¹ Polo la silivano mpe la Timoteo, atie lingomba e Watesaloniko enge edjei la liboliani mongindji la Mwengei Sangbasu pe la Likumu Yesu Kilisito. ² Ate magba masungu la logoo e Mwengei Wawa pe e Likumu Yesu Kilisito edjeni la ino. ³ Tokoki omowongoseli Mwengei dombwa engele kpaa la kole enu, wamangbasu, laate ewongi ndjongo ate ogemei wonu ekobekaka pe libalano e mwesi la mwesi la ino kpaa atie weeti ekotalianaka. ⁴ Iso tokoyaganaka la loyi enu ndondo e mangomba ma Mwengei la egalela enu pe ogemei wonu la mamekani manu kpaa la wodjidji wungo wokonangelaka ino motema. ⁵ Eho edjei elembeteli e osambesami omeemene e Mwengei, enge ekookpalakani ino otangeme wato wawongi la okumu wo Mwengei, enge la kole eho okoenekeni odjidji. ⁶ Eho, edjei olamu la maiso ma Mwngei owongosi odjidji la wango wakoenesekeni ino odjidji, ⁷ kasi atie ino wango wakoeneke odjidji, homani mongindji la iso la engele e eeneseli e Likumu Yesu tee ongo likolo mongindji la wahumbua wande wa okulu ⁸ ndondo e misa milolake, engele ekowongosa inde obe atie wango wamoyewiti Mwengei pe la wango watitosaka mboli ndamu enge edhendji Likumu lasu Yesu. ⁹ Wakotota etumbu ebitake e libela lihele e Likumu pe la okulu wonde, ¹⁰ Ango ekodja inde ototi otwa la loyi e wasatu wande pe laate wamoene la lisio laho, la loyi e wango kpaa waenesali ogemei, laate litatoli linge tohekeleli eyambamali la ogemei ndondo e ino. ¹¹ La loyi eho nde tokoyangogaka engele kpaa la kole e ino, laate Mwengei osu aotangeni wato wawongi la owelami la inde pe la okulu, aengese olamu enge ebali inde okeli pe otomo e gemeyake. ¹² Laate kombo e Likumu lasu Yesu edje la otwa atie ino, pe otwa wonu atie inde, la ookokani e magba masungu ma Mwengei osu pe e Likumu Yesu kilisito.