¹ La enge tango, elode moaneleli mo aokia mboli e Yesu , aasia la watutiani wandé: idjei yowane mobatisi! ² abasia la wagwi,edjei ndjongo ndé moto akokeleka waahueli. ³ Aloi helode ndé amohelesali Yowane, amolingali, amobatalia la ogogo alikambo Helodia, moli ofilipo maanango à loyi te yowane amowaselali tè ati mototé ndà moli. ⁴ alukali omoholi, kasiadjaali owangi wato, aloyi wadjaali oweni yoane nda moeni sambo. ⁵ alukali omoli kasi adjali owangi wato, aloyi wadjaali oweni yowane nda Polifeta ⁶ Tango wadjaki owongeli feti a owotami é Helode; mana omoli O helodiasi awinia liwosonla wato, Helode ayemelia, ⁷ Ekiatée amowunelia la olapi la omohi éngé ekoonga indé kpaa. ⁸ oyokia ndengé emowaseli na ngo aasi mauselia: Ha mbai moto é yoane mobatisi la saani. ⁹ Likumu awumia magbai; kadsi odhéndi ndé olapi ondé la maiso ma wato. ¹⁰ awongia tè wamohè, aatomia à wamotené Yoane ongo la egogo. ¹¹ moto mondé wakia leho a asani wa mohia manomoli adjei ohi nango ¹² Wayekoli wa Yoane wadjia ototi wengé wandé wakia okundi, wadjia omosumbeli Yesu mboli. ¹³ ango eyokia Yesu a njongo atelia masu wa akia ma lihelé ebeté emanganga; ase wato waumia woewi woho ndjngo wapumbia la mokila mo tetedja inde la makolo. ¹⁴ Tango epumbia indée a andondoli, aonia wato ngbi, awa okelia magba, akalesia wakoni. ¹⁵ kolokolo é djea ewolo emanganga, limbilé likia wayekoli wa moaselia: wongola wato wake; wakasombi ilaka. ¹⁶ yesu awawongolelia: wakokiti ; wahekelini ino amene ilakà. ¹⁷ wa mwaselia : todjei ndi la okoke itano lasu iwale. ¹⁸ aasia : djakani leho. ¹⁹ awa batisia wato la isoki, abandeli mapa itano la su iwalé, atombolia maiso likolo, apambolia. abukia okoke aleti ahia la wayekoli wandé, wakabolia la wato. ²⁰ iwokpa walakia pé wa gbetia aleti wa onia ikolo nkoto iwalé engé etikalali. ²¹ wango walakali wadjali oweti nkoto itano ewato té otangi wali la wana. ²² Mbuse aasia la wayekoli wandé watelé andondoli pé wake liwoso landé léeti ngambo emalia, indé awongose wato. ²³ tango ewawongosia, atelia mokoli, aloyi tè bondeli ma lihélé ; aleti pkwa edjaali, adjali indé amene ²⁴ andondoli edjaki ndondo emalia, mbongé ewadjaalia, aloyi ehoho edjaki odjei eeti ngambo. ²⁵ ewumia ngo,nga ineyi elikolo, yesu awadjelia akosombaka likolo e malia. ²⁶ ango eenia wayekoli tè okosombakà likolo e malia watumali, waasia: edje etota ! aleeti, la owangi ewu wa bandali odhumbeyi. ²⁷ yesu awaaselia ndimani tè edjei mbai. ²⁸ Petelo amoongoselia: likumu, inga edjei owè, ndimate edjè etiowe la makolo. ²⁹ yesu aasia : djakà! petelo alongoya aandondoli, adombia likolo emalia akiya ngambo e yesu. ³⁰ kasi owenité ahoho edjaki oweli owangi ; ndengé ebandaki indé odji, abandi olindi, adumbia : likumu, kalesa mbai. ³¹ Yesu anonolia ewo, amohelia, amoaselia: moto oondimi keke, woni otindimé owo? ³² wartelia a andondoli, ehoho esilia . ³³ wango wadjakli ndondo é andondoli wadjia okwi amakolo ma yesu wamoaselia: odjei meemene mana o Mwengei. ³⁴ Mbuse wadjia a moki mo nazaleti. ³⁵ wato waengé ebeté; wamoewa Yesu wa tomia mboli kelekele eyiwo wadjelia wato wa ikoni. ³⁶ aasaliatè wahele saa esuki esindje endé . wango wadjaki omoheli.