¹ 1Hoy duon nigkita ku no ayjam no duon so-ag no duon ligkat to dagatno sampulu to su-aghoy pitu no ulu. Ka matag sagboka duon kuruna hoy mo nasulat diyo to mo ulu to soin hoy marusog duog no ngaron. ² Anat to liyupardu ka nakita ku no ayjam hoy ka paan to soin anat paa to usu, hoy ka buu inat bubuto liyun. Pigbogoy to bulalakow diyo to ayjam ka goom din hoy turunu inat dukol no katongod. ³ Ka mo ulu to soin dakol pali di no ulian on. Na bulong-bulong ka tibo no no ingod nigtuu to bulalakow. ⁴ Pigsimba to mo otow su pigbogoy din ka dakul no katongod diyo to ayjam hoy pig simba dan, daan ka mananap hoy hontow kag atu kandin? Hontow ka inat ayjam (mananap) hoy hontow ka og oto kandin? ⁵ Nig tugutan ka ayjam to pog panghinaldok hoy ugpang duog-duog hoy pinabayjan soin to dakul no katungod suud to kahup-atan hoy daruwa no buwan. ⁶ Pigdaug-daug din ka Diyus hoy ka ngaran hoy ka pig ugpuan to Diyus apil on ka nig ugpo diyo to langit. ⁷ Nigtugutan daan no ogpakiglugong to kaotawan to Diyus hoy ogduugon kandan, hoy pigbogayjan pad to dakol no katongod to pog hoy pigpatahanan to tibo no tibo no kaotawan, kinagiyan hoy kanasuran. ⁸ Ogsimba to ayjam ka tibo no kaotawan to ingod hontow no ngaran no waro pad ka ingod no para to nati no karniru no pig panghimatayjan. ⁹ Koy naan ko duon talinga now, pamminog kow iyan! ¹⁰ Ka dalupanon, ogkadakop iyan, ka oghimatayjan, oghimatayjan pinaagi to kampilan. Kinangolan no ka kaotawan to Diyus maparayjonon to pogtuu. ¹¹ Hoy nigkita ko ka loin no ayjam no niglibwas diyo to tano. Duon daruwa din no so-ag no ogkoiling to so-ag to nati no karniru. Hoy nigkagi kandin no anat bulalakow. ¹² Ingamit din ka tibo no katongod to hun-a no ayjam diyo to tangkaan din. Hoy pigpugos to ayjam ka tibuuk no ingod pogsimba to hun-a no ayjam no duon amana no pali no na uli-an on. ¹³ Nighimu to dakol no koin inuwan ka igkaduma no ayjam. Nig uran soin to hapuy ligkat to langit tangkaan to tibo no mo otow. ¹⁴ Hoy naubatan din ka tibo no kaotawan no ingod pinabayjo to kuyin-inuwan no pigtugutan no oghimuwon din to tangkaan to hun-a no ayjam. Hoy pigsugu to ayjam ka tibo no kaotawan to ingod to poghimu to larawan oyjow to pogpabantog to ayjam. ¹⁵ Pigtugutan ka igkaruwa no ayjam to pogbogoy to kinabuwi diyo to larawan to hun-a no ayjam oyjow ka larawan makakagi hoy oghimatoy to tibo no kono ogsimba kandin. ¹⁶ Pigpugos to Ayjam no ogkutuban ka tibo no otow, inila hoy kono no inila, datu hoy mokowuy-o, suguanon hoy kono no suguanon, diyo to kawanan no bulad hoy bukod. ¹⁷ Waro ogmokoboli hoy ogmokobabaligya aynaan to duon kutob to ngaran to ayjam to numiro no nigpalinnuuwan to iyan no ngaran. ¹⁸ Kinangolan to katounan ka pogsabut no ka duon katuonan to pogsabut kinangolan ka numiro to ayjam su ka numiro to nig palinuuwan to ngaran to sagbuka no otow ka numiru to soin (666).