¹ Aikanga Mbali, mo koomoka mo lumba ya Mokonga, omo wa baeki bande kaena nande mbele: "Molombia, mona nani mawe na eni maenjeko!" ² Mbali aenake nande:" amonake ema ema ya maejeko? Ito sia ango iwe kiyo na iwe mose mo balangana". ³ Aikanga we kaika o mokondi a Bilaya, bakabaka na lumba ya Mokonga. Petèle, Zake, Yoane na Andèle ba phipheakai we mune:" ⁴ Ena na se, mo eni inyanga bo okula tcha na bani Baalama bo ko yebesa ase mbele maondi noose moko engama?" ⁵ Mbali aenake nabo mbele:" ikana kotina mbele moto ango omo aekese ane". ⁶ Na bobo ba bua okula ko ase lina ane, mo koena mbele; Iki no. Bosei bato ba bua. ⁷ Inganga o koungba ane koena na bita na lokendi wa bita, bua kotina, alinga maondi si mafike. Na bobo ya uwa nde ntungia. ⁸ Okita omo o kaimanea ophe okita, na bokota omo kaimanea owe bokota; Y'okaika na ko tekateka ka iseke mo baphe basima, y'okaika na indja. Yo kaikai makojekeo ma obaba. ⁹ Ikana na kotina ane mine. bo koabi ane mo tomilalo, ke bolubesakai na tote o malumba Mokonga, botondelekai oso a mekota, mo isina ane, mo komoesa boyaeli. ¹⁰ En'ngame boso mbele mesao bosali ya tondeleke o metanga yonse. ¹¹ Inyanga si bo biya owe moaba owe, bua kotina mbele na koena asa Echei, o koena eya ko esele ka owe mo inyanga si emo:" mondia bana bito ko ena, n'ndi Mosombo Mosaali. ¹² Mana'ma koaba mana ma mo kokgo, na tata maana nade, baana kaimaneya bazazi bande, na kaiya bo. ¹³ Bo sekeleki na bato bose, mo noli ya lina ane, owe okeyesa motema bane mwisho o ko ondai. ¹⁴ Inyanga bo mona ane kota kobeya na moto na maondi ma beya beya koteleka mo fasi si yauwa ya koteleka, owe mosomi ika na kotina, na bobo, ba bo bokoika. Yudea bo kimbie o mekondi; ¹⁵ Owa kaika kiyo na lumba bua koselela mondi ma kobiya tchesima; n'nkati ya lumba. ¹⁶ Owa kaika mo iba bua omona maili mo biya kasaka kande. ¹⁷ Tchombo na ba mokali ba kaikangai na maeme na kongokesa na n'su seeyo. ¹⁸ Sombolai mbe maondi si mitina fiki. ¹⁹ Mondi a obaba, mo n'su eyo, ekaikai mo bayaeli si owa inaiki mano kolinga ko makonjekeo ma techese eya Mokonga wenjeke bena mono tu, ke itekaikai yande. ²⁰ Ika, Moko kosebelesa n'su, moto ango omo uti maondi ande; ika mbele aselelesake, mo isina ya basoneki sonangai we. ²¹ Imba asa moto koena nino:" Klisto uka abono", imba:"uka koa", bua koako wa iwe. ²² Isina mbele bo komaka ba Klisto ba beya na balondai ba beya, boota maondi ma emema na maondi na kosangalesa mo isina kokelesa basoneki, alinga aengama. ²³ Ikaikio na ko tchunga kino:" naenake nino boso". ²⁴ Ika mo su eyo, maili na obaba, booba lokaika na iphue; meeli uto sanakae, ²⁵ ikenikemo keakea na kiyo, ika mekuwa ya kaika kio y'obalangana. ²⁶ Na bobo oomona Mana Moto kula kiyo na obonge na mekuwa ya ema na okuku. ²⁷ Na bobo we katomai bakitomola ko songamesa basoneki o mephopho yanse ina, n'tungea ose ya iseke bena utungea ya kiyo. ²⁸ Ika na mayenyeli ma ko opheona na amonake ane mo kate. Inyanga ya metabe kula osali, na toani ko omoka, bokoyeba mbele iayanga ya booba ya engamake. ²⁹ Na babo, inyanga omona ane maondi si kula ebai mbele Mana a Moto wa susake, mo mokango, ³⁰ Na koena nino liti, olamba si ito koetai, alinga mose makome. ³¹ Kio na kose bo koeta, n'ndi maoki mane ito koeta nde. ³² Bondia otu na inyanga, moto ango omo uteli, ango mekitomo akiyo, ango maana, indi Tata lika. ³³ Ika na maenyengeli, bua olama n'ndi sombola n'ndi biteli ino inyango ya ukula. ³⁴ Yo koika omba amo ome omo, ake ondo, wasia yake lumba yande, abiyaki mokota wande aesaka bato ba n'kasi, omesa omo ma omo asima yande ya o tumika, na koena na moto omo mbele bato si omo tchunga bo. ³⁵ Tchungai asa, mondi a biteli a bino mondi a inyanga bofa mokolo a lumba o kula, emba na koeya ka koko, imba na phendu onse, ³⁶ tinai mbele auwe okuta owe mbele welame, mo inyanga ita eba. ³⁷ Eya na koena nino, no koena na bose mbele:" tchungai".