¹ Mugag'matufu, Helodi muyui gwa abuumbu asehe, haguhujya bandu mwi-yulila hamubili gwa Yesu, bigusahila bandu baji ba mulimu: Yogwa ni Yowani ! ² Gusangua mu bafu, na i cheu i nde muteela tuegele. ³ Helodi gwa ukwat'ishisha Yowani , gaumunga biti na umutula mu yende ya mbete , hamubili gwa Helodia , muazi gwa Filipi, tut'gwaji, wilondena, ⁴ Na Yowani gwa umusahila naha nde kumbene umubugula bu muazi gwaji. ⁵ Gwam'keba gwamihagi, bigutiina ibumbu ya bandu baumukwata Yowani bu ng'hanga-biloto. ⁶ Luulu ;lutelumbumu mu ihugizi ya lubutu lwa Helodi, kakazi gwa Helodia bigumeta ng'homa hangati ya bandu baulobulu na Helodi biguulegelejya, ⁷ Kufiila vuhu umuhi-a yoso yem'hajya. ⁸ Utululubu na najyaji, kaazi bibakoya : Kungabili hanhan, mumu mu lwanda, mushu gwa Yowani mubatizi . ⁹ Mwita-ibalu bigumona ubiha; wilondena byebya bigwalapa mu mesu ga bandu, biogwam'nusha ba muvili nagu. ¹⁰ Bigutuma waushijya Yowanimu yende ya mbete. ¹¹ Mushu gwaji biguuvûbu nagu mu lwanda , biguuhubu uli kakazi,naji biguugushala wa najyaji. ¹² Mitwana ya Yowani bijiuv'samuna itingu yayi, bibawaumuzia. Honga bibawenda waum'sahulila Yesu. ¹³ Wilondena na gol'gogo musahu, Yesu bigubanda bwatu, biguwibulila kuisamba imo yali mu buonono; Ibumbu, hachiuhjy'nena musahu gwaji, bichifuma mu bisamba na bibaumulonda bwa biahi. ¹⁴ Hagutua mu bwatu,biguhanua ibumbu fuliiti, biguchiofila binisonya na bigufula babezi ¹⁵ Ayogolo hakafia, mitwana biyiumugolwela na umusahila: Yinu ndandagala yituli nja buonono, honga saha yiwenda wamehe; Swahila ibumbu yayi habuihi, yagalushi u bibalu, bayigulili bilyazi. ¹⁶ Yesu bigubalunga: Ndebanamuuma gwa wijileu : mubahi banu baninu bya ulya. ¹⁷ Bibaumulunga : Hanu tuna bitumbula boobo bitanu na misiya yibili. ¹⁸ Biguboya : Mumbehebyu kunu. ¹⁹ Bigukaisha hasi ibumbu yoso mu lusui, bigukwata byebya bitumbula bitanu na misiya yibili, bigubajya mesu igulu, bigufuekesha . Honga, bigutim'ng'huna bitumbula tuhindi -tuhindi biguuha mitwana , biyigabwila ibumbu . ²⁰ Boso bibaulya na bibajuiuta, na bibakuongola bigugu umi na bibili ba-baaba bya biindi bya usagala. ²¹ Boso na boso baulya bali lubali lwa habui balumi elfu yitano, ni ukatusha baazi na bana. ²² Manyuma hasehe, jemwam'nusha mitwana babandi mu bwatu na bayende mwimubambila ye'ng'hongo, jehe gwayilagnene na ibumbu. ²³ Haguvua wilagnena nau, bi gubanda u lugulu, ku wahajya habunga; na byabya yogolo lichauva, bigusagala bung'bwaji. ²⁴ Bwatu bucha ala hangati ziba, bibusumb'gululu na mabimbi, wilondena na mbumbu yamwipukwila mutamba gubafunima. ²⁵ Mu ili ya buna butufu, Yesu biguwenda u bali mwisumua ulwe gulu ya ziba. ²⁶ Mitwana hayiumumona mwisumua higuluya ziba , mbati biyibahal'gona, na biboya : Ni muuli ! Na, muitengu yabu, bibauta mbundu. ²⁷ Yesu bigubasahila honga na honga: Mukai matima bota, nyami ; Nde mukai na moyo ! ²⁸ Petelo biguum'lunga: Mwanana, hutu nyobe, kunzahili niviage oole higulu ya mema. ²⁹ Na biguum'sahila : Viaga ! Petelo bigutua ufuma mu bwatu, na bigusumua u lwegulu ya mema welela Yesu. ³⁰ Hagubambula luhiuilwa na buswata bigukuuza mayo; Na byebya biguchabamba winiaa, biguuta luhundu : Mwanana, kujyoshe ! ³¹ Honga na honga Yesu je mum'golwela uboó, jé mum'kwata, na biguboya : Tutu gwa lutabu lutole , nyiayi yoshitebea asisi? ³² Na bibambanda mu bwatu, na mbumbu biyilea. ³³ Baababali mu bwatu bibaufuama mu magumba luebu lwa Yesu na bibaboya: Guli mwana gwa Vili lujila. ³⁴ Habawita yeya ng'hongo ya iziba, bibafia kuibaluya Genezaleti. ³⁵ Bandu ba kool'koó, habaum'bambula Yesu, bibatuma mieze ndandagala yoso, na bibaumuvila na babezi boso. ³⁶ Bibaum'hajyagwa bahi bamulengejya mbinda ya ilamba yaji. Na boso baaba baum'lengejya bafua.