¹ Bè yóm kekó le Pol bè syudad Ikunyum, bud senged se gefà le. Tódô le hlós ebè yóm ku gónó gel setifun yó kem Ju ne tey mtukul yóm ketolok le bè yó. Tey genged tau hemtahu bè Jisas, kem tau Ju dalang se kem tau là Ju le. ² Okóm wen se kem Ju hemda du yóm ketolok le. Yó nemò le, dê sidek tulón le yó kem tau là Ju le anì lenbut le yó kem tau hemtahu bè Jisas. ³ Bong ne le legen le Pol bè yó. Là kô wen kelikò le temulón du yóm tulón hyu gebak ebè Jisas yóm gónó le mogot. Tey kehedilô Jisas du bè yó kem tau hemungo ku yóm ho ketahuhen yóm hyu ge tulón le, helanen bè yó kem hentaw ton ge hemoen ku le Pol. ⁴ Baling mesególó nawa yó kem tau nô bè yóm syudad yó. Wen se gefi bè yó kem Ju, ne wen se gfi bè le Pol. ⁵ Ngangen efet wen tô atu nemò le yó kem tau hemda yó. Wen se bélê le Ju, wen se là Ju le, ne mung ku yó kem tau gónó le galak. Yó tô atu le, mebel le lan le tô hemsidek ku le Pol, tô henatay sentudà le lu botu. ⁶ Bè yóm kungo le Pol du yóm yó, kendel le melóy ebè syudad Listra ne bè Dérbi, kem benwu bè prubinsya Likunya, ne ebè yó kem dumu benwu hmilol du. ⁷ Ne bè yó bud gónó le hetengón du yóm Tulón Hyu. ⁸ Bè yó bè Listra, wen sotu tau kihod nô du, kihod lemwót bè kesuten, là kóen gógów. ⁹ Myón bè yó se kun ne hemungo yóm ketolok Pol. Tódô dilô Pol béléen yóm kehetahuhen du yóm kegbek Jisas mekó yóm desen. Yó nmò Pol, tódô hemunu temngel ebéléen, ¹⁰ ne ominen hgel udélen, monen, “Medai ne, Wè.” Ne tahu se, tódô hebetik medà yóm tau yó, ne tódô gógów se. ¹¹ Timbow ton yó kem tau yóm nmò Pol yó, botong le gotu gehensag, mudél le bè kul udél yó kem tau bè Likunya, mon le, “Deng le kemo elaan yó kem dwata tekuy, helingu le bè tau.” ¹² Yó tô boluy le kul le Pol boluy yó kem dwata le. Boluy le ke Barnabas, Sus. Ne fen boluy le ke Pol, Hérmis, abay se du fen ge mudél ebélê le. ¹³ Uma moni bè lewà yóm benwu yó yóm gónô Sus. Yó nmò yóm tau fen ge demsù ebéléen, wen kem safì tudu nwiten deng henegen bulók, hdaen bè bak sut yóm benwu yó mò desù le ebè le Pol. ¹⁴ Timbow gungol Barnabas ne Pol yóm tô nmò le yó, botong gesek le nes le. Tódô le mlóy etu bè yóm gónó le deng stifun yó kem tau, ¹⁵ tódô hendilà hegel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gekogol ye ni kem dwata kéng laen dù genbek le, ne bekelil ye ebè yóm Dwata mowil, yóm tehe dmimun longit ne tonok ne mohin ne kdéen ton. ¹⁶ Bè yóm tehe yu teganay,” mon Pol, “tódô bayà Dwata yó kem tau te tonok, balù kihu kul knóyô nmò. ¹⁷ Okóm lemwót bè kebuten, sa ge wen gónón hegfan du bè tau yóm hyu ge nmoen anì dilô tekuy. Du se fen gel hkulón ne gel htowok yó kem hulu tekuy anì mungu le bè yóm kul bulón gel kbungu. Du se mò du anì là élél tekuy ken, ne anì wen gónó tekuy gel hligal.” ¹⁸ Balù yóm tey kbólów le Pol kul, bede tek udì duen gónó le là demsù ebélê le yó kem tey tau wen yó. ¹⁹ Là legenen bè yó, wen kem Ju lemwót bè yóm sotu Antyok snakuf Pisidya, ne bè Ikunyum. Yó nógów le, ne le e nofong yó kem tau bè yó anì lenbut le Pol. Tahu se. Yó nmò le, deng mem sentudà le lu botu le Pol, ne tódô sendeyol le lu ebè lewà yóm benwu yó, ofo kul mon du ke deng matay ne. ²⁰ Okóm mógów le ebéléen yó kem dumuhen hemtahu, gotu senibut le. Ne tódô bud betik lem blóng le Pol, mung kul mulék elem yóm benwu yó koni. Timbow hayahen bè yó, bud le lemwót lewu le Barnabas, mógów le ebè yóm benwu boluyen Dérbi. ²¹ Yóm kekól le Pol ne Barnabas bè Dérbi, tódô bud tulón le se yóm Tulón Hyu newit le. Ne tey dê se kem tau bè yó baling tau lemolò ke Jisas. Omin le yó bud mulék ebè Listra ne bè Ikunyum ne bè yóm Antyok snakuf Pisidya. ²² Ten gel le nawa yó kem tau hemtahu, ne tey kegduf le ku anì là gekó le du yóm deng kesalig le ke Jisas. Yó mon le, “Nen dê he megel glan tekuy getu tekuy gmung bè yóm kogot Dwata tau.” ²³ Tódô ket yó kem benwu gónó le tehe temolok, sa ge wen kem tau tuha nélék le mò fen malak yó kem tau hemtahu bè yó. Sok deng gel kélék le kul, gelok le fasting, ne mni le bélê le bè Dwata, ne hogot le lu bè Jisas, yóm gónó le mogot deng snalig le. ²⁴ Bud kewót le Pol bè yó, melan le bè prubinsya Pisidya efet le kól ebè prubinsya Pamfilya. ²⁵ Bud le selob tmolok udél Dwata bè syudad Pérga, omin le hlós ebè syudad Atalya. ²⁶ Bè yó gónó le semakay kafal hlós lan le mulék ebè Antyok, yóm syudad gónó le tehe gu lemwót. Yó kem tau hemtahu bè yó, lu se tehe hefogot kul le Pol bè Dwata bè yóm nmò deng henoletaem Dwata ta le. Ne ni se kehedeng le du yóm tehe hmoen kul yó. ²⁷ 27Bè yóm deng kekól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata helanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le. ²⁸ Na le bong legen bè yó he lem belóng yó kem dumu le hemtahu bè yó.