¹ honga, biguta wit'gana mitwana yaji umi na yibili, ubaha buswata bwa ubinga miuli, na ufula lufu loso na bulema boso. ² Gaga i mazina ga banji umi na babili .Gwa uluebu, Simoni gumwit'ganubu Petelo, na Andeleya mwana gwa shaji ; Yakobo mwana gwa Zebedayu, na Yuwani mwana gwa shaji; ³ Filipu ,na Baltolomayu; Tomasi ,na Matayu mufutishi wa mulambu; Yakobo mwana gwa Alfayu, na Tadeyo ;Simoni gwa û Kanana ,na Yuda Iskalioti, igwaumuhana Yesu. ⁵ Ne uli baba umi nan babili , Yesu gwaubatuma ,hanyuma ya ubaha miswelu: Nda mwenda uli bapakani , nda mushwela mu majyaati ga Basamaliya ; ⁶ Mwende uli mikoö yizimini ya yende ya Isilaeli . ⁷ Mwende , mwasahuli na uboya : Bukelenje bwa higulu buli habwihi. ⁹ Nda mubugula olo,byonga falanga yooso mu mibi genu.Byonga luumbu lwa lujendu, byonga makanju gabili , byonga bihasa , byonga ahibu; Mene mundu gwa mulimu guumbene ukuza chaulya yaji. ¹¹ Mulubaza na jyaati yooso yinu ya ushwela , mwihujyi hutu hali mundu guumbene unutambula ; mukaï waji vuhu hanuyautua. ¹² Haushwela mu yende , muchiseme; ¹³ na hutu yende ikumbeni, atalala ndongaenu achifiili; hutu nda ikumbeni, atalala ndongaenu anugalushili. ¹⁴ Bona ngunutambula na bonanguhujya myoolo yenu, mukatui mu chea yende byongo jyaati na mukukumuni luvumbi lwa byahi byenu. ¹⁵ Niunuswahila walujila : Tu lwa alu ibalu ya Sidona imwaukalilubu hashee na hali chea ibalu. ¹⁶ Mulole ,niunutuma paha na mikoö hangati ya mibwabu.Mukaï na mbati paha na nyoa, paha na ngulimba . ¹⁷ Mwilambuli na bandu ; bamwa unuhana uli bayenga , na bamwaujyibila muti mu masinagogi gabu; ¹⁸ bamwaunusamula uli miloho na bakasheke hamushu gwami , uta bushuula ubali na uli bapakani. ¹⁹ Habaya unuhana , nda mwihujya bya banu koola: Bya bamukoola numwaubitambula honga na honga. ²⁰ Mene nda banu bayakoola , ni Chiuli ya shenu iyaunukoowhela. ²¹ Mundu gumwauhana mwana gwa shaji , bona bauhangila batazi babu , na ubihagisha. ²² Numwaubihulubu na boso, ukilila zina lyami; Yogwa gumwahujyandamana vûhu usiilu gu mwa oboa. ²³ Haba mwaunusumbulusha mu lumu lubaza , mujyoele mu lunji. Niunuswahila walujila , nda muya uvuya usumua majyaati ga Isilaeli ,mwana gwa mundu na hemuva. ²⁴ Mutwana ndaya utabua mwalimu ,byonga muhia utabua mwana gwaji. ²⁵ Yiumbene mutwana ukaä paha na mwalimu, na muhia ukaä paha na na mwanana gwaji.Hutu bawitagana mwini gwa yende Belzebuli ,bibebya na utabusha baya ubitagana bandu ba mu yende yaji ! ²⁶ Nda mutina na guhase ; Nda uli yôso ifami ishi mukaä buhululu, byonga ya bufwafi isha ya uchia . ²⁷ Chea yamunuswahila mumufitu muchisahuli yuba na mwanga; Na chea inumuswahilubu mwiushu, muchisahuli û tonga lya yende. ²⁸ Nda mutina baba bamwihaga mubili na nda kumbeni wihaga tima ; Mutini yogwa guumbeni wihaga tima na mubilio mu ziba lya mulilu. ²⁹ Masumba gabili ndagamugujyubu lufalanga ? Ihanu nda umuhuluha na gulimu hasi ushi muuvula wa shenu. ³⁰ Na gu nywene ya mushu gobe njibalii yoso. ³¹ Ndamutina na guhase: Mu na inemu ukila masumba gashwali. ³² Ibinu, yogwa gôso gumwa unyitaba û mesu ga bandu , nimwamwitaba û mesu ga shami guli higulu; ³³ na gôso gumwaunduna û mesu ga bandu ,nimwautuna û mesu ga shami guli higulu . ³⁴ Ndamwitaba nang'haha ni Vili utula atalala ndonga , ushi bobo isonje. ³⁵ Nivili uta ugabulua hangati ya mundu na shaji , hangati ya mwana gwa muazi na najyaji,hangati ya muazi gwa mwana na najyaji mwenu; ³⁶ na mundu gumwaukaä na meze bandu ba yende yaji. ³⁷ Yogwa gulegelejye shaji byonga najyaji ukila mimi ndakubeni wali, na yogwa gulegelejye mwanji gwa mulume byonga gwa muazi ukila mimi ndakumbene wali; ³⁸ yogwa gushimusamuna muli ngati gwaji, na ushi undonda , ndakumbene wali. ³⁹ Yogwa gumwaulama buome bwaji gumwa ubuzimijya, nayogwa gumwauzimijya buome bwaji ha mushu gwami gumwa ubukuza . ⁴⁰ Yogwa gumutambula guundambula , na yogwa gumundambula , guutambula yogwa gwaunduma. ⁴¹ Yogwa gumutambula ng'hanga biloto bebya byele ng'hanga biloto gumwautambula abugu a ng'hanga biloto, na yogwa gumwautambula mundu gwa sambu bebya byeli na sambu gumwautambula abugu a sambu. ⁴² Na gôso gumwauhana bobo ihulu ya mema ga igazi wa jimu gwa balenje bebya bibali mitwana yami , niunuswahila walujila nda mwauzimijya abugu aji na guhase.