¹ Hakila tufu lya sabatu, Malia gwa Magdelena , Malia najyaji na Yakobo na Salome bibagula malashi ga waumufinya Yesu. ² Tufu lya jinga, bibafia û mugumbu , luela pehe , ayuba mufula-fula. ³ Ba' mwichisamba boho baninu: Mundu mundu nanani gumwatukatwisha kambambi gwa bwehe lisitizi û mugumbu ? ⁴ Habatas'a mesu , habahanua bwehe lyasi umanyuma lishitulubu. ⁵ Bibashwela mu mujyama, bibaumana tutu jimu soga mutamba gulumi, gwa veeta kanju litoa ,na bibatingua. ⁶ Yogwa bigubasawhila : Nde mutu na miyo; mumwicheba Yesu gwa Munazaleti, gwa uhuliubu ,gusangua , ndachi hanueu; Hamubambuli hanha haba umutula . ⁷ Hanu mwende mwashwilile mitwana yaji naguh' Petelo bibimu jehe gubabambila Galilaya umumwaumumwena paha na byebya bigwaunusahwila . ⁸ mu mujyama na huhangalila. Moyo biguubakwata gwa mehe na nyini haligani, ndebasahili. Mundu na gugujimu hamubili gwa moyo! ⁹ Yesu hagusangua ,haluela gwawitungijya , bebele uliMalia gwa Magdelena, yogwa gumkwatisha miuli musambu. ¹⁰ Ih Malia naji bigushwala musahu uli baaba bagwanabu banalusungusungu na bamulilia . ¹¹ Habaujya musahau gwa usanga waji na naha gumwonubu, nde bamwitabeu. ¹² Manyuma, biguwimonesha mu yinji mbuluuwaali babili hangati yabu bamwiyenda û nji ajyati ā ulusuu. ¹³ Baaba naabu habagalusha bibauvusahula honga ubibanabu, ndababitabeu ukashilila. ¹⁴ Bigubafumina baaba umi na jimu, habaali utabu , bigu ubakalagenya hamubili gwa matima gabu gumini na ushiwitaba wabu wa ng'handa ya baba ba umumona hesanguii. ¹⁵ Honga bigubasahwila : Mwende mwi gumbu lyoso, musawhuli musahu gulegela ule yogoso gwa pangubu. ¹⁶ Yogwa gu mwawitaba na ubatizu gumwakokoa. Ila yogwa gushimwawitaba gumwakalilubu. ¹⁷ bioezegele bimwasindia baaba bamwitaba: Mwi izina lyami, bamwabinga miuli;bamwawisamba ndimi yitohe; ¹⁸ Bamwaukwata nyoa, bamwatoma indu ya ufa,nde imwabasuvyeu; bamwatendela banalufu maboo, naabu bamwashoa. ¹⁹ Mwanana haguvuya ubatotobwela, bigusanubu hi gulu wejile wakahasi mutamba gulumi gwa tata Vili. ²⁰ Nabiba wenda lwabu mwisahula osô. Mwanana gwa mwitaha nabu mulimu, na gwa mwisinda ng'handa ukwilila biezegele bya mwibasindia.