¹ Andjineia mbai e wale eesi e malia ma mokalo, elangi nda malanga. Makopumbaka liwoso la ngbelengo e okumu e Mwengei koto e mana omeme. ² Tee la wodja e lingalala eho esungu. La ngambo e ewale, la ngambo eetiedjaaki la mite ma mokalo enge edjaki owoti pukapuka mbala liomu la maale, edjaki ohi pukapuka eho ndebo la ndebo. Ngasi e mite maho edjaali la okalesi miki. ³ Ema ebe etidja kine. Okumu wo Mwengei la omana omeme wokodja ndondo e moki, wasali wande wakomokelela wakoene koto mbanda ende. ⁴ Nkombo ende ekodja la mbanda djau. ⁵ Likolo litidja ikine, watidja kine la posa e lotambe, laate Mwengei inde amene akowangengele. Wako kala ilanga la ilanga. ⁶ Asia la mbai: Dji sambo idjei meemene, Engali Mwengei o milimo ma watiesakoli, amotomia ahumbwa wonde la owainei wasali wande sambo djinge ikuma ndjindjo. ⁷ ''Denda! Igeleli ndi ndjo. Mwemu la ongo okobanya sambo dja etiesakoli dja ehele buku.'' ⁸ Mbai Yoani, ongo ookali ongo koto oeneli dji sambo. Ango eokiaka mbai koto eeniaka mbai, ikwia la makolo ma ahumbwa ongo ondjiniakali mbai djinge sambo, la oyakongi la inde. ⁹ Asia la mbai, ''Otiakonge la mbai! Idjei mangwa o wotomo, ongo koto o wamangwa watiesakoli, la wango wakobanyaka sambo dja ehele buku. Yakonga la Mwengei.'' ¹⁰ Asia la mbai: Otikande sambo dja esakweli dja ehele buku. Laate engele enge ebatana eumiga. ¹¹ Moto ongo okokelaka sambo mbe akele alidji sambo djaho mbe, moto o osoto akele alidi osoto. Moto molamu akele alidji wolamu, koto mosatu aume alidji mosatu.'' ¹² Denda, igeleli ndi ndjo, owongosi obe edjei atie mbai, koto omoputi moto la moto oengani la tomo ikelali inde. ¹³ Idjei ALipa koto Omega, moto o liwoso koto ongo ogboo. ¹⁴ Mwemu la wango wakokpoloko wisindje wawu, la odjui mote mo mokalo, la olingeli ongo la molako mo moki. ¹⁵ Ono saa mbua, wato wa osoto, wakeli sambo djinge mbe mbe, wasambeli wikeko, la wango wabali obuki lokuta! ¹⁶ Mbai Yesu, imotomi ahumbwa o mbai laate awoeneseni dji sambo la mangomba idjei ongo omolumbiaka iwo moto o liwota la Davidi, monoto mungo moko ngengeke boo. ¹⁷ Elimo la moli o liwala wakoasaka ate, ''Djaka. Ongo odjei la ehoha e malia adje, moto kpaa ongo obali, ototi malia ma mokalo e pamba. ¹⁸ Ikomwaselaka ongo okokaka sambo dja esakweli dja ehele buku: Inga moto ataleya ema esi Mwengei akomotaliela odjidji enge edhingani la ehele buku. ¹⁹ Inga koto moto alongese ema esi sambo djinge idjéi la ehele buku e esakweli, Engali koto akomolongese ongo la mote mo omoi ongo koto la moki mosato, midingami la ehele buku. ²⁰ Ongo odji sambo asi ndjo, Ee, igeleli ndindjo. Amen! djaka Likumu osu Yesu! ²¹ Ngolu e Yesu edje la ino kpaa! Amen.