1
Bobu ya Koomo na koeta ; Maliaya Magadala, Malia, n'ma Zaki , na Salomona, ba ouwa masali, mokiya koisela Mbali.
2
bato ya bosasu mo m'poso, ke baya mo Bolundi, na m'pendu yoose, m'ba bowa alinga booba.
3
Bo na ko enesana n'nkati abo :" nani osinde keya base huwe pkaaya na bolundi ?"
4
Ke na ko imowa maiso kiyo, ke bo mona ambele mo mbele ya iwe si owo yaombolekake.
5
Ba ingeya n'nkati ya Babuka, ke ba moma mosombe omo mbe oka ase mo kaako ilome obate m'kanyo emo ya phu phoka, batina iboka.
6
We na koena nabo :" buwa kotina, bo phani Mbali wa Nazarete, owa we teleke Molieka; Wa imokake, ouwo kae abono ; moni boikaneo weli wa bata nga we.
7
Yai Beebesi Baeki bande mbele Petele okiya bose ino mo Galeleya. Kooko hi bomonai we, mba boua aena nga we nino".
8
Ba omoka mo Buyako ( bolundu ) ke baya obeyo. bowe na ko tekateka aikanga na bo ; ke bo bita enanga ande na moto, bondia bite inganga boi na bowa.
9
Mbali, ko imoka na m'pendu woose wa buangeya ase Malia wa Mangandala, owa wa toesanga we Mesanbo mo motchomue ndi.
10
We ne kiya ko ebesa mosao ya eneheke mo ba baikanga na nde, na ba ikangi na nde koeya.
11
N'yanga sieyo aimnga bo mbele Mbali uka, weomoni we.
12
Maili ya ao, wa buanga, boikaneleli ophe n'nkati ya bo ba bobesi ba beka ko phana.
13
Ba ya ko ebesa baphe, siba bitea akoe.
14
Na bobo, wa buan'yaya Baeki ikomo na omo, mbele bika mo mesa; ke wa obea bo bondi meango na metema, ya ko beya, bondia bita a koanga nde ba monanga we koimoka.
15
Ke wa ena na bo : "yai mo tchese choose, be londo wei looki isali ka moto ose".
16
Owa oko akowa ko n'yeka oka ondai ndi owaio wa oto koa oka ndekai.
17
Monai maondi mako sangalesa ma mokondesana na ba kaakowa :" lina Yane, bo benge mesomgo ya bea; bo koeni beenyeli ba eneke".
18
Boo bundai n'joka ; m'mba bama chesima tcha koiya, eto ta ande bo ko benga; boote maako kiyo na bato ba inso, ke bato si bo ko ondaï.
19
Mokolo maili a koena na bo, ke walinya koa kiyo, ke waika ase mo kaako ka hilome ka Mokonga.
20
Ke bona, kiya kolonboa mo tchese choose. Mokolo wa tumikangai na bo, wa koangai looki o maondi ma ko sangalesa simamako ondesa na bo.