¹ Muka Mwimana Adelaide n'obwalagale okw'omu mangoga buzinda, hali abantu baleka obwemere, bayunva oku ab'obunywesi badesire, n'oku enyigirizo za Shetani zidesire. ² Bacilekera okuhabulwa n'endyalya ziba na nywesi. Entimanya zabo satire, similar ziyorha nkakuno zababirwe n'ecuma cidurhu. ³ Abo bantu banakayigiriza mpu okuja omu buhya mpu n'okulya kalyo kalebe kuli kubi. Cikone Nnamahanga alemire ebyo biryo mpu lyo abikubagirwa, bo bayishi okuli, bakabirya amango bamayusa okumushenga omu kumuvuga omunkwa. ⁴ Ngasi kantu Nnamahanga alemire. kaba Kinja, nthyo hynkalekwa, cikone kukwanine okuyankirira ngasi kantu omu kumuvuga Nnamahanga omunkwa. ⁵ Bulya kuba bicesibwe n' oluderho lwa Nnamahanga n'omusengero. ⁶ Omu kurhondereza bene wirhu ebyo, wanaba murhumisi nkana was Yezu Kristu bulya wehe waleragwa n'ebinwa byo bwemere n'eby'enyigirizo nyinja wasezire kwo. ⁷ Cikone oleke endibi z' obungolongolo zirhayerikiri obw'obwemere. Okacikomereza okulama omu kucishwekera kuli Nnamahanga. ⁸ Okushagalusa omubiri kuba kwinja hisungunu, Cikone okucishwekera kuli Nnamahanga ,kwo kwinja kulusha byoshi bulya arhulaganyize obuzine bwa buno n'obwomu bwami bwayisha. ⁹ Ako ko kanwa k'okuli, kakwanine n'okuyankirirwa lwoshi n'okuyemerwa. ¹⁰ Yunvagya ecirhuma rhujira omukolo erhi rhunali rhwafuka, rhujire ntyo bulya rhwahisire obulangalire bwirhu milk Nnamahanga w'obuzine ye Muciza w'abantu boshi, nakulusha, ali Muciza was bantu ¹¹ Ebyo byoshi, obirhegeke onabiyigirize. Orhazigaga omuntu akugayaguza mpu kwenge oli mwanar wa musole, cikone obe lwiganyo lwa bikubagirwa, omu kuderha kwawe n'omu bijiro byawe, n'omu bwemere bwawe, n'omu bucese bwawe bw'omurhima. ¹³ Okuli walinda oku nayishi, ociseze okasoma amandiko emalanga g'abantu bwoshi, ociseze n'omu kukahanula n'omu kuyigiriza. ¹⁴ Orhalekaga erya nshokano ya Muka mwimana ekuba mwo, yo y'erya wahabagwa amango abalebi balebaga n'abagula bakulambulira kw'amaboko. ¹⁵ Ocihangane okuyusa ogwo mukolo onacihane kuli go weshi lyo abantu bwoshi babona obugendekerere bwawe. ¹⁶ Ocimanye wene n'oku nyigirizo oyigiriza. Oyorhe osimire muli ebyo byoshi. Bulya erhi wanna kola ntyo, waci ciza wene, ocize n'abali bakuyunva.