¹ Bandu bashwali babambizi uhanga milimu ya kila hangati yetu, ² Biebya biabitambula bablimona tangu alaa wa mesu gabu babanindu na utahubu mitwana ya moolo. ³ Wa byebya, hanisobolola songo twenda wisina, nikuisingileyu bululi, beh mubaa Teofile, ⁴ Guyui asisii lugila lwa bigwawigisha lugwatambula . ⁵ Kasheke Helode, kasheke gwa Yudea , wali zakalia , mulapishi gwa musuu gwa Abia , muazi gwagi gwali hangati ya baana ba baazi ba Halani, zina ni Elizabeti. ⁶ Booso babili bamutumikina Vili, na ulonda bululi bizila na maluzi gooso ga Mwanana. ⁷ Nda bali nani hasi na baana, Elizabeti gwali igumba , na ba babili batali banuu. ⁸ Umona bali mu mulimu û mesu ga Vili, wilondena lusugu biguta witiganubu, ⁹ ubululi bwa biloto, kuushela û hekalu na uhana malashi. ¹⁰ Ibumbu ya bamndu yali haza mu shaî, û lusugu lwa malashi . ¹¹ Malaika gwa mwanana bigusanguila Zakalia , wimana û bululi bwa altali ulumi wa malashi. ¹² zakalia biguhumbutua, na ushwelubu na moyo. ¹³ Malaika bigukoola : Ndu mona moyo , Zakalia , uhazya Vili kuwitabubu. Elizabeth muazi giobe gumukutandila mwana gwa mulumi, na gumuhanga zina lya Yuhani. ¹⁴ Gumukuvishila musangu na sehelezyu, na bashali bamushelezya lwenu butua. ¹⁵ Gumukaa kabambi û mesu ga muloha.Nda mutoma maluvu gooso gamukolesha , na gumukaa na buswata bwa tshiuli- ilumbului tangu muifihi lya najyagi; ¹⁶ Gumugalusha balenge bashwali ba muloha , Vili gwabu; ¹⁷ Gumusamua ubulaa bwa Vili na tshiuli na buswata bwa Eliya , kugalusha balenge û matima ga bashabu , na bahalui ugalua buose , kubimbila muloha , bandu bali tima sehee. ¹⁸ Zakalia bigukoola na Malaika :" Nimuyua bini? Shaala gwa mununu, na muazi gwami nde nagi gwa mununu" ¹⁹ Malaika biguhindula : " Mimi ni Gablieli guimene ubuhala bwa Vili nyambi yobe, nikuhi musahui gugu lulegela . ²⁰ Nde lola, nda mukaa amama muoaka lulozyeka milimu; Ndu tele luitabu lwa ng'handa yami; Na yi mutekea ala lelu" ²¹ Bandu bamulama Zakalia , baukwanya umona guuloga mu hekalu. ²² Luefumizi, gwakutugona kuola nabu; bibauzingitila gumwene imu utabu. Nagi bigutaa ubagoluela uboô , na usagala amama. ²³ Matufu ga lusugu hagauvuyia , biguwenda mu yende yagi. ²⁴ Matufu nda galoge , Elizabeti , mwazi gwagi, bigukuza yimi. Biguufama miezi yitanu, muboya : ²⁵ Nguinemu ya muloha yendelele ; Geunzukwila mesu wandi na ungatusha fezela hangati ga bandu. ²⁶ Û miezi gwa mutuba , malaika Gablieli gwatumubu na Vili mu isizi ya Galilaya ; Imwitiganubu Nazaleti, ²⁷ Wa mulenge gwa muazi songezubu wa mundu gwa yende ya Daudi, zina lyagi Yozefu . Na zina lya mulenge ni Maliya. ²⁸ Malaika lugusheela wele, biguboya : Niukusema bebee guukila inemu kiukuhubu; Muloha gu nabo. ²⁹ Nyini hayuumugalulua ubuseme, Maliya biguwiyihuzya buli buni bu buseme. ³⁰ Malaika bigulunga : Ndukaa na bititio, Maliya , guukuza buneme bwa Vili. ³¹ Yua nda mukaa na yimi, na gumutanda mwana gwa mulumi , na gumugulia zina lya Yesu. ³² Gumukaa muyui guimwitaganubu mwana gwa guli higulu, na Vili nyambi gumumua ihumbulu ya Daudi , shagi . ³³ Gumutendana higulu ya yende ya Yakobo booso, na ihumbulu ndaimukaa na yugu mubazi. ³⁴ Maliya bigulunga malaika : Bimutekea bini , mimi shaki yua balumi? ³⁵ Malaika bigulunga: Mutima gutoa gumwa wo;le , na buswqata bwa guli higulu bamukuluila na kwali yagi.Ilolwa mwana mtakatifu gumubutua , mumwitaganubu mwana gwa Vili. ³⁶ Bangatila , Elizabeti shangazi gobe, ndele na yimi, naaji ya mwana gwa mulume mu bununu bwagi , na gehe gwa mwitaganubu igumba ndele na miezi mutuba . ³⁷ Ndauli ishi mutekea wa Vili. ³⁸ Maliya biguboya : Nili musuvi gwa muloha ; Ya tekee wilondena na moolo gobe! Na holana malaika biguukatua. ³⁹ Nda logizi , Maliya biguwigoya na wigila habugu habugu umi tenda mu isizi ya Yudea . ⁴⁰ Lugushwela wa Zakalia na wisemena na Elizabeti . ⁴¹ Elizabeti luehudjioli buseme bwa Maliya , mwana biguusagala mwiifihi, na bigutulubu na tshiuli ilumbutui. ⁴² Bigubazya yehi liata: Bebee guli gusobole hali babaazi , na mwana guli munda mobe guba;liki, ⁴³ Indi ni bini, najyi gwa mwanana gwami gwafii wali mimi? ⁴⁴ Halola, lwalhuzyili buseme ufia û maushu gami, mwana gusogela na musangu munda mwami. ⁴⁵ Imusangu gwa bebe guitebe, ng'handa ya bukoele Vilinyambi bimutekea. ⁴⁶ Na Maliya biguboya : Tima lyami litumbula mwanana gwami , ⁴⁷ na migooso ni sehelezya Vili, mufulaa wami, ⁴⁸ Nguzumbuilili masuu na uyua basuvi bwami. Hakaa mbutui yiyooso yi muviodela guli saligisatigi, ⁴⁹ Mwini gwa uguundela biswee. Zina lyagi ni bifuyiguli. ⁵⁰ Bininsonya byagi mbilengezye mbutu wa mbutu wa bamumona moya. ⁵¹ Gusaswele uboo wa buswata bwagi, bigu halagazya natuminigizi na wibazya . ⁵² Bigugezya balitenda na ubazya hata bawikalila wehee. ⁵³ Biubaha bindu bana ibizi, na ubinga bamwimona bila indu. ⁵⁴ Bigusaidia Isilae;li, musuvi gwagi, na umuena binins'onya ,- ⁵⁵ Bigwa ulajila bashetu na wa Abulahamu na ba wagui booso ga mu matufu gooso. ⁵⁶ Maliya biguloga wa Elizabeti miezi yisatu. Byaugalusha wagi. ⁵⁷ Lubalia munda usema , Elizabeti bigutanda mwana gwa mulumi. ⁵⁸ Bahangi nagi na banduku lubaukuza musahu gwa binins'onya bya mwanana , bibausehelezya hamonga nagi. ⁵⁹ Lubagazya mwana matufu muganda, biguutufu yandu na bigaumweha shagi Zaka;lia zina. ⁶⁰ Najyagi liolelyu zina, na utenda ni Yuhani. ⁶¹ Bibalunga, mumwibelu yobe nda muli guna liolelyu zina . ⁶² Bibaubemba shagi na bande guhanga zina ayii. ⁶³ Zakalia biguukunga na uboyani Yuhani. Bibaukwanya booso. ⁶⁴ Honga na monga, kuanu bikuumbulua na bigukoola, na wimbula Vila wa musangu. ⁶⁵ Bititi bibiushela banagi habuoihi, na ba mungula ya Bayudea, bamwishatezya yiyeya. ⁶⁶ Booso baukuza musahu bautula mwitima , na mwiyihuzya: Gumulea mwana na nani? Na gaza lya Vili leanagi tenda. ⁶⁷ Zakaliya shagi biguituilubu na tshiuli ilumbului na koola binu: ⁶⁸ Gwafiyigulubu moloha, Vili gwa Isilaeli, wa byebya biguwegelela na ukatusha bwa bandu bagi, ⁶⁹ Na usosola mwinigwau muibelu ya Daudi , mutumishi gobe, ⁷⁰ Bigwaulagila na bahoolole ga bang'hanga biloto booso. ⁷¹ Muozi kumshosha bandu mu batumishi netu, mugaza lya batubihili! ⁷² Gwa mona biniso'nya û ba shetu, na biguhiyulula sagu kilonge, ⁷³ Itihu igwa teha na Abu;lahamu, shetu, ⁷⁴ Lutu mukatua mu magaza galaluioshi netu, tumutumikili na ukatusha moyo, ⁷⁵ Tusumui bululi na mulugila matufu getu gooso hanu, ⁷⁶ Na bebe, mwana gumwitiganubu ngha'nga biloto gumwegelela Vili na ulozya masinda gagi; ⁷⁷ Kuhana wa bandu bagi atalala ndonga na biniso'nya. ⁷⁸ Mubutui bwa gumbu bya Vili, mu muchee gwa yuba bifumizi higulu, ⁷⁹ Kuhana muchee wa babakili hasii mwa mufitu na mumugezigili gwa lufu, na ulagizya ziha lya atalala ndonga. ⁸⁰ Honga , mwana gukulizi na usisimata wa tshiuli. Na usagala mu mabuonono gila û lutufu lwa wilagizya û mesu ga Isilaeli.