¹ Beneberhu, nk'omuntu akafarhwa n'egosa, mwe muli omu Muka, mumugalule n'obuholo. Eyi muchilangire nenyu murhayahukirwaga. ² Murhabalane oku mizigo yenyu, nantyo mwayunjuz'erhegeko lya Kristu. ³ Nk'omuntu akamanya mpw'ali chintu , eryarhali chintu, achirhebekere yenine. ⁴ Buli muntu alole emirimo yage, nantyo abon'oku chishinga yenine, birhal'oku windi, ⁵ bulala buli muguma nj'aheka omuzingo gwage yenine. ⁶ Omwigirizwa ahe omuyigiriza oku bintu byage byoshi. ⁷ Murha chirhebekaga: Nyamuzinda arharhebekwa. ech'omuntu ahinga chanashalula. ⁸ Orhwera oku mubiri nj'ashalula oku mubiri ebibolereza; alik'owarhwera oku Muka n'oku Muka ashalul'akamo k'esiku n'amango. ⁹ Rhurharhamaga oku jir'amenja; bulala nji rhwashalula nka rhurhavunikiro omurhima. ¹⁰ Nantyo nkarhubwene akasanzi rhujirir'abantu amenja, bwenene ab'omu nju y'obwemere ¹¹ Lola oku mparafu nkulu kuyandikire n'okuboko kwani nyenine. ¹² Boshi balonz'okubonekana benja oku mubiri, babaseza mpu mukembulwe, kulonza barhalibuzwaga eyanya ly'omusalaba gwa Kristu. ¹³ Bulala abakemburwe barhakeng' amarhegeko; aliko balonza mukembulwa, yibachikuza oku mibiri yenyu. ¹⁴ Oku bindolere, hale n'enganiza z'okuchikuza oku bintu birhali by'omusalaba gwa Nahano Yesu Kristu, kugerera yewe egulu ly'alibuzizwe enyanya zani nani enyanya z'egulu! ¹⁵ bulal'arhali oku busha oku kembulwa n'oku rhakembulwa; ech'obulagirire kuliba chiremwa chihyahya. ¹⁶ Omurhula, n'obubabale oku boshi beshimbulire obuburhegeke, n'oku Israeli wa Nyamuzinda! ¹⁷ Kurhenga zene nta muntu ochindibuzage, bulala mpeker'ebimanyiso bya Yesu. ¹⁸ Beneberhu, omurhula gwa Nahamwerhu Yesu Kristu gube haguma n'omurhima gwenyu! Bibentyo!