¹ Tek lewu kdaw ne duen kehto yóm mò kenbong yó kem Ju, yóm gel mon le Ke daw Miwes, ne yó kem kdaw bud kken le du yóm tenafay laen dù bulung henoken. Bong yó kem geta bèyó kem tau gel dem sù ebè Dwata kkólen bè yó kem tau gel tmolok hlau, són mò lemebel lan le lemifut kemfo ke Jisas anì ghatay le. ² “Okóm,” mon le, “Bê tekuy hesengan bè yóm kmò kenbong, kô wen sidek nmò lebélê tekuy yó kem Tau.” ³ Bè yóm kenô Jisas bè Bitani, meken bè gónô yóm sotu tau tehe gemnóm des mifù, boluyen Simun. Bè yóm igoen tolo mken bè yó, sut béléen yóm sotu libun, wen sobuy alabastér nwiten hnok yóm gel hboo tey mebtes, ne alì minggel boohen, boluyen nard, yóm gel hboo laen dù bolen, hono duhen. Ominen kemleng lihol yóm sobuy yó, ne gotu msulék koken tekulu Jisas. ⁴ Okóm wen se bèyó kem tau nô bèyó, deng lemom lembut, stulón le, mon le, “Moen ke mem namaen yóm hboo yóó? ⁵ Mem hyu heke tódô hbaluen, ominen bemlay du bèyó kem tau élél yóm blihen. Kóyów sukéy sotu tau mò nmò sfalay btesen yóm hboo namaen yó.” Tey kbólów ledu yóm libun yó. ⁶ Okóm mon Jisas mò kul, “Tódô bayà yedu dé. Moen de ke bnólów ye? Igoen tey minggel nim nmoen béléu ni. ⁷ Hyu he kul yó kem tau élél, eles le todo nô lem blóng ye, mahil bélê ye tmóbóng kul. Là dou. ⁸ Yóm nemoen béléu ni, tódô nmoen yóm hol són gbeken. Yóm deng koken bè lówóhu ni,” mon Jisas, “Mò eles hgifaten do bèyóm enget kebeng ledou. ⁹ Tódô tulónu kuy ketahuhen, balù kihu gónón enget e nbol bè klamangen benwu yóm Tulón Hyu lemwót bè Dwata, enget todo gel gboluy snéen kun nim libun ni lemwót bèyóm deng nemoen béléu.” ¹⁰ Kogolen bè yó, lemwót Judas Iskariyut, sotu bèyó kem sfolò lewugel lemolò ke Jisas, tódô mógów ebè tu kem geta bè yó kem gel demsù ebè Dwata, tulónen kul yóm kmò któbóngen kul anì kenfo le Jisas. ¹¹ Ya tey ktimu óyô le bè yóm kungol ledu, glok le melay du filak mò ofolen. Kewóten bè yó ne, sónmò Judas mebel lanen anì kenfo le Jisas. ¹² Deng hto yóm tanay ekdawen bèyóm kmò le ken bong yó kem Ju, yóm mò ken gónó le gel mken du yóm tenafay laen dù bulung henoken. Bè yóm kdaw yó, gel wen ngà ubiha hnatay lemò utón le bè yóm mò ken bè Kdaw Miwes. Snólók le bè Jisas yó kem gel lemolò du, mon le, “Gónóm tô hmò du kum de yóm ken tekuy bè nim mò ken bè Kdaw Miwes?” ¹³ Omin Jisas mdók lewu bélê le, monen mò kul, “Mógów ye ebè syudad Jirusalim. Ke deng ye kól ditu enget wen logi semlong kuy mit él. Tódô ye hulidu ¹⁴ efet kól ebè yóm gónô gónón e mulék. Ke sok ye deng kól bèyó, snólók ye yóm fun gónô, mon yemò du, ‘Hsólók yóm tau gónó tekuy gel htolok yóm dfél mò gónó me sbung mken yóm ken bè Kedaw miwes.’ ¹⁵ Ne enget toloken kuy yóm dfél bong bè sodò seel le tefita. Ne yóm dfél yó, deng eles tódô ket du ne yóm kdê kimu ken nô bè yó. Ne bè yó gónó ye mò du yóm mò ken tekuy.” ¹⁶ Ne tahu se. Kewót le bè yó ne ebè yóm syudad, ne tódô uliten du se yóm tehe ktulón Jisas du kul. Nebè yó se gónó le mò du yóm kenle sbung bè yóm ken bè Ke daw Miwes yó. ¹⁷ Timbow deng sdef kdaw, kól bèyó Jisas, mung du yó kem sfolò lewu gel lemolò du. ¹⁸ Yóm igò le tolo mken, mudél ebélê le Jisas, monen mò kul, “Tódô tulónu kuy ktahuhen, sotu bélê ye mung do mken bè ni enget mlay do sumóng.” ¹⁹ Ya tey sidek klóngón nawa le, tódô le gotu smólók ke Jisas, mon le, “Là ou du kô yó, Amo?” ²⁰ Mon Jisas se, “Sotu bélê ye seyó kem sfolò lewu gel lemolò dou, yóm dumuhu segeng mdù yóm tenafay elem sóbów, deng duhen yó se. ²¹ Yóm angat hfatay yóm Ngà Dwata, tódô uliten bèyóm deng eles tulónen bè Sulat Dwata, bede enget tey tafaken yóm tau enget mlay du sumóng. Tumù ne ke béen tehedog tau.” ²² Yóm igò le tolo mken, newa Jisas yóm tenafay, de nen ne mni bè Dwata, ominen kembéng du, ne blayen yó kem gel lemolò du, yó monen, “Ni, ni se yóm dou lówó. Nwa ye, ne ken ye.” ²³ Ominen mkay yóm tgayan gónón nô yóm ninum le, nen bud mni bè Dwata, ominen bemlay du kul, ne gotu sensinum le. ²⁴ Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni. ²⁵ Tódô tulónu kuy ktahuhen,” mon Jisas, “hatan bud ninumu he dou nim ninum ni ke deng kól bè yóm kdaw bud kinumu yóm ninum lomi bè yóm kun benwu nogot Dwata.” ²⁶ Timbow deng kinum le, omin le gotu semngal yóm sotu sngal dmóyón ke Dwata, ne omin lelemwót ebè Bulul Ulib. ²⁷ Bè yóm tolo lel le mógów, mon Jisas mò yó kem gel lemolò du, monen, “Enget gotu sentagak ye ou kedeng, yakà wen yóm deng monen bè Sulat Dwata, yó monen, ‘Enget hfatay Dwata yóm tau semgyok ubiha, ne enget gotu sekla yó kem ubihahen.’ ²⁸ Okóm,” mon Jisas, “Sokdeng bud hlowil Dwata ou, angate gna bélê ye etu bè Galili.” ²⁹ Hebkó se Pitér, monen, “Baluen he ke gotu sentagak le uu ni kem dumuhu, Sér, là gmou du dou.” ³⁰ Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kedeng, deng sana tlu dulékem ne hmalà yóm ketngónem dou.” ³¹ Mem duil Pitér mon du, “Baluen he ke munge kóm matay, Sér, là kô naw e hnalà kóm dou.” Ne tódô senged se udél yó kem dumu gel lemolò ke Jisas. ³² Ngang le Jisas mógów efet lekól bèyóm sotu ngà hungul koyu boluyen Gitsimani, mon Jisas mò yó kem gel lemolò du, “Na ye myón bè ni bè yóm igou mni bè Dwata.” ³³ Tlu tau niten, Pitér ne Jim ne Jan. Ne tódô genomo yóm tey ksidek kegnómen du, ³⁴ ne monen mò kul, “Tey sidek gnóm yóm genomo béléu ni, là hol tô gbeku hembala du. Nô yebè nine kuy, hol ye mingat.” ³⁵ Ominen mógów hlayuk udì, ne tódô gefen bè tonok, ne mni bè Dwata. Hnihen ke wen lan Dwata hkó du béléen yóm nô tahen,monen mò ke Dwata, ³⁶ “Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.” ³⁷ Timbow deng kenihen, ominen bud mulék ebè yó kem tlu tau nwiten, deng le mem gotu henga tungô. Gotu bentiken lu, ne monen mò ke Pitér, “Ó Simun, dengi tungô kô? Là gbek ye hbala là tungô, balù tek sotu uras?” ³⁸ Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.” ³⁹ Bud kewót Jisas bè yó, bud mni bè Dwata, tódô nuliten yóm gna kmò knihen. ⁴⁰ Ominen bud mulék ebè yó kem tlu tau niten, deng le mom bud lemnga tungô, là kô dog gukat le du mata le. Bè yóm bud kebtik Jisas kul, làkô lebud gudél ebéléen, deng le mom myak. ⁴¹ Bud lemwót Jisas na abud mni bè Dwata. Bè yóm getluhen dulék mulék ebélê le, monen mò kul, “Tolo lel ye he kô tungô ne hegnô? Geblaen ne. Deng duhen ni ne yóm urasen. Ngem ni ne kekfô ledu yóm Ngà Tau, ne blay le elem tdok yó kem tau sidek nmò le. ⁴² Btik ye ne. Ngem yó dé yóm tau mlay do sumóng, ne tekuy e senlong lu.” ⁴³ Igò Jisas tolo mudél, gefet bèyó se Judas, yóm sotu bèyó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se hógów yó kem tau hol ge ta bè yó kem gel demsù ebè Dwata, neyó kem tau gel tmolok hlau, neyó kem tuha gónó le gel galak yó kem Ju. ⁴⁴ Deng eles tulón Judas yó kem tau mung du, monen, “Yó se tau ne le ku kdeng, yó se yóm tau hnebel ye. Tódô kenfô ye, ne nit ye mulék. Hol bnentey ye bè lan.” ⁴⁵ Timbow gdek Judas, tódô hekteng ebè Jisas, monen, “Na Sér,” ne ominen melek du. ⁴⁶ Omin le gotu demlu kemfô ke Jisas, ya tey kget kogot le du. ⁴⁷ Sotu bè yó kem gel lemolò ke Jisas kendel kemtos dmilot sudeng, tódô tô tnibóhen yóm sotu tau gel dók yóm hol geta bèyó kem gel demsù ebè Dwata, okóm olon sfak doli klinguhen yóm tau tnibóhen yó. ⁴⁸ Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim ne ye e kekfô dou ni. Ilóem tô hkél ye ou bè yóm tau gel mò sidek. ⁴⁹ Igò sem ket kdawu myón tmolok lem Gónô Dwata, là sem dog kenfô yedo. Okóm nim nmò ye béléu ni, deng gónón dohò yóm tehe monen bè Sulat Dwata.” ⁵⁰ Bè yóm kekfô le ke Jisas yó, deng mem sentagak yó kem gel lemolò du, gotu le mlóy. ⁵¹ Bè yóm kwit le ke Jisas, wen sotu logi lomi lemnok tendo huli du, tek són kumù legmoten. Ne wen se bè yó kem tau mundug tô kemfô du, ⁵² okóm tódô gtebel lem hólól leyóm kumù tehe legmoten, ne tódô mlóy hlówó laen dù nes. ⁵³ Kewót le bè yó ne, nit le Jisas ebè gónô yóm tau hol geta bè yó kem tau gel demsù ebè Dwata. Ne deng le eles gotu stifun bè yó yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau. ⁵⁴ Bè yóm kwit le ke Jisas, fen holun huli ke Pitér kun, tódô hlós ete klósól yóm tau hol geta bè yó kem gel demsù ebè Dwata. Ne seyón bè yó kem tau gel mentey bè yó, gbót mnalang bélê le. ⁵⁵ Yó kmò le ke Jisas yó kem tau hol geta bè yó kem gel demsù ebè Dwata ne kdê yó kem tau mogot kukum bèyó kem Ju, mebel le lan lehfatay du lemwót bèyó kem tulon le du yó kem dumu tau. Okóm laen kô dù ton le ke mò gónó hmatay du. ⁵⁶ Tey dê tulon le du hono là tahuhen, ne là se ssotuhen yóm gel tulón le. ⁵⁷ Ne wen yó kem dumu tau tmifù du medà bè yó, bede kéng yóm tulón le, mon le, “Ni se udél gungol me lemwót bè nim tau ni, ⁵⁸ tehe monen, ‘Enget genbau nim Gónô Dwata deng hdà tau, ne enget tek tlu kdawu bud hemdà du, okóm là hlanu du lem tdok tau.’ ” ⁵⁹ Bede bud là ssotuhen yóm tulon ledu. ⁶⁰ Hebkó mdà se yóm hol geta bèyó kem gel demsù ebè Dwata, monen mò ke Jisas, “Là bnalaem du kô ni kem tifù le kóm ni?” ⁶¹ Okóm là dog bnalà Jisas du, tódô neb. Ominen bud mudél yóm tau hol geta yó koni, monen, “Uu kô yóm Misaya, yóm hol Ngà Dwata?” ⁶² Bnalà Jisas se, monen, “Ou se. Enget gotuton ye yóm Ngà Dwata myón fi bè kwanan yóm Dwata laen dù là gebeken du. Ne enget ton ye seyóm kesfuléken edinimung bèlobun.” ⁶³ Mung kungolen du nim udél Jisas ni yóm tau hol geta yó koni, botong tódô kenséen nesen, monen, “Omin he ke wen bud dù tifù du. ⁶⁴ Deng tódô gungol tekuy yóm kehsengeden knóen bè Dwata. Tedu se kuy kemò kmon du du yóm tau ni?” Mon le se, “Hyu ke tódô hnatay.” ⁶⁵ Nebut le bè yó ne todo hemsidek ke Jisas. Wen se bélê le dmulak du. Omin le smefeng uyóhen, ne lel le semsuntuk du, mon le, “Tensob tulónem kum kun mau du nim hemgnóm kóm des ni?” Balù yó kem tau gel mentey bè yó, gotu gbót temfê du. ⁶⁶ Sana tolo kyón Pitér teklósól hekun. Ne mlan bè yó yóm sotu bèyó kem ngà libun gel dók yóm hol geta bèyó kem gel demsù ebè Dwata. ⁶⁷ Timbow tonen Pitér menalang bè ofi, henunuhen Pitér, monen mò du, “Kaem uu se sotu gel mung ke Jisas, yóm tau lemwót gu bè Nasarit.” ⁶⁸ Okóm mom hnalà Pitér, monen, “Là kô naw e tngón du dou yóm monemyó.” Ominen mógów etu bè bak tikeb yóm labat, ne tódô sen‑ gengen sekmóót onuk. ⁶⁹ Ominen bud mton ke Pitér yóm libun yó koni, bud senged se yóm monen bè yó kem tau mdà bèyó, “Kaem ni seyóm sotu tau gel mung kul.” ⁷⁰ Bede mom bud hnalà Pitér. Timbow deng legen udì bè yó, mon lemò ke Pitér yó kem tau medà bèyó, “Tahu se, uu se sotu bélê le, abay se tauhi lemwót bè Galili se kóm.” ⁷¹ Ne glok Pitér tódô masa bélê le, monen, “Hol tnafak Dwata ou ne ke kéngu yóm tulónu kuy. Là kô tengónu du dou yóm tau mon ye yó.” ⁷² Ne tódô sen‑gengen se kmóót onuk bè gewuhen dulék. Ominen yó gebelem bè nawa Pitér se yóm deng tehe eles mon Jisas mò du, yóm kemonen du, “Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketengónem do.” Unihen gbel bè nawahenyóm tehe kmon Jisas mò du yó, ya tey kkiken.