¹ To sikan no panahon duon otow no ogngaranan ki Huwan no tigbautismo no nig pangudling diyo to mamara nu ingod nu kuno ug ka ugpaan diyo to Hudiya. Migpamatbat kandin, ² “Ongkuri now ka salo now so marani un ka poglibod to Magbabayjo? ³ Si Huwan ka ug kagiyon ni prupita Isayas nu migkagi, doon nig pangiyak diyo to mamara nu ingod nu kuno ugkaugpaan nu nig kagi, ‘’Andama now ka dalan to Magbabayjo. Tulira now kag bayjaan din.’’ ⁴ Ka kinabo ni Huwan inhimo ligkat to bulbul to kamilyu. Nu ka sinturon din inhimo ligkat to kindal to ayjam. Nu iyan din dag kuonon ka angas dow ka tunod to patyokan. ⁵ Nangondiyo to kandin nu diyo ug puon to Herusalim, dow diyo to tibo nu lungsod to Hudiya, dow to tibo no mo ingod nu marani to wayig no Hurdan. ⁶ Nu nokogsundit kandan dow inpamatbat dan un ka salo dan, dow inbawtismuwan un kandin ni Huwan diyo to woyig to Hurdan. ⁷ To pogkakita ni Huwan no mohon-in ka mo Parisiyo dow mo Sadisiyo no nigparani kandin oyjow ug pabaotismo, nigkagiyan din un kandan, "Si kaniyo su og poko-iling to mo mamiloy, hontow ka migkagi kaniyo nu ug maka aligo kow to logpad to magbabayjo? ⁸ Ipapitow now pinabaylo to himu now no in-ongkoran now ka salo now. ⁹ No kuno kow kagi, ‘Mo kabuwaran koy ni Abraham?’ Su ogkagiyan ku kaniyu to ogkaayjon nu ug pabaloyjon to Magbabayjo mo otow ka soin so mo batu oyjow ug himuwon no kabuwaran ni Abraham. ¹⁰ No kuntoon, andam on ka ugpit nu igpolod to mo kayjo, no ogpuloron ka kayjo no kono ug pangunod to moroyjow, dow igdogpak diyo to hapoy. ¹¹ Ogbawtismuwan ko kaniyo to wayig, pinabaylo to pogpoila no nig-ongkuran now ka mo salo now. Piru duon pad pakasundol kanak no subla pad no marosondoson kanak, no kono a no litos to poghukas to sandal din. Sikandin ka ogbawtismo kaniyu pinabaylo to Ispiritu to Magbabayjo dow to hapuy. ¹² Ogmukoiling kandin to otow no ogpalayjap to utapon, igloin din ka tipaka diyo to ukaba. Nu sooyjo so tipaka diyo din itago to lalapong piru ka utapon ug silaban to hapuy nu kuno ug koobukan. ¹³ Nataman, nighondiyo si Hisus to Hurdan ligkat to Galiliya ka ug pabawtismo ki Huwan. ¹⁴ Piru kuno poron ug kaliyag si Huwan ogbawtismo ki Hisus su nigkagi si Huwan. "Sikanak ka angayjan no ogbawtismohan nu, no maniyo to nighondini ka kanak?" ¹⁵ Piru nigtabak si Hisus “Angayjan iyan no oghimowon ta soin oyjow to pogtuman to tibo no igkaliyagi to Magbabayjo; Oyjon un si Huwan ki Hisus. ¹⁶ To nabawtismohan on si Hisus dow nakalapas on to woyig na olog-olog natukasan on ka langit dow nakita rin ka Ispiritu to Magbabayjo no kandin. ¹⁷ No doon lagong no nigpuon diyo to langit no nigkagi, “Soin ka in-olog pinalanggo ku no anak. Amana a naholo kandin.’