¹ Timbow kogol yóm Kedaw Kehegnô le, lemwót yó kem libun ne le e bemli yóm henolo tey tilob boohen mò tô lunol le bè lówó Jisas. Yó boluy yó kem libun yó, Midi lemwót bè Megdala, neyóm sotu Midi Yê Jim, ne Selumi. ² Timbow deng moyon mewas bè Akad, tódô lelemwót mógów ebè yóm lebeng Jisas. ³ – ⁴ Bè yóm igò lemógów sónmò le stulón, yó mon le, “Tau du bang tôhefluy tekuy du tum botu seng bè baken tum kilibtu?” Yóm botu mon leyó, tey botu bong. Timbow lekól ditu, deng mem sana tódô mluy. ⁵ Omin le husek elem yóm kilib, tódô ton leyóm tau lomi lemnok, moyón fi bè kwanan le, bukay nesen. Ya tey ketnga le du. ⁶ Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà. ⁷  Mulékyene, ne tulón ye yó kem gel lemolò du dalang sebè Pitér, mon yemò kul, ‘Deng gna bélê ye etu bè Galili kun Jisas, ditu he gó nó ye ston du,yó seyóm tehe monen mò kuy.’ ” ⁸ Tahu se, tódô le lemwót yó kem libun, mlóy le gu ditu.Ya tey sidek klikò le, botong setbol kkel le. Yóm kgefet le bè kem dumu le, bà udì ke wen tulón le, bà mon tey sidek klikò le. ⁹ Timbow hol helafus bè Akad, limowil Jisas. Bèyóm klowilen, nen negna hegfan bèyóm Midi lemwót bè Megdala, yóm libun tehewen hitu busaw hdóhen gu béléen. ¹⁰ Bèyóm kton Midi yóm deng bud klowilen, tódô lemwót bè yó nen etulón tukem tau tehe gel lemolò du. Tolo lel le mkik yóm ksuten lem blóng le, abay se sidek klangag le ke Jisas. ¹¹ Bè yóm kungol le du yóm tulón Midi ku, duhen yóm deng bud klowil Jisas, ne yóm kehegfanen béléen, deng mem henda le. ¹² Kogolen bèyó, tódô hegfan Jisas bèyó kem lewu tau mulék gu bè Jirusalim, okóm là kô dilô le du. ¹³ Timbow deng dilô le, tódô lekendel bud mulék ebè Jirusalim ne le e tulón tu kem dumu leyóm deng kton le du, okóm bud là hentahu le kul senéen. ¹⁴ Bèhol són yóm kehegfan Jisas, tódô sut lemblóng yó kem sefolò sotu dù gel lemolò du bè yóm igò le tolo meken. Nudélen lu lemwót bèyóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen. ¹⁵ Omin Jisas bud mon du mò kul, “Mógów yedo ebè klamangen benwu, naye e tulón bèkdéen tau yóm Tulón Hyu lemwót bè Dwata. ¹⁶ Yó se tau hemtahu du ne hbabtays, enget gutahen yóm klowil yóm laen dù tul sónen. Okóm yóm tau là hemtahuhen, angat tenafak Dwata. ¹⁷ Yó kem tau hemtahu béléu,” mon Jisas, “Enget wen ktued blay Dwata kul anì wen hentaw ton nmò le. Enget gbek lehdó busaw bè yó kem tau lengel mata hlan le bè dou boluy. Ne enget gbek le tódô mudél yóm udél là deng kul udel du. ¹⁸ Kegkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen desle, tódô mkó yóm des le.” ¹⁹ Kogol yóm kudél Jisas ebélê le, ominen tódô ganag haway etta bè longit, ne myón fibè kwanan Dwata. ²⁰ Kewót le se kul yó kem tau gel lemolò du, hetngón le bè klamangen yóm Tulón Heyu gbak ebè Jisas. Tey todo gel któbóng Jisas kul yóm gónó lemogot, hlanen bèyó kem hentaw ton gel nemò le mò gónón hegfan yóm hol ktahu yóm tulón gel newit le.]