¹ Pog ligad to hon-om no aldow, nig alap ni Hesus si Pedro hoy ka nigsusulod no si Santiyago hoy si Huwan diyo to malayjat no bubungan no kandin do ka otow diyo. ² Tagood, nigpitow kandan ki Hesus, nahalin ka langlanguwan din. Ka langlanguwan din no nig sisinaw no iling to aldow, hoy ka kandin no kinabo nig maputi hoy nigdan-ag. ³ Hoy nignali dan nakita si Moyses hoy si Elyas no nakakagi kandin. ⁴ Hoy nigkagi si Pedro ki Hesus, "Magbabayjo so duon ka kayi, hoy ko kabobot-on no, og hihimo a to tatolu no bakalag; ka sagboka para koykow, hoy ka sagboka para ki Moyses, hoy ka sagbuka para ki Elyas. ⁵ To waro pad kandin nakaponga tog kagi na bunbunan on kandan to masinaw no gapun hoy nig dinog dan ka lagong no nigkagi, "Soini ka pinalanggo ku no anak, inkaliyag ku kandin. Pamminogon now kandin." ⁶ To pogdinig to mo binasbas, nanluud kandan to kahaldok. ⁷ Nigdaniyan kandan ni Hesus hoy nig gongonan. Nigkagi kandin, "Sasindog kow. Kuno kow kahaldok." To ⁸ pogtonggak dan, warad loin no nakita ran gawas ki Hesus. ⁹ Kamolo kandan nigtupang diyo to gulangan, nigpataanan kandan ni Hesus, kono now inangon to agad hontow, ka nigkita now, kamulu no ka kanak to otow kono pad ogbatunon. ¹⁰ Nanginso kandin ka mo binasbas din. "Maniyo man to nagkagi ka talag-anad to balaod no 'kinaanglan no un-a og mokouma si Elyas to kono pad si Kiristo.'? ¹¹ Nigtabak si Hesus kandan, "Tumanan-on, kinaanglan no ug hun-a og mokouma si Elyas, oyjow og andamon ka tibo. ¹² Hoy og nanungan ku kaniyo, si Elyas nokouma on, piru ka mo otow waro mokoila kandin hoy nig himu ran nasi ko nokoy kag kaliyagan dan no og himuwon kandin. Hoy soini giyapun ka og himuwon dan kanak no anak to otow. Paantuson a ran giyapon." ¹³ Hoy nasabot to tibo no mo binasbas din no si Huwan no taagbawtismo no iyan nighisgutan. ¹⁴ To pogmokouma diyo to mohon in no mo otow, duon sagboka no lukos no nigdani ki Hesus hoy nig luud no nigkagi, ¹⁵ "Magbabayjo, kohid-uwi nu ka anak ku no lukos. Ogbabuyjon kandin hoy nig-antus amana kandin. Hindini kandin og kapolod diyo to hapuy ko kono diyo to woyig. ¹⁶ In-aap kod on diyo to mo binasbas nu, di kono kandan pakabawi kandin." ¹⁷ Hoy nigkagi si Hesus, "Kaniyo no mo otow to soini no panawon,waro giyod pogtuo, hoy sayjop ka pog doromdom now hoy ka binuhatan now. Hangtod kagan-u a pad ogpoilod kaniyo? Aapa now ka bato dini to kanak." ¹⁸ Hoy nigsaparan ni Hesus ka maroot no Espirito no diyo to bato, hoy duon-duon nig awo sikan. To soikan no oras noulian on ka bato. ¹⁹ To duon no kandan naan do nigdani ki Hesus ka mo binasbas din hoy nanginso, "Maniyo to kono noy ogkahingaranan ka maroot no Espirito no ligkat duon to bato." ²⁰ - ²¹ Nigtabak si Hesus kandan, "Tongod to kulang ka pogtuu now. To pogkatinuud, ko duon lang pogtuu now no agad honduon do kadakol to unud to Mustasa, makasugu kow to soini kahilawban, balhin diyo, hoy ka kahilawban og halin waro botang no kono now ogkoyimo. Di soini no maroot no Espirito kono now ogkohingaranan ko kono kow og ampu hoy ug puaasa. ²² To kamulu niglilimod-limod kandan diyo to Galiliya, nigkagi si Hesus kandan, "Ka anak no anak to otow kinaanglan no igbalagad on diyo to mo otow ²³ woy oghimatoyan dan kandin. Di to igkatolu no aldow og-uyjagon dod kandin ." Naaras amana ka mo binasbas din mayitongod to sikan. ²⁴ To pogkouma ni Hesus diyo to Kapirnaum, nigdaniyan si Pedro to talagpurot to buwis diyo to timpulu hoy nanginso, "Nigbayjad ba ka talag-anad now to buwis para to timpulu."? ²⁵ Nitabak si Pedro kandin, "Oho, nigbayjad kandin.'' Pogsolod ni Pedro to baloy nanginso dayjon kandin ki Hesus, "Simon, para koykow, hontow ka inpabayjad to mo Hari dini to ksalibutan hoy buwis, iyan ba ka mo anak dan hoy ko loin?" ²⁶ Nigtabak si pedro, "Oho ka duma." Hoy nigkagi si Hesus, "Ko iyan sikan, nigpasabot no ka anak kono kinaanglan no og bayjad. ²⁷ Di kono ki og bayjad, atok ko ogkohiubos kandan kanta. Hondiyo ka to dagat hoy pamonlit. Bokaa nu ka bobo to isda no hun-a nog kapurut hoy og kitoon no ka salapi no ig bayjad ta to buwis kanta daruwa. Puruta ka saapi hoy igbayjad now duon to naningil to buwis para to timpulu.