¹ Mbuse Yesu amototali Petelo,Yakobo,la maanango Yoani,atelali la iwo likolo la mokoli. ² Ayakukolali liwoso lawu,elongi ende engengali nda use,alidji wisindje wande wibubaali nda mwinda ³ Mpe denga Moize la Eliya wawapumbelali wadjaali osololi la Yesu. ⁴ Petelo atotali maloba mpe aasia:likumu , edjei olamu la iso toyabate ala, inga obali tomaye minguta isato, eesi e owe eesi e Moize, mpe eesi e Eliya. ⁵ Ango edjaaki inde owaasi, ndenga lipata lingengeke ewadhihali.ndondo elipata mooli mookanali ndjo la maamaloba:oholo adjei mana ombai olibalano,iyemeli lainde ngbi:mookani! ⁶ Eokaali tutiani djande mungo mooli, wakwaaali ilongi wawu la mbume alidji watumaali la boo sungu. ⁷ Ase yesu ayandongbali la huwe ewu,awabandali alidji aasali: amalani,otidjeeni la boo. ⁸ wadjambali maiso wa moyeneli ndji Yesu inde amene. ⁹ Eyadimbaali iwo la mokoli, Yesu awaunelia ate: otiasakeni la moto tueti dji sambo iyeeti ala tee lisio mana o moto akobasa la logo. ¹⁰ Watutiani wa mohuelali ehele poopo:woni watiesakoli wa mibeko wakowasaka ate ewongi Elia adjee yo liwoso? ¹¹ Inde awongwesi ate Eliya akodjaa ala mpe akowongele sambo kpaa. ¹² Ase ikwasaaka la ino ate Eliya adjiika, kasi omwewitii kasi wamokeleli nda ebalaki iwo. ndjongo mana o mato akwene odidi la mawo mawu. ¹³ La mwengele eeho, tutiani wayewali ate adjaali owaasi la iwo la tina e Yoani mopatisi. ¹⁴ Ango ewumaali iwo la hue e wato,moto mwesi adjaali okwi la mawuli liwoso la Yesu,asaali: ¹⁵ Likumu, ndjokela mana ombai magba adjei la ebubuluka,akoyeneke odidi;akokwaka la misa edji mbala la malia. ¹⁶ Imogbalali etie watutiani wa owe, watilonge omokalesi. ¹⁷ Yesu awongwesia ate, ehele wuuma edjangi ondimi mpe la okeseni; tee la nda engele ikodjaa la ino? tee landa engele ikonangelani motema?djeelani mbai la inde. ¹⁸ Yesu amopamelia etota,epumbali la wenge emana,ndji la enge engele,mana akalali. ¹⁹ Watutiani wayandongbali atie Yesu, wamowaselali la oyayisi: woni etikoke iso owumbi la ehele etota? ²⁰ Inde aasia la iwo ate , ondimi onu odjei okeeke. Iyowaselini meemene,inga odjeini la ondimi nda pukapuka e sinapi, okwasani la muu mokoli ate, somba te ate longwa ala keke tee ongo mpe ekosomba,loi tueti woti djanga okelami. ²¹ kasi ndenge ehele etota ekopumbaka ndji la oongi la oyakili. ²² Tango edjaki iwo osombi la galileya, Yesu aasi la iwo ate: ewongi la mana o moto ate wamokawe la mawo ma wato; ²³ Mpe wakomoola, la mbuse e masio ma satu akobasa. Watumali la magba makasi. ²⁴ Eumaali iwo la kapalanauma, wango wadjali oongi pako la tepelo wayandongbali atie petelo wamoaselia ate: likumu lanu akokiti oputi pako e mbula? ²⁵ Awongosia,ee. Ango elingelia iwo la monguta,Yesu atotia maloba aasia:simoni,okobundolaka woni? Makumu ma mbume wakoki oongi pako inga liputi etie wandai? Etie wana wawu inga etie wadidi? ²⁶ Amoaselia: etie, wadidi. Yesu aasia la inde ate ndjongo; wana wati puta. ²⁷ Njongo lalikambo ate totiwahe ndundu , keke la ligbutu mpe lumba ndobani,gula suu enge e liwoso ekodja;modukola monoko,okogboto falanga.Tota eho, keke owahi lalikambo la iso la owe.