¹ Yesu hagutavuya yeya myoolo, gwa ukatua u Galilaya na wenda mu isizi ya Yudeya, wabua Yolodani. ² Ibumbu chiata ya umulonda , na koä gwa ufula b'a na lufu . ³ Bafalisayu baumugoboela , na uboya,kumuheha : Bili oso oso mundu ukatusha muazi gwaji wa ilema yôso? ⁴ Biguulunga :Nda mwautoholola na kuiba njibu muyanji, gwa uyanga mulumi na muazi, ⁵ na uboya : Mulumi gumwaulea shaji na najyaji, na wilamajya na muazi gwaji, na babili ukâa mubili gumu? Na ndabati honga babili , batele mubili gugumu. Mundu nda gabulula ya ualmaajya Vili Nyambi. ⁷ Baumuswahila , wa bini Musa gwa uhala uha mwazi mukanda gwa wileena na umukatusha ? ⁸ Gwaubalunga : Ngwilondena na uma wa musozi gwenu; Ku ibanjilu ndayali bebyu. ⁹ Niunuswahila binu, yogwa giumulea muazi gwaji, ush'wa maoze , na usonga jinji, gu'uta maoze. ¹⁰ Mitwana yaji biyiumuboya : hutu ibiyili hangati ya mulumi na muazi, nda yili buose usonga. ¹¹ Biguubalunga : Ndabooso bamukatiusha gugu moolo, uli boobo bahelelubuugutambula . ¹² Uli bafiliseba ubutua mumalugaba najyabu, uli batelubu na bandu; Na uli betele b'o banindu ha mushu gwa bukelenje bwa higulu. Yogwa gu ya ukosha utambula gwakatushi. ¹³ Bibata umuvila na bamna babalenje , gwa batendele magaza na ubaha jyila. Mitwana yaji ya ubakandila. ¹⁴ Yesu biguuboya : Mulee bana bangongo, nda mulabizia uvwa wali mimi; mene bukelenje bwa higulu i bwa baba bafa ndeene nabu. ¹⁵ Biguubatendela magaza , na ukatua koä. ¹⁶ Mundu jimu ugoboa, na uboya Yesu: Mwigishi , niumbene uta bini bilegela mikuzi buome bwa nalumwina? ¹⁷ Biguumulunga : Njiayi guunyihujya uli bilegela? Gujimu igulegela . Hutu gumukeba ushwela mu buome , kwata misii. ¹⁸ Misii ayi? Gwa umuboya. Yesu bigutaulunga: Ndwihaga na guhase, na nguta maoze na guhase, na ngw'iba , hashi koola bushuula bwa malimi; ¹⁹ nemea shobe na najy'obe ; na legelejya mwinobe paha nsa bebemuninu. ²⁰ Yogwa songwalumi biguuboya : Nimulamanga yeya yooso; iniubula njiayi honga? ²¹ Yesu biguumuboya: Hutu guna muma gwa ukaa oso oso , yenda gwa gulishi byo nabyu, gubahi basuvi, na gumukaä na bukumu higulu. Ibe uvwaq na undonda. ²² Hanyuma ya uhajya yeya myoolo, yu mwana gwa mulumi gwa katua wqenda byaji guizingui; umona gwa na buuzi bushali. ²³ Yesu bigukoola na mitwana yaji: Niunuswahila walujila, mbyumini wa mundu gwa bunguya ushwela mu bukelenje bwa higulu. ²⁴ Niunuswahila honga mbihela wa ngamia ukila mu tundu lya sinji na hali mundu gwa bunguya ushwela mu bukelenje bwa Vili. ²⁵ Mitwana ,habatauhujya yeya , bauhanua biata na uboya : Ni nani guumbeni ushoa? ²⁶ Yesu biguubalola, na ubaswahila :Bili byumini wa bandu, na mbihela wa Vili. ²⁷ Petel, usamuna moolo, na umuboya : Mona, batu tu usiga byoso na tuukulonda , yimukaä bini utuli? ²⁸ Yesu biguubalunga : Niunuswahila walujila, mwana gwa mundu , haulonga bindu byooso butohe, gu ya ukaa hasi mu ihumbulu yaji ya butumbi, banu baundonda, numwaukaa ukilila misuu umi na yibili ya Izilaeli . ²⁹ Na gooso gu yausiga , wa zina lyami, bandu minaji, bangazi naji , shaji, najyaji, byonga muazi gwajio , bana baji malimi gaji, bandu baji ba mulimu , gumwatambula luamana, na lubala lwa buome bwa nalumwina . ³⁰ Bashwali bali bahuluebu bamwakaä baumanyuma , na bashwali bali baumanyuma bamwakaä bauluebu.