¹ Bud kewót Jisas bè yó, mulék ebè kun benwu, mung du yó kem gel lemolò du. ² Timbow deng bud kól bè yóm Kedaw Kehegnô, yó nmò Jisas tmolok bè yóm kul gónô gel stifun yó kem Ju bèyó. Tey tau wen stifun hmungol du, ne tey ketenga le, mon le, “Gónón ma du yóm akat kehulungen temolok nim tau ni? Negónón lemwót yóm tey ketengónen? Tedum mò kmoendu yó kem hentaw ton gel nmoen? ³ Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bèni.” Yó se gónó le kembê du. ⁴ Mon Jisas mò ku, “Yóm tugod Dwata, laen kô dù madat du bèhol kun benwu. Dalang seyó kem hol kun fes lówó, là kô nadat ledu. Teksón yó kem dumu tau bè tólóng benwu madat du.” ⁵ Lemwót bèyóm là kehetahu le du, là wenen yóm hentaw ton nemò Jisas bèyó. Wen nenoken bè yó kem tau gemnóm des, ne hkóhen des le, bede là hol lewen. ⁶ Ne tey ketengahen du yóm là kehetahu le béléen yó kem tau bèyó. ⁷ Timbow bud lemwót bèyó Jisas, nen e temolok bèyó kem dumu benwu hmilol. Ominen semtifun kul yó kem sefolò lewu gel lemolò du, ne wen gónón e hógów kul, bede ket kul na lewu kmò khógówen kul. Ne wen ktued blayen kul anì gbek le hdó busaw. ⁸ Ne wen hlauhen kul, monen, “Bè nim kógów ye ni, olo yemit tuged, béen abay wen dumu nwit ye. Bêye abay mit bnotu, duhen ke bag, duhen kefilak. ⁹ Olo ye lemsek snilas ye, ne olon sotu kgal lesek ye, bê ye abay mit mò gewuhen. ¹⁰ Yó se gónô gónón wen kemodo kuy, yó segónó yemefet efet kól bèkulékye. ¹¹ Ne ke wen benwu là hmódó kuy, neke là dog hnungol lekuy, tódô tnagak ye yóm benwu yó, olo yetmótókkfung bètiyemò ilô yóm enget ketafak Dwata kul.” ¹² Tahu se. Kewót lebèyó na leetmolok. Yó gel mon le, “Hegesel ye ne, knogol ye yóm sidek deng gelnmò ye.” ¹³ Ne tey dê busaw hdó legu bè yó kem tau. Ne lenunol lehnolo yó kem tau gemnóm des, ne gotumkó se yó kem desle. ¹⁴ Ngangen mból yóm gel nemò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bèyóm gel nemoen. Wen semon du, “Deng bud mowil yóm Jan tehe mabtays, yó gónón wen ktueden mò du yó kemhentaw ton gel nmoen.” ¹⁵ Mon kem dumu, “Du se yóm tehe Ilaydya.” Newen se mon du, “Du se sotu tugod Dwata, mekél bè yó kem gna tugoden ekni.” ¹⁶ Timbow gungol Hirod, monen, “Du kun yóm Jan gel mabtays. Deng tehe heklengu liholen, okóm deng bud mowil.” ¹⁷ Yó gónó Hirod mon du yóm yó, abay sedu se tehe nekefô ke Jan, ne hféten, ne heblangguen.Yó gónón mò du béléenyóm yó, lan Jan tehe mólów du bèyóm tehe kalawen ke Hirudiyas, yehen yóm twolihen boluyen Filip. ¹⁸ Yó tehe bólów Jan du, monen, “Deng nuléhem yóm hlau tekuy yóm kalawem yehen twolihem yó.” ¹⁹ Lemwót bèyó mudél Jan yó, deng mem sidek kebut Hirudiyas du, kóyóen kehfatayen, okóm là hlus Hiroddu. ²⁰ Abay seke Hirod, wen klikoen ke Jan. Tódô tengónen tau tedeng kemoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sebeweg kehedemen bèyóm gel kehungolen du. ²¹ Ni se tehe kmoen yóm katay Jan. Bèyóm tehe kkól yóm kdawgel kehligal le du yóm kdaw tehek sut Hirod, deng duhen yó sekdaw Hirudiyas tnana mò yóm kóyô nemoen bè Jan. Gotu tinok Hirod yó kem tau hol geta mogot kukum, neyó kem tau hol geta bèyó kem sendalù, ne yó kem dumu tau wen glalen bèyó bè Galili. ²² Bè yóm deng gotu kestifun le, hadal leyóm ngà Hirudiyas libun. Tey kehligal Hirod béléen dalang seyó kem kdê tau tinoken. Botong mon Hirod mò yóm ngà madal, “Bon setô nóyóem? Balù kihu henihem béléu, blayukóm.” ²³ Gloken smafà béléen he, monen, “Balù doli nim benwu nogotu, ke hnihem béléu, botong blayu kóm.” ²⁴ Ne tódô lemwót se yóm ngà libunyó nan e snólók bèyéen yóm hyu mò hnihen. Ne mon yéen se, “Hnihem béléen kulu Jan dé, yóm tau gel mabtays.” ²⁵ Tódô kendel hetlasik mulék se yóm ngà ebè Hirod, ne monen mò du, “Kulu Jan dé blayem dou, hyónem do tehuyów.” ²⁶ Endu ofolem hmingón du yóm tey ksidek kegnóm Hirod du. Okóm lemwót bè yóm deng kwen fasaden lem blóng yó kem tey tau tinoken, ne mung du safaen, yó gónón myak ke là blayen du bè yóm ngà yóm hnihen. ²⁷ Ne tódô dók Hirod se yóm sotu sendaluen anì niten kulu Jan ebè yóm ngà. Ne tahu se, lemwót yóm sendalù, kenlengen lihol Jan ditu lem blanggù. ²⁸ Dengkeklengen du, hyónen te huyów, ne niten ebè yóm ngà libun, ne blayen du. Lemwót kun yóm ngà libun, blayen keyéen. ²⁹ Timbow gungol yó kem tau gel lemolò ke Jan, omin le mógów ebè yó ne leen wa lówóhen, ne lebeng le. ³⁰ Timbow le gotu bud mulék ebè Jisas yó kem hógówen, gotu tulón ledu yóm deng gendeng le neyóm gel ktolok le. ³¹ Tódô setgafit gnan tau mógów ebè Jisas, botong là dogen gel gken dalang seyó kem gel lemolò du. Yó gónón mon du mò kul, “Lemwót tekuy ne, mógów kuy ebè yóm gónón tinof anì na ye gehegnô.” ³² Tahu se. Kewót le bè yó són lu, smakay le ówóng, mógów le ebè yóm gónón tinof. ³⁴  Timbow le gefet le Jisas, tódô glo leyó kem teytau wen.Ya tey kkodu Jisaskul, abay selómón tô leubiha laen medengen semgyok kul. Ominen tódô mbut temolok kul bèyó, ne tey dê toloken kul. ³⁵ Timbow deng móyón kimel, mógów lee bè Jisas yó kem gel lemolò du, mon le, “Deng tey móyón kimel ne, lelen là moni bè tau nim benwu ni. ³⁶ Dókem lu dé nikem tey tau ni anì na le e bemli ken le bè tu kem benwu hmilol.” ³⁷ Okóm mon Jisas, “Tódô yu ne hemken kul.” Bud mon le se, “Ê, sukéy sotu tau bè wolu bulón gbek ken le nikem tey tau ni. Móyói kô ke mógów me ne me e bemli bélê le mò ken le?” ³⁸ Bud mon Jisasse, “Hnénég yekun kehilu botù tenafay nô bélêyebè yó.” Tahu se, hnénég le, nemon le, “Limu botù tenafay, nelewu tedekutón él.” ³⁹ Omin Jisas mdó kyó kem gel lemolò du anìsenbung hyón lelu yó kem tau bè yóm gónón ukol bnes. ⁴⁰ Tahu se, gotu hyón lelu, ket na lematu yóm sotu bungen, ne wen se limu folò. ⁴¹ Omin Jisas ma yóm limu botù tenafay ne yóm lewu tedek utón él, ne nen lengalà ebè longit, mni bè Dwata, ominen kembéng yóm tenafay, ne oguhen yó kem gel lemolò du anì nalul le e bè yó kem tau. Senged se kmoen bè yóm lewu te dek utón él, nólólen bèyóm kdê le. ⁴² Tódô le se gotu mken yóm kdê le, ne gotu le se besow. ⁴³ Timbow deng kken le, gotu sentifun yó kem gel lemolò keJisas yó kem lukas ken le. Botong sfolò lewu abì lukasen. ⁴⁴ Yó kwen logim ken, botong limu libu. ⁴⁵ Omin Jisas hotun kul elem ówóng yó kem gel lemolò du, hegenahen lu efatu yóm lanaw bè yóm benwu boluyen Bitsayda, ominen yó bud hulék yó kem tey tau wen. ⁴⁶ Timbow le deng gotu lemwót, lemwót se ke Jisas mógów elem bulul nan emni bè Dwata. ⁴⁷ Ngangen nô ditu efet kifu tek sotuhen. Blaem yóm ówóng snakay yó kem gel lemolò du, deng kól talak lanaw. ⁴⁸ Ne ton Jisas yóm tey keglayam le kemwa, abay se mem senlongen lu yóm lenos. Slong sut bélê le Jisas, deng móyón mwas, tódô mógów ta él ebélê le,ne lómón ke tô hekteng niusen lu. ⁴⁹ Bè yóm kton le du mógów ta él, ofokul mon du ke busaw. Ya tey klangat le, ⁵⁰ abay se tódôk dê le mton du, ne tey sidek klikò le. Tódô kendel mudél ebélê le se Jisas, monen, “Hgel ye nawa ye dé, ou ni. Bê ye likò.” ⁵¹ Ominen motun ebélê le lem yóm ówóng, ne tódô hotok se yóm lenos. Ya tey sidek ketnga le. ⁵² Abay se ni kem lemolò ke Jisas ni, lade tengon le du he ke du yóm tahu Ngà Dwata, balù yóm deng kton le du yóm hentaw ton nmoen mlan bè yóm tenafay hkenen yó kem limu libu logi. Balù udì ke tengon letendoken yóm deng nmò Jisas yó. ⁵³ Efet le mówóng efet gefet fi fetu yóm lanaw bè yóm benwu boluyen Ginésarit. ⁵⁴ Bèyóm kekemó legu tayóm ówóng, tódô kendel dilô le Jisas yó kem tau bèyó. ⁵⁵ Tódô legotu hetlasik lemwót nele enangay yó kem tau gemnóm des anì gotu newit lelu ebéléen. Balù kihu benwu gónó Jisas nô, sage wen tau gemnóm des sentihang le ebéléen. ⁵⁶ Kihu benwu gónón e solu, benwu lembang duhen ke benwu lemnek, sage medengen gónó le semtifun ku yó kem tau gemnóm des. Gel hekodu lebè Jisaske balù olo le gemgifù nesenyó kem tau gemnóm des. Tahu se, tódô kdéen tau gemgifù nesen, gotu lebud hyu.