1
Ieneli ahumbwa odji motetelake akoyadjimbaka likolo, akpali palata koto manama adjei likolo la moto monde. Mbanda ende edjaaki nda liwusa wuse, makolo mande madjaki nda misa.
2
Aikakali la ewo ende ma buku esi keke edhukoani. Abatia ekolo ende e lilome la ewale, koto ekolo ende eliali likolo la mbume.
3
Adhumbeya la moli motetelake, nda ekohumbaka simba. Ango edumbiali inde ngombe sambo iokesia mili mau.
4
Ango eokesia ngombe sambo miili mau, ipakali odhingi, iokakali ongo likolo moli mwesi mokoasaka ate, ''Isa djinge sambo easi ngombe sambo, koto otidhinge djawo.''
5
Ahumbwa ongo omoenali mbai ayamali likolo la ewale koto likolo la mbume adjambia ewo ende e lilome ongo likolo.
6
Alapia la kombo e ongo odjei la mokalo libela la libela, ongo okelali likolo koto la wihoo winge widjei ndondo, mbume la wiho winge widjei ndondo, koto la ewale koto la wihoo winge widjei ndondo, ahumbwa oho aasia, ''Engele edjaake etidja kine.
7
Ase la masio mango ahumbwa o sambo akobinga, ango akouma ahue e obomi lihili lande, sekele mosatu e Mwengei ekoengana la otutei mboli ndamu engo atiesakolali tuke djande.''
8
Moli, mungo mookali mbai ongo likolo, mwaselia mbai alidji ate, ''keke, tota ehele ma buku keke edhuhuani enge edjei la ewo e ahumbwa ongo oyamali la ewale la mbume.
9
Ikeeli atie ahumbwa oho, imoaseli ate apekele mbai ma buku enge keke enge edhuhuani. Andjaselia mbai ate, ''tota buku eho koto mele eho, ekodja djaa la solo dja owe, koto la monoko mowe ekolele nda wei.''
10
Itotia enge buku la ewo e ahumbwa imelesia, edjakali la monoko mo mbai nda woyi, ase ango emelesia mbai solo dja mbai itumia la odjiake.
11
Mpe wandjaselia ate, ''Itiesakole aleeti atie wato wa miki koto la witondo, koto minoko, koto makumu ngbii.''