¹ Tango ehenia Yesu wato ngbii, atelia la mokoli. ayabatia pe wa tutieyi wande wa yandongbia ati inde. ² Mbuse eho abandia owa kpomeli matio, mande ahasia:. ³ Mwemu ngbii la wato wango watundi la mitema la ate okumu o Mwengei odjei wohu! ⁴ Mwemu ngbii la wango wadjali la ilelo, la ate wakodjwa woemeli. ⁵ Mwemu ngbii la wango wadjei bosii, wakotota mu mokii! ⁶ Mwemu ngbii la wango wadjali la ndjala pe wakolu kaka osembo, wakogbeta! ⁷ Mwemu ngbii la wango wakosumaka sambo ndamu, wakowahesa olamu! ⁸ Mwemu ngbii l,a wango wadjei mitama milamu, wakohene olamu. ⁹ Mwemu ngbii la wango wakohekeke logop, wakowawela wana wa Mwengei ¹⁰ Mwemu ngbii la wango wakowanyokoloko la tina e osembo, okumu olikolo odjei woyu! ¹¹ Mwemu ngbii mokodja la ino tango enge eko, tangemaka ino la wato pe wakohasaka la ino sambo mbe la tina e mbai. ¹² Hemeleni pe mwemu mosungu modje la ino la likambo ate mbano enu ekodja esungu ongo likolo. ndenge eho eho, wawanyokolali wasakoli liwoso lanu. ¹³ Odjeni mokpa mo moki. kasi inga mokpa mosila esali eho, nde nda ndenge ekowongwa woleli woho. ¹⁴ Odjeini mweli ngbai mo moki. egbli enge edjei la mokili etihisana, ¹⁵ Watiloliaka otambe ate waebete sese kasi likolo la ate ewahenese wato kpaa wadjei ndondo e molako. ¹⁶ La ndenge eho, ngbii enu ekoheneke ati e wato la ate wahene ikela ndamu ongo odjei likolo. ¹⁷ Otimungoleni ate idji ate ilongose mibeko wasakoli, olongosi kasi okokesi. ¹⁸ Ndenge eho, iyohaseli la osembo; ango eti salamata likolo la mbume, lidingo teeti te lisia la lidingo eti lisalamate ndondo e mibeko yambo ate sambo kpa ikokesana. ¹⁹ Ongo okobuka mobeko mokikima pe okowahasela wato wakele ndjongo awelama moto mokeke la okumu o Mwengei: kasi ongo okoke pe okoteya atie weti wato, akowelam;a moto mosungu la okumu o Mwengei. ²⁰ Ndenge eho, iwohaseli, inga osembo wonu woti ete mungo mo wango wabimiali mibeko pe wa Falisayo, otilingelani la okumu o moto. ²¹ Oyokalini ate wa wahaselali witindo: otimowol;a moto, moto ongo okowola moto akosambesama; ²² Kasi mbai iwohaselini: moto ongo oyabati la limemu la manango ndi la pamba okoki la osambesami, moto ongo oko mototaka manango nda atial kole awongi ate atote etumbu la sambi pe ongo okomotonaka manango nda boli akoki olongoli lamisa ma lifelo. ²³ Inga ohumesa mabondja la otale o Mwengei, pe ango omungola obe oowe atie manangwa; ²⁴ Dhee libondja lowe a lotale pe keke yoo owongeli sambo ino la mangwa ase mbuse djaka ohi mabondja ma owe. ²⁵ Wongele ino la motowe la mosio, nganga eko sombaka ino lainde, la mbangi ate atilumbe atie e zozi, pe Zozi atike la owe la boloko wambele. ²⁶ Iwowasali memene otikuba oyogo dji opute enge nyongo. ²⁷ Ookalini ate ahasamali: oti huanesa wenge la moli o moto. ²⁸ Kasi mbai ahasi la ino ate; moto kpaa ongo odengi moli la ndenge emolulake ahunesika lainde wenge la motema. ²⁹ Inga lisio eowe elilome likotomaka la sambo mbe, elongose pe elumba lihele, la likambo ate ewongi la otikali la eketi la olumbami wenge kpaa la lifelo. ³⁰ Pe inga ewo eowe elilome eotama la sambo mbe, etene pe elumba lihele, la likambo ate ewongi la owe odjei la ekete la ate olumbame wenge kpa la lifelo. ³¹ Ehasamali ate: moto ongo owumbi la moli onde amohekele ekpata e ooli liwala. ³² Ase mbai, iyowaselini ino ate moto ongo owumbi la moli onde inga etidje eteba aluki ate amokelese eteba. ³³ Oyokali alidi ni ate ehasamali atie iloko: otibuka saka eowe, kasi okokokesa mumgo molakali owe likumu. ³⁴ Kasi mbai iwohaseli ate otibingesaka la sambo kpaa, la kombo e liloko la likambo ate lidjei esiko e Mwengei, ³⁵ Otibingesaka la kombo e mbume, la likambo ate edjei ebete ekobataka Mwengei magilili, alidi te kombo e Yelusaleme la likambo ate lidjei egbla e likumu lisungu. ³⁶ Otibinge pe saka la moto, la likambo e owe te kikima. ³⁷ Makpomi maowe matikale ndenge ekpomi owe; linge likobakesaka iwo likopumbaka la obe. ³⁸ Oyokalini ate wahasali; maiso la tina e maiso pe maino la tina e maino. ³⁹ Mbai ohohaseli ate otiumwe ebete kikimi la moto mobe, inga moto aobinga la litama la lilome mohekele linge la liale. ⁴⁰ Inga moto aluka la owe sambi la ate atote simbi eowe eowe, modeele amidi. ⁴¹ Inga moto aluka osombesi kilometele esi kela la inde kilometele iyale. ⁴² Hekele ongo okohongoko pe otimotonele ongo okoluka ototi mopulu atie owe. ⁴³ Ookalini ate wasali: okomobala miino owe pe okomotona monguna moowe. ⁴⁴ Kasi mbai iwohaseli: bala wanguna wanu, pambwani wango wakoobumakolaka, kelani olamu atie wango wa otoni, pe sambelani la tina e wango wakoonyokoloko pe wakoheneseke olozi. ⁴⁵ La likambo ate odjeini wana wa sangbanu ongo odjei likolo, la ndenge eho, akopumbesaka lihusahuse wonde la tina e wato walamu la wato wabe, alidi akolueseke ewongo la tina e wato wa osembo la wango wa djangi womemene. ⁴⁶ Inga obala wango wa obali, nda kole ekotota ino? Waputesi wa lomeya watikelaka ndji ndjongo? ⁴⁷ Inga oha mobale ndji atie wamangwa, nde ekeli ino linge litikela weti wato? wato wa maeti maembaa watikelaka ndji ndjonngo? ⁴⁸ Wumani wato walamu nda ndenge edjei sangbasu o likolo moto molamu.