¹ Mimi mununu wa Gayo, wambakivula kwa uwaki. ² Muvulwa, Ngikuvudila utuule bijabija ku byoso, nakutula na afia dijadija, bikitaka tima diobe kutula bya buumi. ³ Nadipata kyanya saana wakati wa badiva ba koobe na ku shuudia bya kwedi bidi munda moobe mwa tima diobe na namuna iki sumuka mubu kwedi. ⁴ Sikimana kyanya kivudile zaidi asa kuuja titi bana bami baki sumuka mubu kwedi. ⁵ Muvula waami bebe ukitaka kwa imani kazi dioso dikita kwa ajili ja ba koobe nasi ngubaini, ⁶ Nabo, baki ku shudia matendo makivula asa mu kanisa, na wita bijabija mu safari diabo, kwa namuna biki faa busu bwa Vidinyambi. ⁷ Kwa Sababu badi sumuka kwa zina dia Yezu Kristu Bila kupokea kindu kuba pagano. ⁸ Basi bandu ba jiji namuna tuki staheli kuba karibiza, kujakuja na kuba sindikila kwa kazi dia kueneza bukwedi. ⁹ Na andika makumo mashidi mavudile mu kanisa lakini, Diotrefe, uki vula ku tula wa busu bya booso nda twa ku mu pokea. ¹⁰ Ni kwa mana, ambivanga muku mumana, ni mukumbusha bitendo byaje bya kutu amba, na kwa makumo ma nyinya, na bebya ndabiki toosha, ndaki pokea ba kwitu, na bakitaka kuba karibisha ije waba zakidila na kuba janga mu kanisa. ¹¹ Muvula wami, ndu faata tabia di baya, lakini dijadija. Na jowa kita bijabija n'gwa vidinyambi; na jow u kita mabi nda kumana Vidinyambi. Byoso bikitebwa ni bya kwedi bidikindu, Demetrio,wadishu udiwa na bandu boso, na bashwe twadi shuhudiwa na bandu na ukijuka ti bu shuhuda bwitu bwa kwedi. ¹³ Ni tula bindu bi vudile bia ku andika, lakini shaku andikila na winu na leka. ¹⁴ Nangitaka naku mane ana kwa anana, na tujakule ku kanywa kwa ku kanywa. Amani ja tule nobe! Ma rafiki baki ku jambula,kila jumo kwa zina jaje.