¹ Wesima Nahano, Nyamuzinda wawe, okenge ebya kurhegekere byoshi, amarhegeko gage, engeso zage n'ebinwa byage. ² Yibuka zene, ebi abana benyu barhasaga menya eri kubona, obuhane bwa Nahano, Nyamuzinda wawe, obukulu bwage, efune nzibu yage, n'okuboko kwage ku lambukire. ³ Ebimenyeso byenyu n'ebijiro byenyu, ali ajirire ahakagarhi k'e'Misiri enyanya za Farao, mwami w'e Misiri n'enyanya w'echihugo chage choshi. ⁴ Yibuka bichi akoleraga entwali z'e Misiri; oku ngamiya zage n'emitugari by'entambala, gurhe asuliraga okubo amenji g'enyanja ndukula, amango aba kulikiranaga, n'oku barhindibuza esiku zoshi. ⁵ Eri ali abakolere omu mpinga, kuhika amango mwaja omu chishagala. ⁶ Ebya ali ajirire Datana na Abiramu,mwene Eliabu mugala wa Rubeni, gurhe edaho lya rhulikaga n'okubamirugusa, haguma n'enju zabo n'amahema gabo, na boshii balibakulikire , omu kagarhi k'e Israeli yoshi. ⁷ Bulala amasu genyu ga bwene bintu binene Nyamuzinda alemere. ⁸ Na ntyo, nji mwakulikira amarhegeko goshi n'akuyandikira zene mpu yimu gwarha emisi y'okurhola echihugo wajamo kurhola akashambala, ⁹ N'okubundi mpu y'ogendereza esiku omu chihugo Nyamuzinda ali alaganyize ba yisho akubahereza, n'oku banjukulu, chihugo ch'amarha n'obuchi. ¹⁰ Bulala echo chihugo okalirhola chokalamamo, chirhali kuguma n'ech'e Misiri, emunda marhengaga, emunda wakazaga kabula emburho n'eyindi burho n'amagulu, nka hishwa hy'eshogo. ¹¹ Chihugo okalirhola, chihugo ch'entondo, n'orhubanda, chinanywa amenji g'envula y'omu mpingu. ¹² Chihugo, Nahano, Nyamuzinda wawe, olange bwenene, ab'echo chihugo Nahano, Nyamuzinda, wawe agenderere akuhirako amasu, kurhenga omunderho kuhika oku buzinda b'omwaka. ¹³ Muka lolereza bwinjabwinja oku marhegeko gani zene, akaba musimire Nahano Nyamuzinda wenyu, n'akaba mu mukolera n'omurhima gwenyu goshi, n'obukengere bwenyu boshi; ¹⁴ Inji nahereze echihugo chenyu envula oku mango macho, envula y'oburhanzi n'ey'amango ga kasharhu, yinji washalula obulezi, bwawe enyungu zawe n'amavurha gawe. ¹⁵ Yinji nahira omushwa lyawe emirhi y'okulisa obuso bwawe; yinji walya ana yugurhe. ¹⁶ Muchilanga kulekerera emirhima yenyu n'oku hindamukira ku kolera ezindi mana; n'oku fukama embere zazo. ¹⁷ Oburhe bwa Nahano bwe kolere enyanya zenyu, nji aching'empingu, harhak'aba envula n'amashwa garha chiyera, munahirigirhe kubuyabuya mw'echila chihugo chikwirire Nahano abahereza. ¹⁸ Mugwarhe omu mirhima yenyu n'omu bukengere bwenyu eyi myazi nababwira. Mweyi shwekere oku maboko genyu nka chimenyiso yenabe nka nkovu omu masu genyu. ¹⁹ Mwebiyigirize oku bana benyu munababwire amango waba omunju yawe. ²⁰ We biyandike oku nkingi z'enju yawe n'oku nyunvi. ²¹ Na ntyo esiku zawe n'ez'abana bawe, omu chihugo Nyamuzinda alaganyaga ba yisho ka yebahereze, zebe zinene kulusha esiku z'egulu, enyanya y'obudaka. ²² Bulala, akaba mwakulikire agala marhegeko n'abarhegekere, n'amukaga kukulikiza, omu kusima Nahano, Nyamuzinda wawe, omu kugenda omu njira zage, n'oku chishwekera kuye. ²³ Nyamuzinda nj'ahiga olo lubaga loshi embere zawe, wenabe mukulu w'olo lubaga, lunene bwenene na lunya misi kukulusha. ²⁴ Ngasi hoshi walabasy'okugulu kwawe nji haba hawe; Olubibi lwawe lwerhonderere kurhenga omu mpinga kuhika e'Libana, n'akurhenga oku menji ganene g'Efurata, kuhika oku menji ganene g'ebulengera zuba. ²⁵ Nahano, Nyamuzinda wawe inji akushuza nk'oku ali akubwirire. Oyobohesa n'obuba kuli w'oyo oku chihugo choshi warhegekere. ²⁶ Talaga, na mahira embere zenyu omurhula n'obuhanya. ²⁷ Omurhula akaba okengere amarhegeko ga Nahano Nyamuzinda wawe, ebi nkuyandikire mwezila siku. ²⁸ Buhanya akaba arha kulikizag'amarhegeko n'akurhegekaga, n'okujira nk'oku ntakubwiraga mwezi siku, okuja kuhuna abandi balyangombe orhali menyere. ²⁹ N'amango Nahano, Nyamuzinda wawe, by'ebe eyi byakuhere omu chihugo, waji lamamo, inji wayimanza mw'omurhula, omu ntondo ye Gazima n'omuvumo omu ntondo y'Ebala. ³⁰ Ezo ntondo ka zirhala z'olwindi lunda lwe Yorodani, enyuma w'enjira y'ebuzikiro bw'ezuba omu chihugo ch'abanya Kanana balamire omu Kadekera kalolere e'Giligali hofi n'entondo ye More? ³¹ Bulala mwashabuka e'Yorodani yi muja omu chihugo mwalamamo, Nahano, Nyamuzinda wawe akuhereze, chibe chenyu muna chilamemo. ³² Muyemere muna kulikize amarhegeko, n'oburhegesi nakurhegeka zene.