¹ Polola la silovine mpe Timote, la enguta la engali ee wa kesalokiki; ongo odjei engali sangbasu mpe la Yesu klisto mokalesi ² Ate magba la logo omkodjani aatie engali sangbasu, la mokalesi yesu klisto! ³ La loi onu tokoki, manima, phongwesi mbqla oltondi atie engali, la ndenge enge la osembo, laate odje la mwemu mbala, la mbala, laate otua o moto la moto edjei wetie moleho. ⁴ Aleeti iso tomongumie ongo la winguta la engali, la loi ate odjei la elikya mpe ondimi wa owe la ibete kpaa la odidi kpaa nanga loho. ⁵ Edjei mitunga la osembo la engali, la ate odje la osambisami lilamu la okumu o mwengali la sambo dinge yeeni ino odidi. ⁶ Eeneni olamu omohii engali odidi nda limbondja, la wango wa kowookisani odidi, ⁷ owahekeli iwo wato wa odidi ohomi ebete eikima la iso la mwengele la weeneni likumu laiso Yesu klisto ongo ekopumba inde ongo likolo ebete eesi la wahumbwawande dja okulu. ⁸ La ndondo ee miqa masungu laate awahee wato wabe etumbu wano wamwewiti engali, mpe wa tii la otosi sambo ndamu dja likumu la Yesu klisto. ⁹ Wa kodja la mwemu la o tua ongo likolo ahue la engali mpe la omongum la okulu wonde, ¹⁰ Ango ekodja inde ala, la linge lisio, la okumu wonde osembo mpe la ondimi la wango djaasua wango wandimi. ¹¹ Laate tokwayatataka masio kpaa la likambo lanu, la mbuse sangbasu engali akoosambisani la likobo lande, linge libolisani la okulu la olamu wonde kpaa mpe la ikamwa la ondimi wonde. ¹² Laate kombo mokalesi Yesu edjei la otua aatie ino, mple lz ino oldjieni la otua atie inde, okokani la magba ma engali mpe l:a mokalesi Yesu klisto.