¹ Bud mon Jisas mò kul, “Tódô tulónu kuy ktahuhen, wen he bélê ye gmafit mton du gulaan ye là deng matay yóm kogot Dwata tau ne yóm tey genbeken.” ² Timbow deng bud nem kdawen bèyó, lemwót Jisas mneged ebèyóm sotu bulul bè yó, nwiten Pitér ne Jim ne Jan, tek sónen lu. Bè yóm knô lebè yó, tódô ketolongen kton le ke Jisas. ³ Yóm nesen, tódô gotu sminang bukay, laen kô dù gónóm e hmingón du talak tonok yóm tey kbukayen. ⁴ Ne tódô hetenga ton le se tehe Ilaydya ne Musis, stulón le ke Jisas. ⁵ Mung tódô kudél Pitér se kun ebè Jisas, monen, “Tey hyu ni, Sér, deng me nô bè ni. Hemdà metlu lowig dé, sotu kóm, sotu ke Musis, sotu se ke Ilaydya.” ⁶ Okóm tódô kem óyô Pitér mon du yóm monen yó, bà mon yóm tey sidek klikò le. ⁷ Yóm igò Pitér tolo mudél, tódô sut seyóm tey lobun mefol eta le, gnolungen lu, ne tódô gungol leseyóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.” ⁸ Omin le tódô kendel hból ketngel le, okóm laen kô dumu ton le tek són Jisas. ⁹ Kewót lebè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni efet nen lemowil he yóm Ngà Dwata.” ¹⁰ Tahu se, làkô tulón le du. Okóm gel sentulón le sónen lu lan yóm mon Jisas lemowil. ¹¹ Ne wen snólók lebè Jisas, mon le, “Tahu kô yóm gel mon yó kem tau tmolok hlau, nen gna bud sut he yóm tehe Ilaydya, ominen yó sut yóm tau deng kun nélék Dwata?” ¹² Bnalà Jisas selu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam heyóm Ngà Dwata, ne enget senkbêle. ¹³ Okóm tódô tulónu kuy,” Mon Jisas, “Deng sut se Ilaydya, okóm tódô nmò le béléen yóm kul knóyô, hol lómón se yóm deng kmon Dwata du bè Sulaten gbak ebéléen.” ¹⁴ Timbow le deng bud gefet bè yó, yó kem dumu gel lemolò ke Jisas, tódô glo le yó kem teytau wen lemebot kul. Wen se kem tau tmolok hlau nô bè yó, nit le skuya mon yó kem tau lemolò ke Jisas. ¹⁵ Bèyóm keton le ke Jisas yó kem teytau sbung bèyó, tey ketnga ledu, ne gotu le mlóy ebéléen ne le e hnódó. ¹⁶ Snólók Jisas yó kem gellemolò du, monen, “Tedu senkuya yeyó du?” ¹⁷ Fen bnalà yóm sotu tau nô lem blóng yó kem tey tau wen bèyó, monen, “Wen ngau lengel matahen, Sér, tô nitu ebéléem. Là kóen bud gudél lemwót bè yóm busaw malak du. ¹⁸ Sok gel gefet béléen yóm busaw malak du,tódô mugod,ne hono bulok gu lembaken, tódô sensékenen beengen, ne tódô htudel. Denge hkodu bè yó kem gel lemolò kóm, okóm làkô gbek le hdó du yóm busaw gel malak du.” ¹⁹ Ne mon Jisas se mò kul, “Yu kem tau kmoen ni, tey yegel hemda. Igò tey deng kegenu nô lem blóng ye, ne tey klawi nawahu bélê ye. Nitem edini sen yóm ngaem.” ²⁰ Tahu se, newit le ebéléen. Timbow tonen Jisas yóm busaw gel malak du yóm ngàyó, tódô lugoden talak tonok yóm ngà nalaken, ne tódô hegilu bèyó yóm ngà, ne hono bulokgu lem baken. ²¹ Ne snólók Jisas yóm maen, monen, “Deng kegenen gemnóm du de nim desenni?” Ne mon maen se, “Lemwót bè kegenen hanà udì. ²² Deng dê duléken ne tô hmatay du yóm busaw malakdu, tódô gel lugoden elem ofi ne elem él. Ke gbekem tmóbóng kum, hol knoduhem mi.” ^{23 24} Ne bud mudél semàyóm ngà yó koni, henigelen udélen, monen, “Deng wense kehtahuhu, Amo, okóm là kóyówen. Hol tennuem dou dé.” ²⁵ Timbow ton Jisas yóm tey dê tau hloni ebélê le bè yó, ominen tódô hdó yóm busaw malakyóm ngà yó, monen mò du, “Uu se humew du nim ngàni, ne hbokong du, mdóhi ne, hol béiabay bud mulékebéléen.” ²⁶ Ne tódô lem enget yóm busaw, ya tey sidek tódô kekelen yóm ngà, ne ominen yó tódô mdó. Bè yóm kton le du yóm ngà yó, hol lómón kedeng matay. Botong mon yó kem dumu tau, “Deng matay ne.” ²⁷ Okóm nogot Jisas sigel yóm ngà, ne hendaen.Tahu se, tódô hlós mdà. ²⁸ Timbow le motun bèyóm gónô le Jisas, tek sónen lu nô bèyó, snólók yó kem gel lemolò du, mon le, “Moen de kum ke là gbek me hdó du yóm busaw malak du yóm ngà tu koni?” ²⁹ Mon Jisas se, “Teksotu hdó du yóm busaw lómón yó, teksón yóm gel kni ebè Dwata.” ³⁰ Bud kewót le Jisas bè yó, melan legu lem prubinsya Galili. Là móyô Jisas ke wen tau temngón du yóm gónón nô, ³¹ abay sewen toloken yó kem gel lemolò du, yó monen mò kul, “Enget blay le elem tdok yó kem tau yóm Ngà Dwarta mò hfatay le. Okóm bè getluhen kdaw bud mowil.” ³² Okóm là kô dog tngón le du yó kem gel lemolò du yóm gónón e temnef nim mon Jisas mò kul ni, ne là se dog lemlos smólók du béléen. ³³ Timbow le kól bè Kapérnaum, tódô le hlós elem gónô le. Senólók Jisas bè yó kem gel lemolò du, monen, “Tedu de yóm tendo senkuya ye mulit lan?” ³⁴ Okóm balù sekteb ke bnalà le Jisas, abay seyóm tendo senkuya le mulit lan kemahidu bélê le yóm hol geta. ³⁵ Omin Jisas myón, senbungen yó kem sfolò lewu gel lemolò du, ne monen mò kul, “Ke wen bélê ye móyô ke du hol geta bè kem dumuhen, yake nen hol heglaan knóen ne hol heklifen bè kem dumuhen.” ³⁶ Omin Jisas ma yóm sotu ngà, ne hdaen bè desnolu le, ne ominen semga du, monen, ³⁷ “Yó se tau kemodo yóm sotu ngà lómón yóm ngà nii mlan bè dou boluy, lómón seke ou ne yóm hnódóhen. Ne yó se hmódó dou, là olon ou du yóm hnódóhen, okóm gomong hnódóhen yóm hógów dou snéen.” ³⁸ Nemudél se ke Jan, monen, “Ó Sér, wen tau ton me gbót hdó busaw bè yóm tau wen busaw malak du hlanen bè boluyem. Okóm bnólów me, abay selà kut kwen du.” ³⁹ Okóm mon Jisas mò du, “Tedu mu ye mólów du du? Laen kô dù tau mò hentaw ton hlanen bè dou boluy ke mem sidek kudélen ebéléu kogolen. ⁴⁰ Yóm tau là hnohonen tekuy, hono kut kwen yó. ⁴¹ Tódô tulónu kuy, yóm tau ke olon hinumkuy él lemwót bèyóm deng klolò yedo, enget dohò se yóm ofol blay Dwata du.” ⁴² Bud mon Jisas mò kul, “Keyó nmò yóm sotu tau, ke lemwót béléen gónóhen là bud hemtahu béléu yóm sotu ngà, mem hyu béléen heyóm tau yó ke tódô bot le elem mohin gu laanen là deng wen ngà hebtangen, tléwéng bè liholen yóm botu bong gónó le gmaling mò heblaten etlaan. ⁴³ Yó gónóm mon, ke doli sigelem mit kóm là hemtahu, tódô kenlengem. Mem hyu béléem ke lana béléem doli sigelem, ngem kegutahem yóm klowil laen dù sónen. Laen kô ofolem du yóm lewu sigelem ke deng mem niten u elem lanaw ofi, yóm ofi laen dù tul katayen. ⁴⁴ Ne ke doli tihem mit kóm là hemtahu, tódô kenlengem ne. ⁴⁵ Mem hyu béléem ke lana béléem doli tihem syan kegutahem yóm klowil laen dù sónen. Laen kô ofolem du yóm lewu tihem kedeng mem tudà le u elem lanaw ofi. ⁴⁶ Ke sotu matahem mit kóm là hemtahu, tódô lensitem ne. Mem hyu béléem ke lana béléem doli matahem, ngem ke gmungi bè yóm kogot Dwata tau. ⁴⁷ Laen kô ofolem du yóm lewu matahem ke deng mem tudà le u elem lanaw ofi. ⁴⁸ Bèyóm ofiyó, ‘Wen kuled mken unged tau nô du, ne là kô le matay. Ne wen yóm ofi tendo mlób tau laendù tul katayen.’ ⁴⁹ Yóm gel dsù leebè Dwata,” mon Jisas,“Sal gel wen kahì hmung ledu mò hólós du kun. Lómón seyó neyóm gel nmò Dwata bèyóm tau, sal gel wenyóm mgel sut béléen hol lómón ke ofi, mò lan Dwata hólós du. ⁵⁰ Tey hyuyóm kahì. Okóm kedeng mkó yóm nómen, laen kô bud lanem hulék du edu. Senged se bélê ye,” mon Jisas, “Hol ten‑gama ye anì là mkóhen yóm nem yóm kuy kahì, duhen yóm kessadat yeneyóm kesesotu nawa ye.”