¹ Bene berhu, murhagwarhag'akabol'oku bandi bantu, s'aliko muyemere Nyakasani Yesu Kristu w'erenge. ² K'okuderha nk'omuntu muchire akaj'omuchishagala chenyu ayambere akagondo k'ehoro n'emyambalo ekwirire bwenene, n'enyuma hayinj'omukene we myambalo ebihire; ³ nenyu mwanal'ola owe myambalo ekwirire n'okumubwira: woyo yikal'aha hantu hakwirire, n'okubwir'omukene: Orheng'aho, changwa yikal' ahashi, ahamagulu g'echichumbi chani; ⁴ kamurhahirir'ember'omukagarhi kenyu? N'okuba bazuzi b'enganiza zibi? ⁵ Bene berhu bazigirwa, muyunvirize. Kamurhamenyer'oku Nyakasani alondwere nabakene b'egulu babe bachire b'obwemere n'efula z'obwami alaganyaz'okubamusima? ⁶ Aliko mwabo, muli mwabonerer'omukene! Barhali bachire bababonerera n'okubahek'omulubuga? ⁷ Kabarhali bachire babajachir'ezino linja mugwerhe? ⁸ Alik'okakoles'erhegeko nk'oku liyandikirwe omurhegeko: Osim'omuturanyi wawe nko k'okochisima, wamajira bwinja. ⁹ Alik'okasima baguma , wamakol'echaha chihanirwe n'erhegeko, eyiwamanavun'erhegeko. ¹⁰ Bulal'eyomuntu akavun'erhegeko, ery'anavunire goshi. ¹¹ Bulala Nyamuzinda aderhere: orhahir'okahusha n'okuyirha. Nkorhahushir'alik'okayirha, wamavun'erhegeko lya Nyakasani. ¹² Muderhe, munakole nkabalonza kuchirw' olushinja lw'amarhegeko g'obulenganjira. ¹³ Bulal'okuch'olubanja kwayinja buzir'obonjo ku balala barhajir'obonjo. obonjo buhim'okuch'olubanja. ¹⁴ Bene berhu, bichi bikwanen'oku muntu waderh'okwagwerh' obwemere, kandi arhagwerh'ebijiro bikwirire? K'obo bwemere bwakamuchungula? ¹⁵ Eri mwene wenyu muguma changwa mwali wenyu akalagirir'emyambalo, changw'ebiryo bikwanene, ¹⁶ Kabili binj'okumubwir'okwagendage bwinja, akagaluka ayugurhe orhamuher'echintu. ¹⁷ N'obwemere nabo kubuli ntyo. Eyi wankaba n'obwemere buli nkobo, burhayerekenwe n'ebijiro, eri bufire. ¹⁸ Hakola hab'omuntu waderha: Onyerek'obwemere bwawe nani ebijiro byani, nanamushubiz'oku: Onyerek'obwemere bwawe buzira bijiro, nani nakuyerek'obwemere bwani oku bijiro. ¹⁹ Oyemer'oku Namahanga aba muguma yenine. kuli kwinja, aliko n'abazimu bayemera banadirhimana. ²⁰ We chihwinja we! K'oli walonza ebyo kukuyemez'oko bwemere buzir'ebijiro burhagwere kamaro? ²¹ kurhenger'oku shokuluza werhu Abrahamu abonekana mushinganyanya embere za Nyamuzinda. Kabirhali bijiro byage amangw' ahan'omugala Isaka nka ntereker' oku lurhamba. ²² Obwen'okobu bwemere bwachiyerekene haguma n'ebijiro; n'obwemere bwage bwakomere kugerer'ebijiro byage. ²³ Ebyamandiko gaderhaga byahikire. Abrahamu ayemera Namahanga. Kwebyo, Namahanga amubona mushinganyanya. Ahola Namahanga amuyirika mwira wage. ²⁴ Obwen'oko kugerer'ebijiro, omuntu anaba mushinganyanya, alik'warhali kugerer'obwemere bonyine. ²⁵ Ntyo kubyabag'emwa Rahabu w'embaraga. Abonekana mushinganyanya embere za Namahanga oku bijiro byage, enyanya z'oku yankirir'abonvirizi b'Abayahudi n'okubayerek'eyindi njira bageramo. ²⁶ Bulala nko mubiri gurhaherhe muka, guba gufire, konak'obwemere burhaherhe bijiro buba bufire.