¹ Mibombano ma engali emonekeleli nde Yesu kilisito, la owanesi wasali wande sambo djingé ikoki wamu mbuse emasio, mango mageeli ndenge enesi nde edje motuke monde Yowane. ² Odengi liloba la Mwengéi mpe la keesi e Yesu Kilisito asambo djinge yeneeli nde kpàa. ³ Mwemu la moto ongo otangaka mpe laongo okookaka sambo yeele Buku ee sakweli, mpe ongo okobatelaka djinge sambo ikomi iwo andondo e buku ewo. late tango ewo eumiga penepene. ⁴ Yowane kati emasambo sambo mango madjéi kati emoki mwa Asia logoo mpe Ngolu e Moengéi edjéi laino epasi oongo moto odjéi, ongo adjakate, mpe ongo oyeli, kati e midili sambo minge midjéi liwoso la okondji wonde. ⁵ Latina e Yesu Kilisito inde keese o solo, mowotami oliwoso kati ewato wakpake, inde mana o Likumu la wakonzi wa mbume, inde ongo otobali otolongosi iso kati obee la midimi mande. ⁶ Idoongo otumesi isowana wa Mwengéi bongo ekoki lainde azwe lokumu, otetelake la masio mango masangi kpoo ⁷ Denga, ageeli ongo likolo, la mapata, liso kpàa liko mwene te wango wamomaali likonga,wakomoene, mpe ikolo wa mbuse kpàa wakoyakanesa la tina ende edjéi djongo! ⁸ Adjéi moto oliwoso mpe obgoo asi Engali, ongo odjéi, ongo adjaakali mpe ongo oko djaa okeli ino kpàa, otetelake wande weti wato wa sese kpàa. ⁹ Mbai, Yowane magbanu kati eminioko mpe e okodji la okandi motema la o mlodimi Yesu idjaakali la esi eebale eweliwo ate Patemosi la tina e moli mo Engali mpe la keesi e Yesu. ¹⁰ Idjaali nda moto ongo omotorti iwo la modili la huse wungo wengali yookia mbuse e mbai moli mwesi nda kelelo. ¹¹ Mokwasaka ate djinge sambo ikweneke owe koma djau la buku mpe toma kati e masambo saambo mwesi la Efeso ,Sumuluna,Pelagame Thyatira,la Sarade,Philadefia mpe la Laodikia. ¹² Mbai iya bongolia la wewi nda mongongo mokokpomaka la mbai mpe mbuse e mbai oyabongoli yenia yaamalelo wa miinda sambo ma wolo. ¹³ Mpe katikati e yamaalelo wa miinda sambo ma wolo imwenia moto odjéi nda mana omoto akpali esidje nda emoli mpe ayanangi mokala la padji. ¹⁴ Moto monde mpe sue djande idjéi pee nda ema ebubake la maiso mande nda ligbagba la misa. ¹⁵ Inotele wande nda mabukeli ma motuya nda ndenge ekotumbaka iso mobele moli monde nda likito omalia. ¹⁶ La ewo ede emolome aiki Midjoto sambo amonoko monde ewuni ebumbia ewoti ngambo tu iwale elongi ende ekobataka nda moi. ¹⁷ Tango emwenia mbai ikpia la makolo mande nda moto mokpaake abatelia mbai ewo ende elilome la wasaaka te:Otiwange! ¹⁸ Idjéi moto oliwoso mpe o kpoo idjéi la bomoi igbali denge idjéi mokalo la bomoi la masio madjangi kpoo idjéi la mafungola ma logo mpe ma lifelo. ¹⁹ Koma djinge sambo yeneli owe djinge idjéi mpe djinge ikuma mbuse. ²⁰ Mabombami dja midjoto sambo minge mieneli owe mla ewo ende elilome mpe wiyamaleselo wa matembe sambo ma wolo midjoto Sambo milimboli nda tuke djande Sambo kati e masambo saambo mpe wiyamalelo wa matambe sambo einei mangomba Sambo.