¹ Ebuzinda bwa myak'e kumi n'ene na shubishona e Yerusalemu na Baranaba, na heka Tito haguma nani; ² kandi nani najagay'omukubonekerwa, na babwira omwazi gw'obuholo yina yigiriza omu bantu barha yemerere. Narhangagi gubwira burhanzi kubala baherhe akamaro, kuderha mpu yimba nta balibirhire changwa ntalibirhiraga busha. ³ Aliko Tito waliri haguma nani, eyanali Mugiriki, arharhegekwaga ku kembulwa. ⁴ Nantyo enyanya wa beneberhu bw'obubeshi balibajire ahakagarhi kerhu buzira kumenya, yibagala kulolereza obushwekulwe rhwali rhugwerhe omu kagarhi ka Yesu Kristu, ku derha mpu yibarhuhira omu buja. ⁵ Aliko rhurhachihiraga eshishi wabo haba na kachanji na kaguma, rhwanalahira kukola okuba balihemere y'okuli k'omwazi gw'obuholo kubera omu kagarhi kenyu. ⁶ Balala baliherhe olukengo, bali babonekene nkabaherhe akamaro, oku ntako kwalimalir'emwani bulala Nyamuzinda kalondole. Balala baherhe olukengo barhazezaga chintu. ⁷ Ahubwe bachibona oku nahabirwe omwazi gw'obuholo enyanya ya barhakembwirwe, kuguma n'oku Petero aheberweho enyanya w'omwazi gw'obuholo oku bakembwirwe; ⁸ bulala ola wajiraga Petero Ntumwa ya bakembwirwe y'ewanjira nani ntumwa ya barhayemerere. ⁹ Na bachimenyaga olukogo nahabirwe, Yakobo, Kefa na Yohana bali bafarhirwe nka nkingi, bampa nyono na Baranaba okuboko kwa malyo kw'obuguma yirhuja mwabarhayemerere, nabo emwa bakembwirwe. ¹⁰ Aliko omwazi muguma balirhurhumire oku rhuyibuke abakene n'ogumwazi nagukola bwenene. ¹¹ Aliko amango Kefa ayinja e Antiyokiya, na mugamba mesho oku mandi bulala alishinganene oku chirwa olubanja ali kolere kubi. ¹² Bulala bantu baguma barhumagwa na Yakobo bahike, bakazaga kulya na barha kembwirwe, aliko bachihika, achikula haguma nabo enyanya y'okuyubaha aba kembwirwe. ¹³ Enyanya zage abandi Bayahudi bachihira haguma naye mw'echo chijiro ch'obulyalya kugera aha Baranaba naye ahekerwe n'obo bulyalya bwabo. ¹⁴ Aliko mbona oku barhali balambagira omu kuli kw'omwazi gw'obuholo, na bwira Petero embere z'abantu bwoshi: Akaba woyo w'e Muyahudi, olamire nk'abantu barha yemerere s'aliko arhali nk'a Bayahudi, chirhumire olonza kuhindamula aba pagani oku bakulikir'emigenzo ya Bayahudi ? ¹⁵ Rhwabo rhuli Bayahudi bw'oluburho, s'aliko rhurhali banyabyaha omu kagarhi k'abarhayemerere . ¹⁶ Aliko, omu kumenya oku arhali okubw'ebijiro by'erhegeko ly'omuntu ajirwa mu chesibwa, s'aliko oku bwemere omu kagarhi ka Yesu Kristu, nerhu rhwayemerere Yesu kristu mpu yi rhujirwa bachesibwa oku bwemere omu Kristu s'arhali oku bw'ebijiro by'erhegeko. Bulala nta muntu wejirwe muchesibwa okubijiro by'erhegeko. ¹⁷ Aliko akaba amango rhwaliri kulonza kuba bachesibwa omu Kristu, rhwashubiri kubonekana banya byaha, kuli kuderha oku Kristu ali murhwali w'echaha? Arhali ntyo ! ¹⁸ Bulala eyinakashubi yumbaka ebinashandaga nyenine, eyi namayerekana nyenine oku ndi muntu mubi. ¹⁹ Bulala oku bubi bw'erhegeko, nafire oku rhegeko yindama enyanya za nyamuzinda. ²⁰ Nabambirwe haguma na Kristu, k'andi na ndamire, na kaba ndamire arhachiri nyono nyendamire aliko Kristu yelamire omu kagarhi kani. Akaba ndamire zene omu mubiri, ndamire omu bwemere bwa mwene Nyamuzinda wansimire ana chihana yenine enyanya zani. ²¹ Nantyo nta kabona olukogo lwa Nyamuzinda nka busha; bulala akaba obushinganyanya bwabereho enyanya w'erhegeko, kuliku derha oku Kristu afire oku busha.