¹ Na Yesu hagwatûa û mutenda , Ibumbu bikimulonda. ² Na lola , gwa ivú ga lufu gwa mugabuela ufuma uluebu lwagi, na biguboya Mwanana , hutu gulegelejye, hutu gu'umbene undosha , gundoshe. ³ Yesu bigumutulila uboo, bigumulergelejya, na uboya nang'ha : Nilegelejya, toa hanhan bigutua . ⁴ Na honga Yesu bigumulunga : Yilole ndo koola na mundu; Ila yamonesha û Makuhani na ulambula mulambu gwa boya Musa na yakaï bushuhula. ⁵ honga Yesu bigusheel;a honga mu Kapelnaumu, muyui gwa basolaa bigulunga, bigumuhujya ⁶ na uboya : Mwanana , muhia gwami gutambali mutulu û yende, gusuba wa bohona olebela . ⁷ Yesu bigumuswahila : Nimwenda , na nimumfula. ⁸ Muyui gwa basolaha bigumulunga : Mwanana ,ndo kumbene usheela mu yende yami; Koola bobo , na muhia gwami gumfua. ⁹ Mimi nili musi mwqa bayui, nina basolaha bamundama; Na mimswahila jimu : Yenda na gumwenda ; Na jinji viaga ! Na gumuvgaya: Taha jimu gwa muhia gwami: Taha bebebu! Na bigumtaha. ¹⁰ Hagu muhjy'nena , Yesu biguhanua , na biguboya wababa bamuhj'nena : Walagila ninuswahila ; Nagu kû Isilaeli shamumona mundu gweitabi pana yugu. ¹¹ Honga , nibaswahila nang'ha bashali bamuvyaga uluela na uyogolo na bamukaa û meza na Abulahamu, Isaka na Yakoboku ibalu ya higulu. ¹² Ila mwana gwa ibalu gumwatashwa mu mufitu gwa haza , umwakaa ulila na usauna wa menu. ¹³ Honga Yesu bigumuswahila yo banamba gwa muyui gwa basolaha: Yenda , yatekee ukilila wimana wobo na ye ngunga muhia bigufua. ¹⁴ Yesu hagwafia honga û yende ya Petelo , gwamona najyagi-mwenu mutulu na lufu gwa ihubu. ¹⁵ Bigumulengejya , na lufu lwa ihumbu bilukatua ; gwa wimana , bigubat'ela mulimu. ¹⁶ Yogolo , bauvgaya û mesu ga Yesu na bandu bashali ba na miuli na ukoola wagi, na gwa fûla b'a na lufu bpooso. ¹⁷ Yatekee ya boyubu na Isaya ngang'ha biloto: Gumusamuna magongazi bwetu, na usamuna lufu lwetu. ¹⁸ Yesu hagumona ibumbu ya bandu; Bigubaswahila ba bayui yeng'hongo. ¹⁹ Kalani jimu biguwibuzya na umuswahila: Mwalimu, nimkulonda oso wamwenda . ²⁰ Yesu bigumulunga : Mulenje guna buiona natone twa higulu tu na mabusa , mwana gwa mundu nda na handu hautul'ili mushu gwagi. ²¹ Gingi , mu baba ba mitwana , bigu boya: Mwanana, ndeele mimi nyeende nazii Shami. ²² Yesu bigumulunga: Kundonde , leea bafu bayaziiena babanini. ²³ Bigubanda mu bwatu, na mitw2ana umulonda . ²⁴ Nda gumone, ibumbu bijibwaa mu iziba ibwatu utudubu na mumbembe ,Na gehe guli mutulu. ²⁵ Ba mitwana biobawibuzya na umubujya , na umuswahila :Mwanana tuguli , tute mufa ! ²⁶ Bigubaswahila : Ngiayi muna moyo bandu bana luitabu lusehe? Bigubuua na ukandila mbumbu na ziba , nabibakaa weee. ²⁷ Bandu bibahanua: Yugu ni nani gutinibu na mbumbu na ziba? ²⁸ Habaweita ye ng'hongo , mu ibalu ya bene Gadala , bandu babili baa na miuli ,. ufuma û migumbu, yamuvgaya umbele yagi. Ya na bwazi bwa mehee ushi na mundu uklila yiyi fasi. ²⁹ Bibabanga utaha mbundu : Hali hayi hangati yetu na bebe, mwana gwa Vili? Guvuilili utuvundganja ihindi isikibagana? ³⁰ Wali ula nabo, ibumbu ya ngulubi jamwiliaha. ³¹ Miuli biyiboja Yesu : Hutu ko ndawitubinga , Tutumi mu ibumbu ya ngulubi. ³² Biguboya : Mwende ! Bibafuma na usheela mu ngulubi . Ngulubi yooso yamsheela kuibenga ya iziba , na yooso yo mufa mu mema. ³³ Bamiyilisha bamjoa na wende ku ibalu na julila yooso yi bamona na ufiila miuli. ³⁴ Ibalu yooso yamufuma utum'ngana na Yesu, na habamumona bibaumwilendela gwa atuhu mu ibalu yabo.