¹ Unda tekeliso amapapasiaa Yeso klisto miki m'Akodola. ² Yendene kukumunde M'Akodola Isaya akekine, ''Wendae, metikito ukpa mamokiako, ukpa kadi munde ekaka bongiso ahe lako. ³ Liswa ukpa munde atuki na Ihwa, ''abongise ahe l'Akodola, a nanwe ahe lake'' ⁴ Yohana apiki ngo ebatiso suba Ihwa na lapaubatiso akapingia ilolo. ⁵ Nji ngbokpu a Yudea na bakpa ngbokpu paka Yelusalema bakee na njoke. Baliki pata ubatiso naye suba libo Yolodani, ngo bea kobisiso eloloi labo. ⁶ Yohana aliki lala ngombe la koboa ngamia na kutu la pokoka kulukutuake, na aliki liabaamai kaka na bokia suba ndula. ⁷ Alapii na luhuo, ''Enakadi munde apiki mbuso mami, mao motaka kpekulami, ngoime kanga kendene utokano tungunona kaolodo na kuda ngolio esilo ake. ⁸ Menubatisi suba libo, mpaa eye enobatisano suba Mbukooma lapu.'' ⁹ Enikani keeseundo Yeso akidi katuka na Nazaleti akasalilaya kumande Yohana abatisi seli suba libo Yolodani. ¹⁰ Saa unde Yeso atune suba libo, mande eni kupa ekanga kendo ebale ngo Mbukoma easimono kulake ya pimo. ¹¹ Na liso atuki na kupa, ''Uwe ndii miki mamo munde miokundi. Mio kundi kpe.'' ¹² Mbusoli Mbukooma apu mande atiki na Ihwa. ¹³ Saande abina Ihwa suba ese komi sina ngo N'keti katima lake. Abi na bangama basuba ndula, na ba malaika baliki liso lake. ¹⁴ Mbuso ma Yohana pedikana, Yeso apikika Galilaya ngo alapa kula Injili la Akodola, ¹⁵ Ngo aluhuo bende, ''Eseakidi, na ubwame la Akodola asito pio. Duanito eloloi lanu na pipa lake suba Injili.'' ¹⁶ Na saa unde aliki kalwa kapitio libo Galilaya, amone Simoni abo na Andelea motwa Simoni ngo bekamaka sibo abo suba libo kangbuende babi bagenya. ¹⁷ Yeso aluhu kabo ate, ''Pikoni, bomibiliani, na menu pisono bagenya labokpa.'' ¹⁸ Mande badoli sibo abo ningo na bilia lake. ¹⁹ Kendene Yeso atambine kulaha nadele, abaamona Yakobo miki ma Zebedayo ebono Yohana motwake, bunde babi kapitio nkoko ngobekabongiso sibo abo. ²⁰ Mande eweki ningo nebo mande badu apabo Zebedayo suba n'koko na batu ekumo mande babiliei. ²¹ Amande ba kidibibe Kaperinaumu,duwa la Sabato,Yesu abiangi subendu n,tue.Ka abekodia. ²² Aliki luhua na bakpa ba kodola hanalabo ya kpa yamangese . ²³ Santo subende Akodola Butu suba n,tua ndeoobina mbua mema ababeta tahwa, ²⁴ Aluhu bende "Besu naawe bekola naye masina,Yesu la Nazaleti?Mepu mwemopu kabengo wenza Akodola! ²⁵ Yeso "aluhu ka mumba",akobiane na atuke subendu a Akodola. ²⁶ Mumba mun'to akuka dodo ngo elimba in'to atuo kiakengo eteta. ²⁷ Bakpa ngbokpu aba ba songola, nde ndiowa obekadia ato la bangiso?,munde mawa?,bamukakano! ²⁸ Akulake ekekiani kuma ngbokpu suba Galileya. ²⁹ Mbuso matoka suba N'tua,bangisa bendo Simoni na Andrea kuma kadi Yakobo na Yoani. ³⁰ Amakuke na Simoni abina sesia bakeshie mbini soke ka Yeso . ³¹ Abina ambedika anjeka mande anengi,ngo,sesia batua awaye abatekilisa. ³² Kende mane andi mine bepikisi kake bakpa ngboku bunde babina na keti. ³³ Jungo kpuatandani kesu endu. ³⁴ Elamisi kpete bunde babina sikida,butua sikida kulaha.Kulaha na bea ba keti,kpete etonisi baketi kanga luho kangwende ba mopi. ³⁵ Asusuki kanya laketi,ngo tudaha kasimimbe atoki Akodola humande esula bei ekeka ihua. ³⁶ Simoni na bunde abina bongboku bakadi. ³⁷ Bamoni aba bangodia "kilakpa kakabalako". ³⁸ Atoti kabo,"Bikene kuma etino,atimbi wani n'tule in'toke pipiso Akodola in'do ndulu emipikisi wani". ³⁹ Akee kalua ka Galileya ngboku kapipiso suba N'tua lamo ka beala ba keti. ⁴⁰ Ntua kebukebu kadi aba akiolakiake.Alihi memia lake na aba beta mua kumake ka dodo aba atota kakebende,"Kake kabengo okundi bongisio lami". ⁴¹ Angisuba ngomi,Yeso ananu njika sake abambeda atekake opundi.Obe manja. ⁴² Mande kebukebu asi,mandengo puake abongi. ⁴³ Yeso mande aheli kambi nonde. ⁴⁴ Asi kake bende "Kango otota kakpa metino elehe inde,kamuato, wehangia musama ba mangese,okape Boembo,kangua bunjo inde Musa atoti,hagwa elehe inde baluhu". ⁴⁵ Ndulu akee natekeliso tota kakpa kadikadi naluho kula elehe inde Yeso atoti kake musamangio subanji keliso.Mande aliki umande ihua ngobakpa ngboku katoka kilanji.