¹ Yakobo motuke mo Engali mpe la molakesi Yesu kilisito, akowaumelaaka malye liomu la iwale wango wayaondi, mbaa! ² Wa manima, denga mungolani ate djei mwemu likowa ino ndondo eomekami lamitindo ngbii. ³ weewini ate omekami eondimi wanu ekodjeese egalya. ⁴ Dhee ate egalya eengese otomu kpaa ate odjeeini wambwi wango wakokiti odjangi ema. ⁵ Yaino inga mwesi adjnga akali, ayatate la Engali ongo okowahaka wato kpaa la ohekeli lilamu, ongo otipamelaka, ndjongo okotota. ⁶ Kaasi ayatate la ondimi, atidjee la kokya te laate inde ongo okokokya adjei nda mbonge osokpi la ehoho osombasombi ibete kpaa. ⁷ Enge ndenge e moto ndjongo atilikya ate okodjua aatie nkolo; ⁸ Inde molome mo loho iwale la olemalemi la isombeli djande kpaa. ⁹ Dhee ate maagbasu ongo odjei sembo ahemelela odjambemi onde. ¹⁰ Ase mogumi ahemele la otitimi onde laate akosalamata nda mbai la songosongo. ¹¹ Liusawuse liumi mpe libati, ase liomese djao ikwi; olamu la elongi eeho ebiti;ndjongo nde ekosalamata mogumi la isombeli djande. ¹² Mwemu la moto ongo okodja la ondimi ndondo eomekami, ndyambi ango elongi inde, akolingela la bomoi mounaali nkolo la wango wakomobala. ¹³ Dhee ate moto tweti ongo omekemi aase ate, ikomekemeke la Engali, laate Engali atimekame la ebete, inde mpe atimomeke moto te. ¹⁴ Moto la moto akomekama la ogulami la olongosami la poosa mibe mande amene. ¹⁵ La mbuse, ango ekpali poosa lemi,awoti lisumu, ango ebeki lisumu awoti logo. ¹⁶ Otihengameni te, wa manima wa libalano: ¹⁷ Makabo kpaa milamu la mokabo kpaa mawingi makodilika seese olongwei ya wawa la use. Inde atu :la okukwami, ati djeese te likolo te; ¹⁸ La mokano monde amene atowoti la luundo la meenene ate iso todjei nda pukapuka epoo la wiho wikeli inde. ¹⁹ Ewani ndjongo, wa manima wa libalano, ndee ate moto la moto adjee la wooki loga ase easeli mpe mpetee; aoke mpe limemu la mpetee. ²⁰ Limemu la wato etikelaka oyengebeni o Mwengei te. ²¹ Ndjongo, longosoni sambo kpaa mibe mpe ligbete; ate la bopolo, genyami luundo lidingami ndondo eenu, likoki likalakase milimomanu. ²² Djaakani nda wademei wa luundo, te saa waoki pamba ta, okoyahengakani ino amene la mamungo mibe. ²³ Inga inde ongo okooka luundo ase atitosa ehote adjei nda molome ongo oyadengi mbanda e wenge wande la talotala. ²⁴ Ayadengi ase olongoi loga ase awosani inga nda ndenge. ²⁵ Ase inde ongo okodengadengaaka la olenge owongi, mobeko la osomi, mpe aumwei odengadengi ango, adjei mooki ongo atiwosana te kaasi akokela otomu; inde ongo akodjaa la mwemu ndondo e misala mande. ²⁶ Inga moto mwesi abandi ate edjei mosambeli, ase adikiti lolemo wonde, kaasi limemula loho eende, losambo la ongo moto edjei pamba. ²⁷ Oyatati o mpeto ewongi ya Mwengei wawa eesu edjei ndjo: owadengi wabola la wali wango wagbeeli mpele ndondo e odidi wou la oyabanyei wenge mpeto la sambo dja moki.