¹ To nohun-a no panawon si Herodis ka talagmando to Galiliya, nakabalito mayitungod ki Hisus. ² Nignangonan din ka mo opisyalis, kandin si Huwan no magbubunyag. Nigbaton kandin, iyan sikan hinongdan no og mokohimo kandin to soini no kabolonganan. ³ Si Herodis ka nig sugo to ug dakopon si Huwan woy og bakuon hoy og pirisuhon. Inhimu din tongod ki Hirodiyas, ka asawba duo’t sulod din no si pilipe. ⁴ So si Huwan no magbubunyag sige og kagi ki Hirodes, 'Kono no maroyjow nog asawba ka ki Hirodiyas.' ⁵ Og kaliyagan ko poron no og himatayjan ni Hirodes si Huwan di kono din og kayimo su ogkahaldok kandin to mo Hudiyo so nig ila ran si Huwan no sagbuka no ogpagagano. ⁶ To duon to pogsolog to aldaw no pogkootow ni Hirores, nig sayjow ka boyi ne anak ni Hirodiyas atubangan to tibo nig amot. Naholo amana si Hirodes. ⁷ Soini naan nig saad kandin koykow, og pangolibot to agad nokoy no og pamoyjoon no igbogoy ko koykow. ⁸ Pinabayjo to sugo to inoy rin, nignangon kandin ki Hirodis, ibugoy no kanak kuntoon ka ulo ni Huwan magbubunyag hoy itago no diyo mandihado? ⁹ Naaras ka hari tongod to panumpa no inhimu rin atubangan to tibo din no magaliyog, migsugo kandin no og bugayjan ka boyi to nigpamoyjo din. ¹⁰ Soini naan ka nig papongolan ka ulo ni Huwan diyo to pirisuwan. ¹¹ Ka ulo no intago to bandihado,in alap hoy in bugoy diyo to dalaga. In-alap din man do to inu din. ¹² Hoy nakauma ka binasbasan ni Huwan hoy in hipos ka lawba rin hoy in-lobong. Pogkaponga to soini, nighondiyaan dan si Hisus hoy nignangonan ko nokoy ka nahitabo. ¹³ To pog karinog ni Hisus to balita no nig himatayjan si Huwan, nig ongkod kandin to sikan no banwa hoy nig ontod to Balangoy hoy hondiyo to kahilawan, to pogkarinog to mo otow no nig ligkat to nigko loin-loin no mo lungsod no si Hesus nig ligkat on, nangipanow kandan oyjow og sundulon kandin. ¹⁴ To poglono ni Hesus diyo to Balangoy, nigkita rin hohon-inan no mo otow. Nohoy-u amana kandin kandan, hoy in panambalan din ka mo otow no in-alap dan diyo. ¹⁵ To pogkahapon on, nig dani kandin ka mo sumusunod din, nig kagi kandan, makaan on ug salop ka aldow, hoy soini ki to kahilawwan. Pa hondiya ad ka mo otow diyo to bariyo oyjow og pakaboli to kauyjagan dan. ¹⁶ Nig kagi si Hesus kandan,kunod no kinahanglan no ug poundiyoon kandan.kaniyo mismo ka og bugoy to og kaoyjagan. ¹⁷ Nig tabak kandan,duon to lalimama no buok no paan hoy daruwa no isda. ¹⁸ Nigkagi si Hesus kandan,alapa now dini to kanak. ¹⁹ Inpapin-nuo rin ka mo otow duon to lagut. Hoy inpurot din ka lalimma no paan hoy daruwa no isda,hoy nig tonggak kandi diyo to langit hoy nigpasalamat to Diyos. Hoy in puri-puri rin ka mo paan hoy inbugoy din diyo to sumosunod, hoy inlogob din to mo otow. Nanakakoon kandan tibo woy nangantoy. ²⁰ Ponga nanakakoon ka tibo, niglimod dan ka mo sobra, woy sampolo pad woy daruwa ka naponu no liyang. ²¹ Mo lalimma no libo no lukos ka nakakoon, waro pad labot to mo malitan woy mo bato. ²² Pogkaponga ro sikan, insugo ni Hesus ka mo binasbas no og untud to Balangoy woy og hun-a diyo to doyipag, kamulu rin igpopouli ka mo otow. ²³ To duon to nakag ligkat on ka mo otow nigtakorog kandin no nigpasabsaboka diyo tokahilawan para og ampo. Narusiloman on kandin diyo. ²⁴ To sikan no panawon, ka Balangoy no nig untoran to binasbas diyo to pogtungaan to danow hoy in kuso-kuso to luwak, tongod to natagbo dan ka daapot. ²⁵ Pamigat-pigat to sikan no nig hondiyo si Hesus to kandin no nig hipanow diyo to ampow to woyeg. ²⁶ Pogkakita to binasbas ni Hesus no duon nighipanow to ampow to woyeg nanahaldok kandan, hoy nigpangngiyak, umagad? ²⁷ Duon-duon nig kagi si Hesus kandan, kono kow kahaldok, kanak soini? Pabulot-bulot kow? ²⁸ Hoy nigkagi si Pedro, Magbabayjo, ko koykow sikan, pohondiyan a nu to kaykow no oghipanow to ampow to woyeg. ²⁹ Nigkagi si Hesus kandin, Oho paragas ka? Nokoy naan no namanoog si Pedro diyo to Balangoy hoy nighipanow ampow to woweg pohondiyo ki Hesus. ³⁰ Di duon no na hiringan ni Pedro no maagbot ka kalamag, nahaldok kandin hoy nanoy-nanoy kandin noonlok, hoy nigpangiyak kandin, Magbabayjo,l uwasa a nu? ³¹ Duon-duon niggongonan kandin ni Hesus hoy inkagiyan, kulang ka pogtuu now? Maniyo to nigduwaduwa ka man? ³² Pog-untud dan daruwa to balangoy, nighagtong ka makosog no kalamag. ³³ Insimba kandin to binasbas din diyo to balangoy no nigkagi, "Tutuu iyan no koykow ka anak to Diyus." ³⁴ To pog-uma ran diyo to doipag,nuko-uma kandan diyo to Ginisarit. ³⁵ Noilahan to mo otow si Hesus iyo, hoy in-maan dan ka tibo no diyo si esus,nokoy naan ka nangalap dot mo otow ka tibo no asakiton diyo to kandin. ³⁶ Inhangyu dan si Hisus no ogtugutan ka tibo no masakiton no og gongon to ugbus to kinabo din. Hoy ka tibo no nakagon-gon naulian.