¹ Hoy duon matag sagbuka no Parisio woy mo talag-anad to balaod ligkat to Herusalim no nigdani ki Hesus,Nanginso kandin ki Hisus. ² ‘Maniyo man to nakasuwoy ka koykow no mo inanad to namaanan inpasuno kanta to mo kabuybuyjagan? Kono kandan og loolo to maroyrow no lunang to ko pad kandan og mangoon? ³ Si Hesus nigtabak, ‘Woy maniyo to nigsuwoy kow man daon to sugo to Magbabayjo woy iyan now ra intuman ka kaniyo no kaugalingon no naanaran? ⁴ Hoy nigkagi ka Magbabayjo , ‘Tahura ka kaniyo no amoy woy inoy now. Woy agad hontow kag kagi to maroot no ngaran to kandin no amoy woy inoy kinahanglan nog himatayjan? ⁵ Di nig-anad kow man to sagbuka no otow no kagi nog iling to kandin amoy woy inoy, ka kanak poron no igbulig kaniyo inbugoy kod diyo to Magbabayjo. ⁶ Ko iling to sikan nig-anad now, kandin to kono no pogtahud to kandin no amoy. Soini ka kaniyo no nighimu to waro pogtuman to lalag to Mababayjo woy ka kaniyo no naaanaran iyan og katuman. ⁷ No kaniyu nog papitow-pitow ro? Maroyjow iyan ka inkagi to Magbabayjo ki Iliyas maytungod kaniyo. ⁸ Soini no mo otow, nigparinog kandan to mo batbatunon do, di mariyo kanak ka kandan no pusong. ⁹ Waro pulus ka kandan no pogsimba kanak, ka balaod no inlalag to Magbabayjo no mo sugo no nighimu ro daan to mo otow? ¹⁰ Hoy inparani ni Hesus ka mo otow diyo to kandin woy nig kagi kandin kandan, “Pamminog kow woy nongnonga now soini: ¹¹ Kono makasood to bo-bo to otow kag makaligsom kandin, ko kono kag libuwas likat to bo-bo din’ ¹² Hoy nigdani kandin ka mo binasbas din dow nigkagi kandan, ‘Namaan ka buwa no nabulo ka mo parisiyo tongod to inkagi no? ¹³ Si Hisus nigtabak, ‘ka tibo no tanom no waro ipamula to Amoy ko no diyo to langit og baruton. ¹⁴ Balagara on kandan so kandan ka giyoy to mo botod. ka sagbuka no botod iyan og duma-ruma to loin pad no botod, pokog unong do kandan to tikoba.’ ¹⁵ Si Pedro nigkagi, ‘kagihi koy to mo maroyjow no lalag no ligkat to sampitanan.’ ¹⁶ Si Hesus nigkagi kandan ‘ko kow pad buwa iyan og kaman-maan? ¹⁷ Waro kow pad buwa namaan no ka og solod to bobo to otow poiling to kandin ni gotok woy iyan og awwo to kandin no lawa? ¹⁸ Umba naan ka mo botang nog awwo to bobo no ligkat to pusong, soini no mo karootan no iyan og makaligsom to mo otow. ¹⁹ Hoy ligkat to kandin no pusong mangawwo ka mo maroot no karomdumanan; poghimatoy, pogpanlibog, maroot no himu, Panakow, Uubat dow Himo-himo to kono no maroyjow. ²⁰ Soini ka mo butang no makaligsom to otow. Hoy kono makaligsom to otow ko og koon kandin no ko pad kandin og panlu-lu ngaran to kandin no in kagi no iyan maroyjow. ²¹ Hoy nig-awo si Hesus to soikan no bubungan woy nig hondiyo to loin no tano dani to banwa to Tiro woy Sidon. ²² Sagbuka no boyi no diyo to Canaan no nig ugpo to sikan no bubungan nigdani woy nig po hoy-o hoy-o ‘Magbabayjo, Anak ni David, kohid-owi ad bag. Ka anak ku no boyi nigsoloran to maroot hoy naraluhan amana. ²³ Hoy waro nig tabak si Hesus. Nig dani ka mo binasbas din woy nig kagi, ''Papa-awwaa kandin so og sunsunuran ki woy magulod amana. ²⁴ Hoy nig kagi si Hesus, ‘Inpaalap a ro diyo to mo nallaag no mo karnero to banwa to Israil.’ ²⁵ Hoy nigkagi ka boyi woy niglood to tangkaan ni Hisus, ‘Magbabayjo, buligi a bag poron,' nig kagi kandin. ²⁶ Si Hesus nigtabak, ‘Kono no maroyjow nog puruton ka koonon to mo anak no igpakoon do to mo aso,’ ²⁷ Ka boyi nigtabak, ''Tootoo iyan sikan, Magbabayjo, agad pad ka mo aso makakoon do to mu-mu nog koulug ligkat to lantawwan to agalon.’ ²⁸ Hoy si Hesus nig tabak kandin, '‘Boyi, karakol to koykow no pogsalig. Ogkatuman ka koykow no inboyjo.'' To sikan no aldow naulian ka anak din. ²⁹ Si Hesus nig awwo to sikan banwa woy nig ikol to daplin to lanow to Galiliya. Nigtakorog kandin to sagboka no bubungan woy nig-iingkod diyo. ³⁰ Hoy duon mohon-in no mo otow no nigdani kandin no nig-alap to mo pugkot, pi-ang, butod, amang woy duma pad no mo naraluwan. In ay-ayjaran dan ka mo naraluhan to tangkaan ni Hesus, woy nouyag din kandan. ³¹ Nabolong-bolong ka mo otow to pogpitow ran no ka mo amang nakakagi, ka mo piang nonoulian, ka mo pugkot nokohipanow woy ka mo butod nakakita, hoy insayjo dan ka Magbabayjo to Israil. ³² In umow ni Hesus ka mo binasbas din woy nig kagihan, “Nohoy-u a to soin mo otow tatolu on no aldow no kandan nigduma kanak hoy waro on og kakoon dan. Kono a og kaliyag nog pouli on kandan no warog kakoon atok hangkuwan ko mabigtawwan kandan diyo to dalan. ³³ Ka mo binasbas nanginginso kandin, "Hondoi ki mag pamitow to igo no igpakoon to soini no mo otow, no waro man og kakita ta no mo tanom?" ³⁴ "Pila man no pan ka naalap now?" Nanginso si Hesus. Nigtabak kandan, “Pito woy bag pipilahon no isda.’ ³⁵ Hoy ka mo otow inpapinoo ni Hesus to tano. ³⁶ Hoy inpurut din ka pitu no pan woy ka mo isda woy nigpasalamat kandin to Magbabayjo; inpori-pori din soini woy inbogoy diyo to mo binasbas. Inbogoy daan to mo binasbas diyo to mo otow. ³⁷ Woy nigkokoon kandan tibo woy anahantoy. Nanaka alap pad ka mo binasbas to pito no liyang no nabilin. ³⁸ Hup-at ni libu ka mo otow no nigkokoon, waro pad labot to nigsool ka mo boyi woy mo bato. ³⁹ Hoy inpopouli ni Hesus ka mo otow dow nigsakoy kandin to luwananaan woy nighondiyo to tano to Magadan.