1
Yenia koto ongo likolo elembo eti esungu enge eyahueli: Waahumbwa sambo waiki madjidji sambo, eho nde madjdji ma gboo, laate la mboka eho nde limemu la Mwengei ekoenga .
2
Ienia ema enge edjaaki nda ewale etalatala enge ewanesani la misa, wato wango walongali mbau mbe koto elima eho koto motango e kombo eho wayamali ahue e ewale eho e talatala, wadjei la wadjegedje e Mwengei.
3
Wakolembaka lembo e Moize, motuke mo Mwengei, koto lembo e Mana o meme, waasi ndjo: ''Likumu Mwengei Mokondji e okulu kpaa, tomo dja owe midjei sungu. Likumu o libela, mboka dja owe widjei wilamu koto meemene.
4
Ndai otiowanga owe, Likumu, koto atiha kombo e owe otwa? Laate ndji owe nde odjei meemene. Witondo kpaa wakodja oyakongi liwoso la owe, laate sambo ndamu e pui dja owe eeneni la hoho.''
5
Mbuse e sambo djinge ieneli mbai, koto tepelo e hema e litotoli, edhukoania ongo likolo.
6
Waahumbwa sambo wango wadjaaki la madjidji sambo wapumbali la ebete mosatu, wakpali wisindje wilangi e ngelingeli, wakpali koto mikaba ma wolo la mikpoto mau.
7
Mwesi e wikelamu inei e mokalo ahali waaumbwa sambo djaho teni dja wolo winge witumi la limemu e Mwengei, ongo odjei la mkalo libela la libela.
8
Tepelo etumali la milungu la kole e otwa e Mwengei koto la kole e okulu wonde. Moto te moikima atiengali olingeli la ebete mosatu tee engele madjidji maho sambo e waahumbwa waho sambo eengali.