¹ Embere lya byoshi, ntegesire nti okasengera Nnamahanga n'okumushenga n'okumuyinginga n'okumuvuga omunkwa erhi bantu boshi barhuma. ² Kukwanine okushengara abami nangasi bakulu b'ecihugo boshi lyo rhuhasha okuba n'obulamu burhuzize bunadekerire, n'okukulikira Nnamahanga okunali haguma n'ebijiro by'okukengana. ³ Yunvagi ebiba binja binali bya kusimisa Nnamahanga Muciza wirhu. ⁴ ye olonzize mpu abantu boshi bacizibwe lyo banahasha okumanya okuli. ⁵ Bulya hali Nnamahanga muguma yene, hali na mulagizi muguma yene, oyo yeba ekarhi ka Nnamahanga n'abantu Oyo olya muntu Yezu Kristu. ⁶ ye wacihanaga yene mpu lyo acungula abantu boshi. Ayishaga omu mango garheganyizibwe. ⁷ Okwo ko kwarhumaga najirwa muganda najirwa nantumwa, nahabwa omukolo g'okuyigiriza abarhali bayahudi ebiyerekire obwemere n'okuli, ntanywesiri ndesire okuli. ⁸ Nonzizagye abalume bakashengera ngasi hantu, bakayimusa amaboko omu kushenga erhi bana gwerhe emirhima mishukule, buzira bukunizi na murhma gwa mbaka. ⁹ Na nnonzize abakazi bayambale nka kulya kukwanine, babe n'obukenge, n'olugero. Barhaciyinjihyagya omu kuhunga environment, erhi kuyambala orhunji rhunji rhw'eminjihirizo erhi myambalo y'engulo ndarhi, ¹⁰ cikone baciyinjihye n'emikolo minja nkakulya kunakwanine abakazi baderha oku bkenga Nnamahanga. ¹¹ Kukwanine abakazi bahulike amango balibayigirizibwa, bajire ntyo n'obwirhohye boshi boshi. ¹² Ntayemeriri omukazi okuyigiriza nisi erhi kurhegeka omulume, akwnine ahulike. ¹³ Bulya Adamu ye wali murhanzi lemwa, n'enyuma lyaho Eva. ¹⁴ Arhanaligi Adamu ye warhebagwa, cikone omukazi ye warhebirwe ye rhanajiraga oku amarhegeko ga Nnamahanga gadesire. ¹⁵ Cikone omukazi acizibwa bulyakuba ali muzire erhi ankabera omu bwemere, n'omubuzigire, n'omu bwimana n'omu bukenge, haguma. n'okurhacikunga.