwawe, omurhobo gwawe, amavurha gawe, chiro n'oluburha lurhanzi lw'enkavu yawe eri empene yawe na ntacho n'echiguma ch'entulo yawe y'oku yeneza echilagane, na chiro nta ntulo y'obulonza chiro n'echigabi chirhanzi ch'eshalulo yawe. ¹⁸ Aliko, embere za Nahano Nyamuzinda wawe yinji wabilira, ahantu yinji Nahano Nyamuzinda wawe achishoga, w'oyo, mugala wawe na mwali wawe, omuja n'omujakazi wawe, n'omu Lawi yinji waba aha mwawe; n'embere za Nahano Nyamuzinda wawe, eyinji wakoleseza omu mwishingo ebintu byoshi yinji waba agwerhe. ¹⁹ Amango goshi welame omu chihugo chawe, ochilange orhalekereraga omu Lawi. ²⁰ Amango goshi Nahano, Nyamuzinda wawe, ye lambule embibi zawe, nk'oku akulaganyaga byo, eyo na chifijire okulya enyama, nja kuderhesa: Nalonza kuly'enyama! Ogwasize okulya, bikulikize rnyifinjo zawe. ²¹ Akaba ahantu Nahano, Nyamuzinda wawe, yinji achishoga kuhiraho ezino lyage, hanali hale nawe; wana baga omu birhungano byawe echinene n'echigeke, nk'oku nali na kurhegekere, wakana birira aha mwawe nk'oku ochifijize. ²² Webirye nk'oku balya Enfumbiri n'Echirhende; ech'ebe chicheswe n'echirhumirwe; yinji bachilya chiguma eri echindi. ²³ Konine, ochilange okulya eshagama: Bulala eshagama eli shagama y'akalamo orhakanalya eshagama n'omubiri; ²⁴ Orhaka bilya, orhakana bishandaza oku budaka nka menji. ²⁵ Orhakabilya mpu y'oba munyeragi, w'oyo n'abana bawe, enyuma zawe, omukujira ebishinganene omu masu ga Nyamuzinda. ²⁶ Aliko ebintu washonda kurhula n'entulo yawe y'echilagane chawe yinji waji chihanira ahantu nji Nyamuzinda achishoga. ²⁷ Nji warhula enterekero zawe, omunyofu n'eshagama oku luherero lwa Nahano, Nyamuzinda wawe; omuzindi nterekero zawe, eshagama yeshesherwe oku luherero lwa Nahano, Nyamuzinda wawe, wanalya omunyofu. ²⁸ Yunvirize ogu mwazi nama kurhegekega, mpu y'oba n'eragi, w'oyo n'abana bawe, enyuma zawe, akalamo kawe koshi oli wajira ebikwirire n'ebishinganene omu masu ga Nahano, Nyamuzinda wawe. ²⁹ Amango Nahano, Nyamuzinda wawe, nj'aba amamala embanga zoshi nji wahiga embere zawe; amango nji waba wabahigire wana balibirhako n'oku yikala omu chihugo chabo. ³⁰ Ochilange ochihire omu murhego gwabo omu kuba yiganya, bachimala kurhindibuzwa embere zawe. Ochilange okulonza ku menya lyangombe wabo n'okuderha: Gurhe olu lubaga lwakazagi kolera lyangombe zabo? Nani ntyo, kunakola nk'okola. ³¹ Orhaka kola ntyo embere za Nahano, Nyamuzinda wawe; Bulala bakazagi kuhera muhima zabo bali bajira ebijiro bigayisize embere za Nahano, chiro bana kazagi singonyola oku muliro abana babo n'abanyere babo omuku kengesa balyangombe babo. ³² Mulolereze n'okujira ebi bintu byoshi n'abarhegekere; ntacho nji muyushulage, na ntacho nji mukulage ho.