¹ Sagboka no Aldow to Tinghimoloy, nighipanow si Hesus hoy ka mo binasbas din niglapas diyo to kammat to trigo. Niggutasan ka mo binasbas din hoy nig pamupo duon to trigo oyjow duon ug kakoon dan. ² To pog kapitow dan duon to parisiyo, migkagi kandan ki Hesus, pitawa nu, kono no supak to balaod ta ka in himu to mo binasbas nu to Aldow to Tinghimoloy? ³ Hoy nig tabak si Hesus, waro kow nakabasa to in himo ni Dabid hoy no in gutasan kandin? ⁴ Niglopow kandin diyo to baloy to Diyos dow pigkoon dan ka sopas no intalapag dan diyo to Diyos. Waro kandan makasalo agad makaligad to balaod no ug koon to soikan ka mo otow anggin to mo Pari. ⁵ Hoy waro now pad mabasa to mo sinulat ni Moisis no ka mo pari duon to templo nakaligad to balaod kada Aldow to Tinghimoloy su waro kandan mighimoloy. ⁶ Ka toto-o kani to soini ka amana pad moingdanon kono to timplo. ⁷ Ko nataga kow pa to duon to pigkagi to Diyos diyo to kasulatan waro ad iyan na bonali to mo talapag now, kono kod iyan no ko idoman kow to mo doma now; waro now poron pogsalaa ka mo otow no waro salo. ⁸ Su kodi no anak to otow duon gawom to pogkagi ko nokoy ka tutuo nog himuon to Aldow to Tinghimoloy. ⁹ To pogkaponga soykan,nig awwo si Hesus diyo dow nig hondiyo kandin to baloy no limoranan to mo Hudiya. ¹⁰ Duon otow nig paniid hoy og pamitow to pinabayjo to lilimlimoran dan si Hisus. Nokoy naan ka inso ki us kandan ki Hesus. In uyjon nanaan ka pug puoli to Aldow to Tinghimoloy. ¹¹ Nig tabak kandan si Hesus, panampiton duon kalniro no ulog to lusong to Aldow to Tinghimoloy. Mani naan to og baybayjaran now ro duon su Aldow to man toTinghimoloy? Kono iyan. Di ka otow mohinongdanon pad amani kono to kalniro. ¹² Nokoy naan ka kono ki makaligad to nigtuosan ko ug bulig ki to sulod ta agad pad ko Aldow to Tinghimoloy. ¹³ Hoy nig iling si Hesus ki Kimoy,kataliwaro ka bulad no, pig ayjon din ka bulad din hoy na ulian ka bulad din,hoy no iling on duon to limmang no bulad din. ¹⁴ Dayjon namanlibwas ka mo parisiyo dow nig papalano kandan kog mo nuwon dan to poghimatoy si Hesus. ¹⁵ Umba no natagahan ni Hesus ka palanu to mo parisiyu, nig awwo kandin ti sikan no ugpaan. Dakol ka nig sundol kandin dow pigtambalan din ka tibo no duon sakit. ¹⁶ In kagiyan din si kandan no kuno ug pannangon agad hontow moitungod to pig himo rin. ¹⁷ Ka katamanan to soini in kagi to Diyos pina bayjo ki pagagano Isayas. ¹⁸ Soini ka pig alam ko no alagad.pig dakulan ko to gyonawa woy nahuloan ko kandin.Bugayjan ko kandin to kundi no Espirito. Dow kagiyan ko kandin, ka mo otow to tibo no pig ugpaan bayen to karoyjow. ¹⁹ Kono kandin og pakig-apol to mo otow,woy ulaloy, woy ogkarinog duon to karalanan ka lagong din. ²⁰ Kono din og pasadahan ka mo nig malotoy to pogtoo,so og buligan din katibo amag ka doisok ka pagtuo, kono kandig ponok taman tog katuman ka sugo to Diyos. ²¹ Woy ka mo kaow-otawan to tibo no ugpaan og salig kandin. ²² Duon pig alap ki Hesus no sagboka no otow no nabutud dow konog makakagi tungod to suluran to maroot no Espirito. Pig tambalan ni Hesus ka otow woy si kan no aldow nakakagi un woy nakakita. ²³ Nabulongbulong ka tibo, woy nig kagi kandan. Kandin buwad ka kabuwaran ni David. ²⁴ To pog dinog to parisiyo, nig kagi kandan, soikan no otow nig pang-awwo to maroot no Espirito tungod so nigbogayjan kandin to gawom ni Satanas, no iyan agalon to mo busow. ²⁵ Natagaan ni Hesus ka kandan no sumsumanan, woy migkagi kandin diyo to kandan, "Ko ka mo sakop to sagboka no ginharian, no ug maun-unayjoy, soikan no ginharian og kaabwaan to otow, iyan daag koyetabo to amag nokoy no lungsod woy ogpaan ko ka mo sakop og maon-unayjoy sakop din. ²⁶ No aman ka ug unajon si satanas to ogpang-alow no duma rin, og mokog-un unayjoy din kandan og kogugot. No og monawon dan naan to pasasindog ka ug ginharian dan. ²⁷ No aman ko iyan ku ingamit ka gawom ni satanas to pog pang-alow to mo busow, hotow naan ka migbogoy to gawom to mo sumosunod now no og pang alow dod man to mo busow? Amana ka mo sumosunod now no nig pamatuod to sayjop kow iyan. ²⁸ Piro migpang-alow a to mo busow pinabayjo to Espirito to Diyos,sikan naan nig paila soini no mig-uma un diyo to kaniyo ka pog hari to Diyos. ²⁹ Waro og pakasulod diya to baloy to manokal no otow woy og pakatakow to mo kalaglagan din no kono din og bakoon ka kamunoy.kog kohimo rin soini woy rin ug ka purot ka mo kalaglagan din. Ko konog parapig kodi, og kuntara kodi. ³⁰ Ka kono og bulig kodi to pog lilimud-limud, ug susuloy-suloy naan. ³¹ Tungod to soini ug kagiyan ko kaniyo to og kapasaylo pad ka mo salo to mo otow .Agad ko nokoy no kagi ran no maroot. Konog kapasaylo kanig kagi to maroot batok to Espirito Santo. ³² Agad hontow no ug dumot to anak to otow og kapasaylo rod, di agad ka huntow no og domot to Espirito to Diyos, kono iyan og kapasaylo to waro og katamanan. ³³ Ogpangunod to maroyjow ka kayjo no maroyjow, no og pangunod dudman to maroot ka kayjo no maroot. Ka kayjo no maroot.su og kaila ka kayjo pinabayjo to onud di. ³⁴ So kaniyo no mo unod? Ogmonuwon now tog lalag to maroyjow, to maroot kow man? Su ko nokoy ka diyo to pusong to otow, soikan ka iglalag din. ³⁵ Ka maroyjow no otow, og lalag to moupiya ligkat to maroyjow no pusong. Piru ka moroot no otow, og lalag to maroot ligkat to maroot no pusong din. ³⁶ Og nangonan ko kaniyo no kog katinumanan on to aldow ka matag sagbuka ug husayjon ko nokoy ka waro pulos no pigkagi rin. ³⁷ Ka kinagiyan now iyan og gamiton asolom to poghukom kaniyo, hoy koilahan kow ko duon salo now woy ko waro. ³⁸ Woy duon talag-anad to balaud woy mo parisiyo migkagi, "Talag-anad pakitaa koy to koin-inowan doy. ³⁹ Woy migtabak si Hesus, to koruot to nig hinang to mo otow kotuon.warad pogtuo to Diyos. Namoyjo kow to koyen-inohan kuddi? Ko no a bugoy kaniyo,kag koin-inuwan no ig-bugoy ko kaniyo, kag bulonganan no nohitabo ki Hunas no sabuka no porupita. ⁴⁰ Angod ki Honas, tatolu no aldow woy karusiloman, nakasolod to gotok to dakol ni isda diyo to Dagat, tatulo raan no aldow woy karusiloman ka anak to otow diyo to diralom to tano. ⁴¹ To katumanan to aldow ka mo otow to winibe mang-onow woy og pangnangonan ki su na hinulsulan dan man ka pig lalag ni Hunas. ⁴² To igkakawaan balabahan dapit to igsilat woy og sonditan ko kandin so amana no mariyu kag puonan din to nigipanow oyjow to pogpaminog to maralom no lalag ni pangoo Sulomon. No hangkuwan, soini ka labow pad ki Sulumon. ⁴³ Umba ko og awo ka busow diyo to otow, ogloug-loug kandin diyo to mammara no mo tano oyjow ug pamitow tog kahimuloyjan din, ko waro og kakita rin, ⁴⁴ nig kagi kandin to goynawa rin, ug libod aro to pig-ugpaan ko nahon-a, woy nig libod si kandin, nigkita rin no waro nig ugpo, maroyjow nog pitawon ka baloy woy nayepos ka mo kalaglagan. ⁴⁵ Woy nig libuwas kandin woy nig libod woy nig alap to pito(7) no espiritu no maroot pad to kandin, woy nig sulod woy ugpoon diyo. Omun naan to kataapusan, soikan no otow og amana pad ug maroot, kono duto pogsugod. Iyan dod-man ug kaumaan to soini mo moroot no mo otow. ⁴⁶ Tagood nig pakiglalag pad si Hisus to mo otow,nakauma on ka inoy rin woy ka mo sulod din no mo lukos. Nig sasindog ka mo otow diyo’t gawwas sog kaliyag nog pakiglalag kandin. ⁴⁷ Woy duon sagbuka rot otow no mig kagi kandin. Ka inoy nu woy ko mo sulod nu diyot gawwas og kaliyag nog pakiglalag koykow? ⁴⁸ Si Hisus mig tabak, hontow mak inoy ko? Hontow mak mo sulod ko? ⁴⁹ Woy pigtinuro ka mo binasbasan din woy mig kagi, “Pitawa? Iya soini ka inoy ku woy ka mo sulod ku. ⁵⁰ So ka inoy ku woy mo sulod ku iya ka nighimu to maroyjow nog kaliyagan to amoy ku diyat langit.