¹ Mbali nakoena na bo omembila. Moto omo na oleka iba yande. We na olamba lopango, kophuwa molinga, ke na ko imenya ophaka, ke na ko imetcha lumba emo kobe na ko kokamesa iba kotaka o motanga. ² Mo n'nyanga ya obika, we na otoma eke na otoka. Moto mo wa nika si mo iba, mo otoka o baleki iba na n'su besimo kowa kabo. ³ We na koika ase we, na olubeya we, na osumbola we buwa tchesima. ⁴ We na otoma ephe kowa kika bo ophe moto wa n'kasi ande, bowa olubeya we omo tchwe, ke na komesa we maobi. ⁵ We na otoma owa wai sato, bo na koiya weye; na baphe bato, na koiyame na olubeya we. ⁶ Wa ikangai na maana omo mo omeleki; we na otoma we kaoko, wa koena mbele:" bokolitosi bo bondia maondi baana babe". ⁷ N'ndi balosiéalo ba n'kasi nako ena na, wa ahiiteiyi-we, ke telakeye hii we bo tikokaiko ito. ⁸ Ke bo na obunda we, na koiya we, na ko m'mbola we kaowa na iba. ⁹ Moeneke, mokolo wa n'kasi ota hii boui? Wekala hii, mokoiya bato boose si abo ba nikasi na koesa iba obaphe bato. ¹⁰ Bita somangaa bino looki si owo o maandiko: "iwe sieya ba m'mbola nga yo baa bajeki bo na kokoma we ya kwanza". ¹¹ Ko mo ema ka Mokonga mokolo yo hii ya komake, na yo iki maondi ma osangalesa omaiso mito. ¹² Bo phananga hii na m'na wa obunda we, n'ndi batinanga hii ibamba ya bato. Bafofo wangi mbele mombila si owo ya ikangai mondia bo. Bo na kiya, na otaka kawo. ¹³ Bo na otoma baka baka na Mbali bato bamo ba Falisao na ba Herodia mbele ba bunde we o maoki mande we mune. ¹⁴ Bo nakula koena nande: "Molombiya, teli mbele uki osabali, na ute tine abe moto; mondia uto omona abe mokoanga ka moto, ke ofandisha m'mboka ya Mokonga bowa ika liti. yeengame hii na olipa manganga kwaka Sezale? teengami na olipa? ¹⁵ Mbali, na koeba olango yabo, na koebesa bo: "mondia bo osonya noho? Uleya hii noho lofalanga omo ya kim'ngboma, na mone yo. ¹⁶ Bo na kula nayo omo; ke Mbali koeiliza bo: "kingboma si emo iki ya nani na mandiki si mojunya nani?" Mo "Kaisala, We na koena nabo". ¹⁷ Na ko wa ena nabo:" esai kaisala eya-eya ya Kaisala, ke ka Mokonga eya ika ya Mokonga. Ke baika ao na o mona we na maiso ma osangala". ¹⁸ Ba Sadukai, na gbena mbele ya uwande na koimoka, kela baka na Mbali, ke we wa kouliza we: " ¹⁹ olombiya, mona eya Mose wa andike ganga ase: "Aikam'ba nduku omo wakpa wasiya amokali buwa buwa baana, nduku ande osongi iwe mokali si owa wasiake, na obota, bato kowa ka nduku ande". ²⁰ Kumbi aikangi baome motchomendi. wa boso boso na osonga, ke wakpa buwa osiya baana. ²¹ Wa ibe na obiya na obiya wembe mo kalande, ke wekah wa kpa buwa osiya libota. Ke yaikakahee bena owa wa isato, ²² na ango omo na bo motchi maondi ute si ye ande olomba. Maili wa boose, amokali wa kpa iki, ²³ Moko imoka, okoika mokali wa nani? Mondia boose motchomendi be bandi iwe m'mba amokali. ²⁴ Mbali na koena nabo:" ba owa bino n'nkati ya ko kolokana, mondia bite fofowe abino maandiko, ao tchekamba tcha Mokonga?" ²⁵ Mondia, mo koimoka ka ba kpi; baome bileka bunda ande bamokali, ao bamokali ô baome, n'ndi bekaiki m'mba ba kitomo kowa kiyo. ²⁶ Mondia tcheya ika mo koimoka ka ba kpi, bite some a bino mbele, motoamita Mose, eya Mokonga weene, mondia eya yeangaliye bongosongo ya kaya:" niki Mokonga wa Abalayama, Mokonga wa Isaka na Yakobo". ²⁷ Mokonga wa owa ande Mokonga wa kopka, n'ndi wa ba abika na kaika. Bika n'nkati ya koko kana. ²⁸ Omo wa ba andiki wa an'ngbango koesana; ke waeba mbele Mbali waenangi na bo ba Sandukai bosaali, we nakula, ke waena angile uka wa boso boso mo ba angile boose? ²⁹ M'mba iwa boso boso:" m'mgba, Isalaele, mokolo Mokonga wito, wehee uka mokolo. ³⁰ Kisha, okoemi mokolo; Mokonga abe, na motema yabe yoose, na booya yabe yoose, na ko engeleya kabe koose, na mekuwa yabe yoose. ³¹ Mana ya ibe:" koemi munakabe m'mba bowa weeme owe mune. boande na ophe angile wa koeteya oto". ³² Ba andiki na koena:" basaali, Molombiya, wa enake na liti mbele Mokanga wehi uka, buande na ophe ilawelika. ³³ Mo koema we na motema yaabe yoose, koengeleya kabe koose, mo booyi yabe woose, na tchekamba tchabe tchoose, na koena mana kabe m'mba owe mune, yeeteye koeka koose na koaba. ³⁴ Mbali na omona mbele wa timbolaki na akili, na koena mbele:" wauwa abe Mbali na Bokota ya Mokonga". Ke moto ango omo utelize kahe we. ³⁵ Mbali, na ko endeleya konangola mo lumba ya Mokonga, na koena:" mondia tchei ba andiki bo koena mbele Klisto uki maana wa Tawiti?, ³⁶ Tawiti we mune o Mosombo Mosaali, na koena mbele: "mokolo waenangi na mokolo" "ika hao mo kaako ka ikoma", bena kowa baa bo ko imaneyanga owe ba iki kosena mao mbe. ³⁷ Tawiti we mune waeta we mokolo, mondia tchei waka manande? Ke ibambo ya kongba we na ome. ³⁸ Koena nabo ba phalala na bo ba andiki bo koema koenda imo balabala na n'kaiyo ya uphoko, na koena ko eseleka okuku ya masalimiyo asima ya eme eme. ³⁹ Baa bophananga beikaneyo ka boso molumba Mokonga, na beikaneyo ba boso mo ba feti. ⁴⁰ Boo baka lumba na botike, na masomboli maeye eya o maiso ma bato. Boose meseleka hii iboka. ⁴¹ Mbali na koika kaowa na kate, ko mona bowa bato bo koaba beeya ba bo. Maphoka ba buwa batanga hii iboka. ⁴² Nakula kahe amokali omo wa etike, na ota m'pata yande ibe. kambu ka yoose sieya waikanga na yo. ⁴³ Na boobo Mbali, na koeta Baeki ba nde, na koena na bo:" na ebesake hii ane liti, amokali si hono etike wa esake ya koeteya mo baa boose batake beya ba bo moiteke. ⁴⁴ Mondia boose batake hii eya yaemake koesabo, n'ndi we watake hii eya yoose ikase we na yo yoose sieya uka ase na yo moko ishiya.