¹ Polo, motuke mwengali, mpe toma e Yesu klisto e wato wango wa omani la engali, lma wewiosebolinge lidjei la opeto, ² linge liabati likolo la elikia ebomoi elibela, lingelilaka maligalala engali, ³ mpe andimesia loi londe la mwengele emateya linge lihana mali la mbai ewengemeni la engali mokalesi mosu, ⁴ Otie tito monga mo mbai ootua ondimi oosumwe: ngolula logo ele liokmeli la engali wawa sango e Yesu klisto mokalesi mosu! ⁵ Iso tomali la mokii mo cret, late obatela molongi linge liti djali la molongo, late, oengemeni la malako ma mbai, okobata wilokola miki, ⁶ Inga djei la wato wango watila pamela molome e molikima adje la wana wa sembo, wango wati wahelaka la wali téwatomboki. ⁷ Late okoki la moto ongoobatela ka mongota momwenge ati dje ekalihana, nda moto ongo okoisaka wiho la mwenge ati dje moto ongo okoya dondwesaka, te moto omakewe, te motongo okongaka mana, te ongo olangalaka wali te ongo adje, ongo atikpalaka ema engali ekokelaka soni la loi engali: ⁸ Kasi adje moto ongo oko wabatesaka wato waikoni yainde,mino e wato walamu moto mwasake sambo ndamu, moto sembo,moto mosatu,moto doho ndai; ⁹ Ongo oholanila sambo ndamu djinge iteyamali, late odjei la likoti e obondesi wato oengemeni la mobokoe monguta otoni owamanelani: ¹⁰ Late edjei la wato ngbii wa motoi mangongi wasakali sambo obe la wazimii wango wobitesaka mungo mungo djau, wato wahelani la ondjangi otenani limbute. ¹¹ Okoki owahelesi buemoto, la wato waho wakolingesaka ewedje la waliango wa otosumbelaka mboli, la sambo dja soni dinge ikokiti ate liteyana. ¹² Mwesi ndondo eiwo mosakoli iwo, asia wanga masiogbaa moto omoliho, ùoto olimemu, sola la ndjala. ¹³ Manatatoli windjei sembo. la tina laho la okenge, la mbuse wa djue ondimi linge likoki kwa. ¹⁴ Late wati yahelanese la sambo pambapamba dja wa yuda mpe la mibeko ma wao linge likukolami la osembo. ¹⁵ Kpaa ma wato peto la djinge peto, kasi emateeti edjeipeto la ding dja peto ewadjangi odimi, lakili djau la mungo djau ebitani. ¹⁶ Wakokelaka otomo ata waewe engali, kasi waomowunganaka la otomodjau,la pkpali wisindje obe, watomboki, wango watikokaka okeliema téeti.