¹ Kuntoon no nadinog ko ka sagboka na makosog no lagong no ligkat to timpu no nigkagi diyo to pitu no mgo diwata, ”Hipanow kow no ibus ug now diyo to kalibutan ka pitu no yahong no langit to Diyus." ² No ibubus on ka no hun-a no mo diwata ka tago to yahong din diyo to kalibutan. No dutang ka tibo no nigdawbat to mo pangotob to mananap no nigsimba to larawan din. ³ No inbusbus on ka ikarangob no taguanan diyo to dagat nohimo on no langosa to mo otow hoy nangamatoy ka inhimu diyo to dagat. ⁴ No ibubus on ka ikatolu no taguanan diyo to woyig hoy nohimu man do no langosa ka woyig. ⁵ Hoy narinog ku ka lagong to diwata no nigbantoy to woyig no nighondoon, "Maroyjow matarong ka hukum dow balaan no Diyus no iyan hontow dow mahuriyon." ⁶ Nighimo dan ka langosa do moniyo hontawa, hoy langusa to Diyus dow mgo purupita, kaling inpuinom kandan to langosa. Soini ka olog kandan. ⁷ Hoy narinog ku ka lagong likat diyo tapagan no nig iling, "Magbabayjo dow makagagahom to tibo, sakto dow maroyjow iyan ka insulat no to mgo otow!" ⁸ Hoy imbusbus on ka taguanan to diwata ka ikahup-at diyot aldow hoy nigkalab kalab soin to koini, hoy nasilban hoy ka mgo kaotawan. ⁹ Ing-gan nasilaban on ka mgo otow waro gihapon nig isab waro gihapon nig ampo diyo to Diyus, hoy nig liyan-liyan pad ka Diyus no iyan nigboot to tibo. ¹⁰ Hoy ingun-gun to ikalima nu diwata ka kandin no taguanan diyo to trunu mo mamang hoy nigmarusilom ka gingharian to soin. Nigkagat ka mo otow to kandan nu din tongod tu kasakit nu in agwanta dan. ¹¹ Intudlu dan ka Diyus to langit ungod to in agwanta dan no kasakit di waro dan ongkori ka maddoot dan no hinimuwan. ¹² Hoy in ug-ug to ikahun-om no diwata ka kandin no taguanan diyo to dakol no bungan to Eufratis, na utihan soin oyjow ogkabayjaan to mo hari no ligkat to silatan. ¹³ Hoy nakita ku ka tatulo nu maligsom nu Ispiritu nu iling to mo bak-bak no niglibwas to bobo to bulalakaw, to bubu to manang hoy to bobo to ubaton no purupita. ¹⁴ Iyan soin ka mo Ispiritu to mo dimunyu no nighimu to mo kabulunganan. Soin tatulo nu Ispiritu nighondiyo to mo hari to tibo kaigudan oyjow poglimud kandan para to sagboka nu gubat to soikan hangluwan nu dakol no aldow to Diyus nu Labow no Gamhanan. ¹⁵ Paminog! Oghondini a iling to takawon. Mampo ka nigtakow hoy nig amping to kandin no kinabu oyjow kono kandin oghipanow no nalubasan hoy ogkasikawan tangkaan to takawon! ¹⁶ Hoy inlimud to mo Ispiritu ka mo hari diyo to sagboka no ingod no inggaranan to Armagidun to Hibruwanon no ikagiyon. ¹⁷ Hoy in ug-ug to ikapitu no Diwata ka taguanan din diyo to kalamagan solod to timpulu hoy nigkagi, “Naponga on iyan! “ ¹⁸ Nigkikita hoy duon kagulob, miglugong hoy migdinog to mahagpot amana no waro pad ogmokoiling dongan no inhimu ka mo otow kayi to kalibutan. ¹⁹ Na baad to tatulo ka dakol no Siyudad hoy nagugus ka tibo no Siyudad to tibo no kasagaran, hoy nasumansumman to Diyus kaguhamanon no Babilunya, hoy inpainom din to kupa hoy binu tongod to kabolu din. ²⁰ Na nangawo ka tibo no pulo to kagulanganan. ²¹ Nahulog ligkat to langit poiling diyot mongo otow ka dakolan no Ayis no nigtibang to kalimaan to kilu. Hoy nigtubaran to mgo otow ka Diyus mohitongod to inbogoy no kaaldok no katalagman.