¹ To pogkaponga dutun, daan on man do panaligan no nakita ku no niglono ligkat to langit. Dakol ka gahom din, hoy nalayagan ka tibo no kalibutan. ² No nanamantaman kandin nigpangiyak! No nangongpaan on kuntoon to busow hoy maligsom no Ispiritu hoy tibo no kalasi to kabay-baysakuwan no in isip nu maligsom hoy kono ogkakoon. ³ Noyitabu soini su nokoiman ka tibo no Nasud to binu oyan ka ogkoy rin, hoy nokoylabot kandin ka tibo nu no hari hoy nadduto ka mo nigusyanti to kalibutan pinabayjo to ogpatayjon din to karatuan.” ⁴ Na taman duon on man do narinog ko nu lagong ligkat tu langit nu nigkagi, “Kaniyu su mo koot otowban ku, awo kow duon oyjow kono kow ogpakasunod to mo salo din, hoy ayow-ayow kono kow logparan duma kandin. ⁵ To nokouma on diyo to langit ko nonokog ampow-ampow nu salo din, hoy waro naliowbi to Magbabayjo ka madduot nu hinumo rin. ⁶ Oghimuon diyo to kandin ka inhimo rin diyo to duma, hoy ogbalosan iya kandin ka inhimo rin diyo to duma, hoy ogbalosan iyan kandin to maroot nu hinimuan din. Oghipanoon to binu ka malayjat hoy iling dod kapait to Binu nu intagana din to duma. ⁷ Ka amana rin say-saa ka pogkootow rin hoy subla no nigpatayjan to karatoan, iling naan dod duon karakol ka logpad kandin hoy ka nigpahambog kandin nu nigkagi. Iling a to royna nu nigpinuu to trunu! Kono a nu balu, hoy kono ad iyan ogkaaras! ⁸ Sikan naan ka ogkabaybayjaran kandin to mu logpad nu inhinguma. To sagboka no aldow, nu oghinguma diyo to kandin ka kamatayjon, hoy gutas hoy ogtotungon kandin, su maroson ka Magbabayjo nu Diyus nu iyan oglogpad kandin. ⁹ No ogmandawbit hoy ogman ninugow ka mo hari to kalibutan ko ogka kita rin ka obol to pog tungtong kandin. Sikandin ka nokohilabot to malitan hoy nalimowan to karatuan din. ¹⁰ No ogkooloton kandi to og antusan din, sikan naan ka diyo to kandin og mansasindog to mariyo nu igkagi, “Mokoyid-u naan do iyan ka goomanon nu siyudad nu babilonya! Iglogparan kandin to songo uras do! ¹¹ No ogmaninogow hoy ogbanguton ka mo nigusyanti to to kalibutan tungod kandin, su warad on ogboboli to mo baligya din. ¹² No bulawan nu pilata, ghoy mahal nu mo batu, hy mo perlas. Warad on og boli to mo hinabol nu mahal, iyoran ka batok, mo homol-homol hoy malalab. No iling dod ka tibu nu kalasi nu maroot kayo, hoy tibo nu ligkat to panajow to ilipanti, hoy mahak nu mo kayu hoy mo burunsi, pothowhoy matulos no kinabo. ¹³ Warad ogboli to mo lamas hoy mo insinsu hoy mahal no lana hoy binu, mantika hoy harina hoy trigu, mo baka hoy mo karniru mo kuddo hoy mo karwahi hoy agad mo otow nu mo uripon. ¹⁴ Nigkayan to mo nigusyanti ka Siyudan, “No iyow on ka tibo nu igkaibog no og ka koon, hoy nalaag on ka tibu no karuotan hoy matulos nu kasagkapan nu kono nod on iyan ogkakita pad sikan tibo! ¹⁵ Ka mo nigusyanti no nanganduton tongod to pog tinda hoy pog pammitow ran to ogkasalapi tp sooyjo nu siyurad, ogkaolotan to og antosan din. Sikan naan ka diyo to kandin ogmanasindog to mariyo ka ogmaninugow hoy og mangayag. ¹⁶ No ogkagi, “Mokoy-u naan diyo iyan! Mokoy-u naan do iyan ka ogkanganon iyan ka ogkanangon nu siyurad! Layjan dongan kandin nigsaluub to maroyjow no mo mangad no iyoman su batok hoy malalab, hoy layon din saysaa to mo bulawan hoy mo malolos no batu hoy mo pirlas ka lawba rin! ¹⁷ Di nalaang ka dakol no karatuan din to songo uras do! No ogmanasindog diyo to mariyo ka tibo no mo kapitan to mo barku hoy ka mo tarabahanti ran hoy ka tibo no nanguntud duton, hoy ka tibo no diyo to dagat so kauyjagan, ¹⁸ ogmangulaloy kandan to pogkakita ran to ubol ogpokoiling to sikan no siyurad no og ka nanongon. ¹⁹ Inbulakbulakan dan to mo tano ka mo ulo ran to nigsinigow no ogmangulaloy hoy ogkaragi, makoyid-u na-an do iyan! Mokoyid-u na-an do iyan ka diyo to dagat tongod to karatuan din di naruot. Di naruot kandin to songo uras do!” ²⁰ Kaliyag kow ka nangupo to langit tongod to inlogparan din kaliyag mo apustulis, mo Prupita hoy mo koo-otawban to Magbabayjo so inlogparan on kandin to Magbabayjo tongod to inhimo rin kaniyu!” ²¹ Nataman, inpurut to maroson no Diwata ka bubusagon no bato no ogpokoiling to galingan no bato hoy inbanggal din diyo to dagat hoy nigkagi, “Iling kayi ka dakol ka pogkagogos to Babilunya, hoy konad on kandin ogkakita pad. ²² Konad ogkarinog pad duon to sikan no siyudad ka lagong to mo alpa hoy to kanta hoy to manunu-u ogmandondog hoy ogmanuturumpita. No warad on mando ogkakita no mo talaghimu to agad nokoy no ogkamaanan, hoy warad on ogkarinog no daging to galingan. ²³ No warad on salog no oglaysag, pad daan to kandin, hoy warad lagong to ogpakasawbilo hoy to ogkarinog. Sikan ka logpad kandin su iyan mabantug to kalibutan ka mo negosyanti rin hoy in akalan din ka mo siyurad pinabayjo to salamangka! ²⁴ No inlogparan to Magbabayjo ka ogkanangon no siyurad tongod so diyo ogkakita ka mo langusa to mo Prupita hoy koot-otawan to Magbabayjo, hoy ka tibo no inpangyimatayjan kayi to kalibutan.