¹ Yakub na dangngi mono na toleka wa'i ne tana kanaan, newe nyawa wanno padou bellida amana. ² Nyaka Yusupa, ana nai Yakupa, na mbo'u pa wudi pittu kabulu douna Yusupa, pawillina daga bebe mono simbi, Yusupa napa wili ndenga di anguanguana ana-ana Bilha mono silpa, Bilha mono Silfa, Bilha mono Silfa mawinnena ama na, kana tekki ndawe abokala parawida anguanguana bara na. ³ Yusupa na dadi ne tana Israel, ama na, naka weda pongu bana, nyaka Israel na louka louka pama nawarai Yusupa awali hiti ngara kuada angunguana, Yakupa kana yani iyaa kalambe ama gowora, ama lou maono abibba ka ekagai. ⁴ Ngara angunguana Yusupa ba etawa alouka pama nawari amana, kabuttu tetakka wi ate. ⁵ Ne aiya pamia, Yusupa naka nangga nipi, na tekkiwe kanangga nipina bara angunguana, na lede ngge mba buttu tetakkawi ate. ⁶ Yusupa kahina ngge kuka nangga nipi. ⁷ Tapa willi ndomba ne omadana, akette pare, taka pare pakette gu adede dindara, hida paketemu yemmi apa dalarana mba tangani tilluna pakettegu kakawodo kakatabani. ⁸ Angunguan-angunguana hidage, "Apa mupa ngeda tetakage mba lange mu pareta mawe touma mono mu ata ma"? Nyaka louka pabuttu ateni Yusup orro kanangga nipina tubanda. ⁹ Kana kanaga nipi pia Yusup, "Kana tekki piada kanangga nipina mbarada angguguana, nya kahinaga kuetawa matalodo, wulla, mono akabullu ia madubbu aka wodoga". ¹⁰ Yusupa kana palara kaina amana kanangga nipina, takka na amana nabani tetakka nya kahinage amana, "Kanangga nippi appawe neahina? Apamu waige na innamu, angungua-anguguana mono yowa makawadogu"? ¹¹ Ngara angunguana Yusupa amanerri ateni, takka na Yakup napa ngedage ne kanangga nipi na Yusupa. ¹² Nepe apa ia lodona, angunguna Yusup nettidi adawa bebena omadana nee Sikhem. ¹³ Yakup napa newa mbara Yusup, "Kakowu nee Sikhem, ngara angungumu nee di adawa bebegu, kana walewe Yusupa, nettiga nepadou papa tutumu". ¹⁴ Kahinage amana, kokowu mono kaetawi ndaidona apada angunguamu, mba kabaliwu katekiga mbarragu peida bebegu ndaidona apada, nyawa Yakup napa tuhani Yusup nee Sikhem awalina raba Hebron. ¹⁵ Nee Sikhem nadangora Yusup wani ia ate atamba kawa aaro omma dana, kana panewe na ata, "Apawa paellemu"? ¹⁶ Kana walewe Yusupa, ellegudi angunguwagu, tuluga tekki gadi podou dawa adadi bebeda. ¹⁷ Kana panewe na ata adundaka bage ne padou, kurengewi mbapa newe, maida katakako nee Dotan, kana kako Yusupa na ndekudi nee Dotan. ¹⁸ Mba lengnga paeta wali marrowa angunguna Yusup, awattewe mba pamatewa. ¹⁹ Apanewe-newe iya, "Itawa, name tagu kanangga nipi ammini. ²⁰ Maida kata pamate ponguwa mbata kaloga pona, kata tumbana touna ne padou aiya pakoda amarokota, mono kata telekinawe amada mba waini ranga utta abani apamatewa, mono kata mbonawe kanangga nipina mba tekki nduanadi". ²¹ Takana Ruben nabeige mbana pakeputawi Yusupa nyaka hinge kadata pamate kawa. ²² Hito tapa tamawi nepakada nda mangu weena kadata pakarodukawa, "Ruben nakabu atege mbana patolekawa Yusupa mbana wuku papa tukawi wali mbara amana". ²³ Lengnga panaduki Yusupa mbarada angunguana, akadukani mba irra nawe kalembe malouna mono ama ngidata. ²⁴ Mbapahina we katumbani Yusup ne pakoda nda mangu ina akamara. v25Mba hinawe, amadi'i mono anga'a. Mba kakeketawa matada kaetawa apa lolupana ata ama mbatta awali Gilead a'aro Mesir. Uta-unta angindi paluwa pabatta da. ²⁶ Nyaka hinange Yahuda mbara angunguana, "Apawe pa utuda mbata pamatewa angunguada mbakadata tekika mbana mate"? ²⁷ Tautu tetaka pona mbata mbattakuwi mbarada ata mabatta mono hitto tasala dengage mbata pamatewa angungua ndo'uda, kawaige ngara angunguana. ²⁸ Mba lengnga pabarradi ata Midian ama mbatta angunguana apadiwi Yusup awali nepakoda ka mbattani mbarada wellina ndua kabullu kabibbi tabaga. Ngara ata ma mbatta angindi wa ne Mesira. ²⁹ Ruben nettini takka mbana wali mbara pakoda, naetawe mba dai mbawi Yusupa, kana irrawi kalambe mbana audawe karoduka atena. ³⁰ Kana kako Ruben mbarada angunguana kahinage, "Nati lakawa nda'ikini nepakoda! Apawe koparawigu"? ³¹ Kapa matewa iya bebe mane kallonu kadi kalembena Yusupa ama lou mono amagitta nee ra'a ndana. ³² Mbapa hinawe, kangindina kalembana kambowo nadia mada, katuda, "Tambo kamadi hida kalambe, hida kalembe na Yusupa"? ³³ Amada na etawi kana tadawi mbakalambe na Yusupa, notonge wa'i bana ranga utta ama tomba apamatewa ana ngu Yusupa, mono anga'a mbani ranga matomba. ³⁴ Yakup nakaroduka ate ekagai orrona Yusupa nadukiwa kana irrawe kalambena. Lengnga pahinawe Yakup natahu kalambe apatu ba, tadana mbana karuduka ate, nakaroduka ate pamando'i natutuwe malouna. ³⁵ Ngara kua ana ka bani na Yakupa mono ana mawinnena apa anggatawa kadana karuduka atekana takka ndatalukiwa, nya kahina nge, namangeli powe ate ngu nduki lodo mategu, na Yakup engamangeli na atena orrona Yusupa anana. ³⁶ Kalengnga pahinapa, kaetawi ata mambata Midian, kambatta ommowi Yusupa nee Mesira. Kambatta ni mbarrana Potipar ata arrona Firaun.