¹ Mukulu wa Kiria, musobolwa na ku baana baje, wambakivula munda mwa ukweli,nda nyami bunga kibavula, ila baa booso bakijuka ukweli. ² Kwa sababu ja ukweli, udi munda mwitu na wiuma na baashwe kwa luoso. ³ Na busi, na lukwa ,na amani byaume na banywe kunyomoka kudi vidinyambi shiitu na kudi Yezu Kristu mwaana wa shiitu biuma na banywe kwa ukwli na kuvula. ⁴ Fanange mukuseleela kabisa, kubanga ku baana boobe bakisumuka munda mwa ukweli ,kufatana na kanuni katwadiebwa na shiitu. ⁵ Kwa sasa byabakikuaja,Kiria, bidi kanuni kaja ndako,lakini bidi kaka katwadieebwa tangu buusu, twivuleene bashwe kwa bashwe. ⁶ Na kuvula, tuume kadiri jikivula kanuni. Kaaka ni kanuni kakivulwa musumuke nako byabidimufundisha tangu busu. ⁷ Kwa kumana bakubembela bavudile binyomokela mulunia,ibo ndabakitabuka ti Yezu Kristu ndadiva na lukoba. Mundu waje namuna nijo kibembela na antikristu. ⁸ Mwilolene banywe badikindu,ndamukosa byamwadiebwa ku mudimu winu, lakini mubuule tuzo dinu. ⁹ Ti mundu wakwena jee na kuuma kushidi mafundisho ma Kristu, ndali nakindu kwa vidinyambi, jo kiuma munda mwa mafundisho maje udi na Kristu na udi na mwana. ¹⁰ Ti mundu wava kwinu, ndafava na mafundisho ndamumukadibija mu kyende kinu wala ndamumujambula. ¹¹ Kwa maana jo kimuboja: yambo! mushidiki naje kwa bubaja bwaje. ¹² Njina mianda jivudile jakumujongwela, ila shikivula kuta kwa kalamu nakartasi, lakini ngivula kuva kwinu, na kujakula na banywe kukanywa kwa kukanywa ,furaha jitu jaume timilifu. ¹³ Baana ba mutamba wobe musobolwa bakikujambula.