¹ Wafalisayi la wasa dukayi wa djia atie yesu, la ate wamobate la sambo, wamoweelia ate awahenese sambo dja likolo. ² Yesu awawongoselia: la kolokolo, okohasakani ekodja olamu, la lokambo ae lipata lidjei lil:angake; pe boo. ³ Mopepe mo ewongo mokokela keke, la likambo ate likolo lilangiti; wato wayaisak;e; oyewini ososoli likalo kasi oyewiti odendi sambo ekosombaka tango. ⁴ Wana wa tango mbe alidi wa ekobo wakolukaka ohoni wikamwa, otihane djeti ikamwa nda enge e yonesi mosakoli mbuse alongoya atie wu pe akia. ⁵ Tango e kpandia iwo ngambo aatie malia; watutieyi wande wawosanali ototi mapa. ⁶ Yesu awahaselia: huakani, otiyaheni la llaka ma wafalisayo la wadukayo. ⁷ Wayekoli wa mungolia ino amene pe wahasia: ahasi ndjongo ndenge etotiti iso lipa. ⁸ Yesu, la oyewi mamungo mawu, awahaselia: wato wa oyambi okeke, nda ndenge ekomungolaka ino ndi inomene la ndenge etotiti ni ino mapa? ⁹ Ososolaki yoni alidi omungoliti kine mapa matano djinge ilaka ate wato 5000, ikolo iyenga ikpala ate ino, ¹⁰ Te mapa sambo mango malaka wato 4000, ikolo yienga ikpala ate ino? ¹¹ Ndandenge etisosoli ino eti la tina e mapa ekpomi mbai la ino? otihahe ni la ilaka ewa falisayo la sadukayo. ¹² Sikandjo wasosolia ate etindje la tina e famini e mapa ehasi Yesu la iwo ate wati yahe, kasi la tina mateya ma wa Falisayo. ¹³ Yesu awumia la moki moselaleya e Pilipo. awahuelia atie wande: mbai idjei ndai, ndenge ekpomaka wato, mbai monga moto? ¹⁴ Wamowongoselia: ndamo e wato wakohasaka ate odjei mobatesi; weeti ate odjei Eliya, weeti koto ate odjei Yelemia, odjei mosakoli mwesi. ¹⁵ Inoko, oyewi ni ate mbai idjei ndai? awahueli. ¹⁶ Simoni awongosia: odjei Masiya, Monga Mwengei o bomoi. ¹⁷ Yesu atotia ikpomi, amohaselia; odjei olamu, Simoni, monga Yonasi, la likambo ate eti lobundo la wato loohenesi ndjongo, kasi wawa ongo o likolo. ¹⁸ Mbai, iwohaseli ate odjei pe likolo e libukeli ikomaa Eyamba, e mbai, milihe dja masio ma logo mitilongosa libukeli. ¹⁹ Ikoohele madukweli ma okumu likolo: linge likonanga owe ahala sese la mbume likonangna ongo likolo pe linge liko duhola owe ahala sese la mbume liko luhuana koto ongo likolo. ²⁰ Awahaselia watutieyi wandeate watimohasele moto ate adjei likolo. ²¹ Ndi enge tango, abandia owahenesi watutieyi wande ate akoki oki la yelusaleme, onyokami , la wa iloko, makumu ma wa nganga pe wa bimianeli mibeko oholani la osekwi lisio la isato. ²² Petelo amototia inde amene, abandia omotetesi wenge la omohaseli ate: Mwengei aobanye likumu! djinge sambo itiowumelate. ²³ Yesu ayakukolia pe ahasia la Petelo: wongwa mbujse, Etota, odjei motambo atie mbai la likambo ate mabundo ma owe mati mabundo ma Mwengwei kasi mabundo ma wato wa mokii. ²⁴ Yesu ahasia la wattieyi wande: moto ongo obali odjei motutieyi mo mbai, akpa agbongolo onde mbuse atutie mbai! ²⁵ La ndenge eho, moto ongo okoluka okalesi bomoi onde akowungesa, kasi moto ongo okowungisa bomoi onde la tina e mbai ako etota la alidi. ²⁶ Okodja nda litomba moto ongo okondja moki mobimba, inga awungisa molimo monde? alidi ndeema ekokukwanesa moto la molimo monde. ²⁷ La ndenge eho, monga moto akodja la okumu o sango, la wapubwa wande, akokela moto la moto okokani la ikela wande. ²⁸ Iohaseli la osembo, ndambo e wato ndondo e wango wadjei ahala watigbaa liwoso ate wahene ndenge ekodja monga moto la okumu