¹ Musangu gwa mikati gush'ugaga, yimwit'ganubu pasaka, gwagoboa. ² Bayui ba Makuhana na Tulani bakeba sinda lya umwihaga Yesu; ila batina bandu. ³ Kiyunguyungi gwa sheela wa Yuda , zina lyagi Iskaliote, gwali jimu gwa umi na babili . ⁴ Na Yuda gwa wenda wawihujyena hamonga na bayui ba Makuhani na bayui bâ baolaha, ukilila umulambula Yesu. ⁵ Banamusangu, bawihujyena nagi bamuhifalanga . ⁶ Habawihujyena bam'keba umulambula Yesu wa ufuma ush'ibumbu uyua . ⁷ Lutufu lwa mikati bish'ugaga, usesa mukoo gwa pasaka , ya uv'gaya, ⁸ na Yesu gwa tuma Petelo na Yuani , na biguboya: Mwendemwatulongele ni uboya nang'haha tulyahi pasaka . ⁹ bamulunga : Twayilojyele uni? ¹⁰ Gwa balunga:Lola na ham'sheela ku ibalu liata , mumwakum'ng'hana na mundu jimu gwisamuna muhujya gwa mema ; Mumulonde vuu û yende yemwasheela , ¹¹ na mumuswahuli mwene gwa yende : Mwanana gututuma tukuswahili:Nguni wamuv'lyaha pasaka na bamitwana bami? ¹² Gumwamumonesha chumba chiata ya ulwegulu, na ilojye paa: Hanhan hamulom'lojyela pasaka. ¹³ Baumwenda na usngana byooso bigwa baswahila ; Na balojya pasqaka . ¹⁴ Nghunga hayafia, bamunyingila tabu, na bamitwana hamonga naji. ¹⁵ Bigubaswahila : Nileg'lejye ulyaha yi pasaka hamonga na banu, ubebele ya usuba ; ¹⁶ nibaswahila , simulyaha honga, vuu hayimwatekea û gumbu lya Vili. ¹⁷ Na, gwasamuna uhulu na ufekusha , uboya: Mub'guli ihulu, na mwihingijyene banu banindu; ¹⁸ na, niunuswahila , sim'toma honga buluba bwa muzabibu, vuu lumwauv'gaya gumbu lya Vili. ¹⁹ Honga gwa samuna mukate; Na, unyuma ya ufekusha na uhajya, gwatimuna , ubaha na ubasot'lwela : Gugu ni mubili gwami, gulambulu ukilila banu.Mutahi nini byooso wa muninga mimi. ²⁰ Gwasamuna lulolwa ihulu, unyuma ya ihulu, na ubaha , gwa boya: Chii ihulu ni ilojye itohe yamuloha gwami, gum'tasia ukilila banu. ²¹ Na hanu mulole, uboo wa yoga gunilambula ni hamonga nami û tabu. ²² Mwana gwa mundu gumwenda bigwa lagilubu, ila lwaya wa mundu gum'nilambula. ²³ Bâ banga wiyihujyena bamu bangi, ni nani hangati yetu gum'taha bîbi. ²⁴ Wawimana mbaa hangati ya bangeze: Nani hangati yabu gumwakaä gwa muyui? ²⁵ Yesu gwa balunga : Bakasheke ba kinu isambu bamubanda , na umubangana bamwit'ganubu bam'taha buose. ²⁶ Nda mukaä bebya umuli banu gwa muyui hangati yenu gwa kai paa na mwanana gwa mulenje , yoga gumwimanina bandu ni yoga gum'batela mulimu. ²⁷ Ninani gwa muyui? yugu gum'kaä hasi utabu ao yugu gumwibatela mulimu? Nda yugu guli utabu? Na m,imi hanu, nili hangati yenu kubatela mulimu. ²⁸ banu, muli bandu babateme hamonga nami muuhehubu; ²⁹ nibatulila gumbu mu magaza genu, paha na bebya shami gwa umbeha mumagaza gami , niuboya umwalyaha na utoma utabu ya ibalu lyami, mumwakaä mu bihumbulu, mumwalila misuu umi na yibili Isilaeli . ³¹ Mwanan bigboya : Simoni, Simoni shetani vgum'kukeba ,ukusauna paha na nganu. ³² Nikuhajyila witaba w'obe nda utuä; Homwakos'loä, gumwakos'loä binobe. ³³ Mwanana , biguboya Peetelo, nitebe wenda hamonga nobe vuu û yende ya mbete nagu k'ufa . ³⁴ Na Yesu biguboya: Petelo, nikuswahila bubele bwa muu-gwa zogolo wab'gala lelu gu mwaumbenga ngumbu yisatu. ³⁵ Biguboya honga; Hanyabatuma gushi na falanga ,luumbu na bilatu, mwakosa indu?Bamulunga: Hahuhu. ³⁶ Na biguboya: Hanu, wihishena , guna falanga na luumbu gwa buguli bibebya , gushi na isongi gwagilishi ilamba yangi na ugula isongi. ³⁷ Iuboya, niunusahila , yim'kebea ye ng;handa ya usingubu yatekee wami: Gwabaliubu hamonga na babiha. Na yeya yinyelele yite mwisanda ya ufia. ³⁸ Bamuswahila , Mwanana , lola bisongi bibili .Na gwabalunga : Bikumbene. ³⁹ hanyuma ya ukatua , wenda , uluegulu lwa Mizeituni ukilila uyubila wagi, mitwana biyimulonda . ⁴⁰ Habafia hanhandu, biguboya: Muhajyi, niuboya nda muhulua mu uhehubu. ⁴¹ Na gwa wilena nabu mumunee gwa utasa bwehe na ulim'hulua wemwafuama, na uhajya, ⁴² biguhajya:Shami ,hutu guleg'lejye gujyili ulaki ihulu! Ila nda yikaa byaleg'lejye mimi, ila byoleg'lejye bêbe. ⁴³ Na Malaika gwa mufumina utua higulu, umuhaha buswata. ⁴⁴ Gwa ufa tima gwa hajya wamehe, na itaha ya utua paha na butondo bwa muloho, bwahulua mu mavu. ⁴⁵ Hanyuma ya uhajya , gwa wigoya , na ugalusha wa mitwana , gwa basangana mutulu na manisi, ⁴⁶ na ubaswahila : Njyiayi mutambala ? Mudui na muhajyi, niuboya nda muhulua mu uhehubu. ⁴⁷ Gwa koola honda , lola , ibumbu ya uv'gaya; Na yoga gumwit'ganubu Yuda , jimu gwa bâ umi na babili, gwali uluebu lwa ibumbu. Gwa ,mugobwe;la Yesu, na usamb'lijya na milomo. ⁴⁸ Na Yesu bigumuswahila : Yuda , ni ukilila usamb'lijya ugulaqmbula mwanan gwa mundu! ⁴⁹ Bali hamonga na Yesu , bamona byakila , bibaboya : Mwanana , tubasese na isonge? ⁵⁰ Jimu gwabu gwasesa muhia gwa muyui gwa Makuhani, ushu lyagi lya ulumi. ⁵¹ Ila Yesu , biguboya nang'haha , lea yimona! Na, gwa wata ushu lya yo mundu, na bigumushosha . ⁵² Yesu gwakoola honga na bayui baMakuhani ,nqa bayui ba yende ya Vili, na banunu, bauv'gaya umuwata: Muv'gaya, paha na itang'lumi, hamonga na isongi na tuhibue. ⁵³ Nyali hamonga nenu matufu gooso hebalu, na nda mwaungwata, ial ni nghunga yenu, na buswata bwa mufitu. ⁵⁴ Hanyuma ya umuwata Yesu bauv'gaya nagu, na wenda nagi û yende ya muyui gwa Makuhani.Petelo gwa londa lutalu. ⁵⁵ Batembesha mulilu hangati yabwanami,na bakaä hasi.Petelo naji gwa kaä hasi hamonga nabu. ⁵⁶ Muhia jimu gwa muazi gwa mumona û muchee gwa mulilu, gwamuhongwela mesu, biguboya: Yu mundu gwali hamonga naji. ⁵⁷ Gwa benga na uboya: Mwna gwa muazi, simwijileu. ⁵⁸ Hanyuma hasehe, jingi, gwa mumona, na uboya: Guli jimu gwa bâ bandu. Na Petelo gwa mulunga:Yu mundu lea ,silimu. ⁵⁹ Hanyuma ya ng'hunga uklila , jingi gwa sis'mia mesu,na yboya : Walujila yu mundu gwali hamonga nabu, na jehe ni Mugalilaya. ⁶⁰ Petelo gwalunga: Mulumi, sijili yiyi yom'koola. ha-hanhan ,gwa tuna honga , muu-gwa zogolo gwawilumba. ⁶¹ Mwanana bigugalua,umona Petelo. Na Petelo biguninga ng'handa ya mwanana , yigwa muswahila: Bubele bwa muu-gwa zogolo wilumba lelu, gumwaunduna ngumbu yisatu. ⁶² Na gwafuma haza , na ulila wa busungu wamehe. ⁶³ Bandu bawata Yesu bamuselela , na umujyibila . ⁶⁴ bamubwii ilamba û mesu , na umuhujya, tuiusot'lwele ni nani gukujyibili. ⁶⁵ Na bingi basha;li bamutaha muejya na umutua bulomo ⁶⁶ Na halwali luela , ibumbu yabanunu bâ bandu , bayui bâ Makuhani na Tulani, bakum'ng'hana na bauv'gaya na Yesu wali Basadukayu. Bibaboya : Hutu guli Klistu, tusahi. Yesu bigubalunga: Hutu ni baswahila , nda mumwitabeu; ⁶⁸ na hutu nibihujya , nda mum'nilungeu. ⁶⁹ Muhujyi mwana gwa mundu gumwakaä uboö ulumi wa buswata bwa Vili ninyambi. ⁷⁰ Booso baboya: guli mwana gwa Vili" Na gwabalunga: Muboya , bi nili. ⁷¹ Bâboya : Tuna muma honga gwa bushuula ? Mumuhujyena jehemu nindu kuanu wagi.