¹ Eneneli e Obadia: Denda enge Yeova likumu ongoolekigbaa asalila Edome: eookimboli esi elongoi atie Yeova, motomami mwesi ongo otomami la ndondo e witondo: Amalani; la toamaleleni eho la wita. ² Denda! iwoumesi owe mokeke ndondo e witondo. obetelemi ngbii. ³ Wogeno wo motema mo owe nde wookosi owe, owe ongo okoabataka la mapokasaka ma libanga, moto ongo okabataka la ebete etelana, ongo okosaka la motema mande ate: Ndai okodjimba mbaisese? ⁴ Te inga oumùesi ebete eowe likolo nda mpongo, te ate inga lima e owe eabati la ndondo e minoto, ikoondjimba owe sese, eho nde engumba e Yeova. ⁵ Inga wato iwa wakoolingelelaka owe la likolo, watibalake nde oodiki owe monoko te? watibalake te iwo? te inga wabuka pukapuka dja bino wakoolingelelaka owe, watibalake te odei saa ma pukapuka dja wonokoli? ⁶ Te denda ndenge ewaluki iwo mene wato wa Esau! denda ndenge eluki iwo wiho wande wa motio winge wisama! ⁷ Waotindiki owe tee la molelo ndi wato wango wakelali ondimani la owe iwo kpaa waokosi owe. wato wango wadjaki logoo mongindi la owe wakoobatele owe woya alikambo ate odjei nda moto ongo odjandgi lomungo. ⁸ Ekodja ndjongo la wuse woho; te ndjongo te ehonde engumdu e Yeova. Ikowabitesa mene wato wa lokenge wa edomu, la lomungo la etuka e kolikoli e Esau. ⁹ Te temana, wato wa owe wa wokulu wa kouma la boo aboolo, alikambo ate mwesi mwesi akolongosene la etuka e kolikoli e Esau, alikambo ate aguee. ¹⁰ nsoni ekodiha owe alikambo la ewodje enge emokelelali owe ma ngua Yakobi okolongosene mene alikambo la engele enge e ebatamini molelo te. ¹¹ La wuse wungo woamalali owe kelekele, la wuse wokpalali wadjake egogo la engele elingelali lamoluhe monde walingali djege alikambo la la Yelusame, owe koto odjaali nda mwesi oowu. ¹² Wongiti te ondengi loi woho la wuse wo mangua, la wuse wo magba: otiongoke te woemeli la obitani wo wana wa Yuda la wuse wo obitani wau, otiongoke te oduholi monoko la wuse wo wodidi wou. ¹³ Otiongoke te odjii la moluhe mo wato wa mbai la wuse wo huko eenu. owe mene otiongoke te odengi obitani wonde la wuse wo huko ende otiongoke te onanoleli wogumake wonde ewola wuse wo huko eende. ¹⁴ Wongiti te wamali la ebete ebomani mboka, alikambo la owaoli wato wande wango watilali; la wongiti te owakawi wato wande wango wakalali la wuse wo wodidi. ¹⁵ Te mpamba te yeova akomemelele witindo kpaa woumia ahue. wakookela owe ndenge eklaki owe. Eomidjinge ikelaki owe ikowongwenela la moto mo owe mene. ¹⁶ Te mpamba te witondo kpaa wikokenga wiengele kpaa ndenge ekengakali ino la mokoli mosantu mo mbai okokengani la okokengani mene okoumani ndande watidjaake te wuse te woeti te. ¹⁷ Wango kpaa wakokala wakodjaa la mokoli Siona, moho mokouma ema esi mosantu, monguta mo Yakobi mokokondja wiho winge wiongi okondji. ¹⁸ Monguta mo Yakobi mokouma mene misa, la monguta mo Esau nda mataki ma bee, wakowatumba iwo. Te moto toeti te omonguta mo Esau atokala; alikambo ate Yeova inde mene wasi ndjongo. ¹⁹ Wakotota mene negebe, ee, etuka e kolikoli e Esau; la Shepelea, ee, e wapilisitia. Wakotota mene moki moki Eplaime lamoki mo Samalia, Bezamina akototamene gileade. ²⁰ Wiho winge witotali wato wa kanana tee la Zalepate wikouma wa wato wango wawakpalali iwo la moki mo wodjaake, wango wadjakali la ndondo e ma mokili mungo mokela iwo alikambo la wabanei, easi nda ate, wana wa Isalayele. Wato wa Yelusaleme wango wa wakpalali iwo la moki mo wodjake, wango wadjakali la Sepalade, wakotota wingumba wa Negebe. ²¹ Wakalesi wakotela mene la mokoli Siona, alikambo la osambesi etuka e kolikoli e Esau, la wokumu wokouma wo Yeova.