¹ To waro malugoy nig hundiyo si Hisus to mo siyudad hoy diyo to mo bariyu no niglalag to maroyjow no guguron mahitungod to poghari to Diyos. Nig duma kandin ka sampulo hoy daruwa(12)no mo hibatoon. ² Hoy ka mo malitan mando in pomoulian din to mo dalu ran hoy ka nig soloran to mo busow. Duma kandan si Mariya no nigsoloran dungan to pitu no busow, ³ si huwana,ka asawa ni Kusa no opisyal ni hari Hirudis, si Susana, hoy moon-in pad ka duma no mo malitan.no nig bulig ki Hisus hoy ka mo hibatoon panabayjo to mo kalaglagan dan. ⁴ Hoon-inan mo otow no nig puun to nolo-in loin no lungsod no nig hondiyo ki Hisus hoy to nalibulung on kandan,inpangguguran kandin ni Hisus to soini no panampitan. ⁵ “Duon sagbuka no otow no nighundiyo to kamot oyjow og pamula to mo boni.taguod no nig saw-wod kandin, duon mo boni no nakasawwod diyo to bayja-anan: Nig didiokan soin to mo otow hoy in panuktuk to mo bayjaku. ⁶ Ka duma no boni nakasaw-wod diyo to tano no batuwon hoy to pog panubu-on to soin, nagango so mamara man ka tano no nig pamulahan. ⁷ Ka duma no boni diyu naka saw-wod to mab-bonos no dugiyon.ka mo dugiyon hoy ka mo sagbot nigtubo lagkos to mo boni. Hoy nigsolung on ka pinamula. ⁸ Hoy ka duma’n boni nakasaw-wod diyo to maroyjow no tano. Nigtubo soin hoy nangunod to songugatos(100) no lupi, “No nig kagi pad man-on si Hisus, "Nokoy naan ko og kaliyag kow no og pakasabut, sumsumana now hoy ay-ayari ko nokoy ka narinog now?” ⁹ Hoy nangi-nginso ka mo hibatoon ni Hisus no nokoy ka igpasabot to soini no sampitanan. ¹⁰ No nig tabak si Hisus, “Ka pog pasabot to mo inholos mohitungod to pag pangulo to Diyos ig bugoy on kaniyo. Di diyo to duma inbogoy on soini pinabayjo to panampit oyjow ko og pitow kandan, kono kandan makakita hoy ko ogpaminog kandan kono kandan og makasabot. ¹¹ Iyan soini kohiluwasan to mo panampit din:ka boni iyan ka lalag to magbabayjo. ¹² ka boni no nakasaw-wod diyo to dalan,iyan ka mo otow no nakarinog to lalag to magbabayjo. Di nighinguma ka mo pangulu to mo busow hoy in-agow soin diyo to goynawa ran oyjow kono kandan og palintutuo hoy og kaluwas kandan. ¹³ Ka mo boni no nakasaw-wod diyo to tano no batuwon iyan ka mo otow no nakadinog to lalag to Magbabayjo hoy no holo no nigdaw-wat to soin. Di waro soin nakadalig diyo to pusong dan su nig dagdagow ro, hoy taman no nig-ongkod kandan panawon no nighinguma to mo pog tintal. ¹⁴ Ka boni no kasaw-wod diyo to dugihon no mabbonos iyan ka mo otow no nakadinog to lalag to magbabayjo. Di ka mo kaaras mohiyungod to mo kalaglagan hoy to mo koholoan kayi to ampow to tano, iyan nakaumos kandan. Nokoy naan no waro nig dadakol ka unod dan. ¹⁵ Ka boni no naka saw-wod diyo to maroyjow no tano, iyan ka mo otow no nakarinog to lalag to magbabayjo hoy nigdaw-wat hoy nig tuman. Inpananaguni din soin to guhiwana rin hoy mapaoyjon-oyjon kandin taman to nangunud on kandin. ¹⁶ "Waro’g papatutud to salong no ig hulos noy igtagu diyo to diralom to hirogo-anan ko kono ig untod iyan diyo to unturanan oyjow og maawang ka tibo no sulod to baloy. ¹⁷ Ka tibo no in hulos, ogka tagahan do, hoy ka tibo no inbunbunan og ka butwo do. ¹⁸ Hoy naan tantanuri now on ka narinog now so ko duon on og katouwan now og timulan pad di ko doisok do kag katuunan og puruton agad ka doisok no pig-isip din no kandin on puron.” ¹⁹ hoy nig hundiyo ki Hisus ka inoy din hoy ka mo sulod din no mo lukos di waro kandan nakadani ki Hisus su moo-in ka mo otow. ²⁰ Hoy duon nig kagi ki Hisus, “Diyo to gaw-was ka inoy no hoy ka mo sulod no nog kaliyag kandan nog pakakita koykow." ²¹ Nig kagi si Hisus diyo to kandan, “Ka kanak no inoy ho mo sulod iyan ka og paminog to lalag to magbabayjo hoy ka og tuman to soin.” ²² To songo aldow nig-untod si Hisus to balangoy duma to mo hibatoon din, hoy nig kagiyan ni Hisus kandan,Iglapas ki diyo to doyipag to lanow, “hoy naan nig ligkat in kandan. ²³ To waro pad kandan noko uma diyo to doyipag, nokohirogo si Hisus hoy nig hinguma ka maagbot no kalamag no nasul-ugan to woyig ka balangoy ran hoy hapit on ogkapuno hoy mologon on ka kandan no kohimtang. ²⁴ Hoy nandani ki Hisus ka mo hibatoon din hoy in pukow ran si Hisus no nig kagi, "Talagpanulu, talagpanulu,og kongo onlok kiw now on nig onow si Hisus hoy inpahagtong din ka mahagbot no kalamag hoy dad-dakol no mo luwak.Hoy warad on kalamag malinawon on. ²⁵ No nig kagiyan di ka mo hibatoon din, “Hondoi naan ka pogtuu now?" Di nangabolung-bulong kandan hoy nanahaldok no nig makagkagiyoy, “Hontow man buwa soin no otow?inpahagtong din ka kalamag hoy ka mo luwak hoy nig hagtung? ²⁶ Nigparayjon kandan nig lapas diyo to banwa to mo Girasinhon no diyo to doyipag to lanow to Galiliya. ²⁷ To nig duung on kandan diyo to duyipag,nig lono on si Hisus to balangoy. No duon otow no nig soloran to busow no nigtumo kandin no diyo nig ligkat to siyudad.soini no otow, warad kikinaboon hoy warad nig ugpo diyo to baloy so diyu to pilang. ²⁸ To pogkakita rin ki Hisus, nigpanguloyi on no nig usangul diyo to tangkaan din hoy nigbalbalukan no nig kagi, “Hisus anak to magbabayjo no mabantog no Diyos? Nokoy naan ka tuod nu kanak? koyi-uwi ano ro bag kono a nu ro hisakit?" ²⁹ Inkagi ri sikan so ig pa aw-wo man ni Hisus ka busow diyo to kandin, soin no otow ka moin-on umayi to busow no agad kog bakuon ka bulad to kadina hoy ka paa rin,og pamigtawon din do.hoy og alapon on kandin to busow diyo to banwa no kono og ugpaan. ³⁰ No nig inso si Hisus kandin, “Hontow ka ngaran no?” No nig tabak kandin, “Ka ngaran songo panongan." Su moin-in man ka busow no nig sulod kandin. ³¹ Nu nigpohid-o hid-o ka mo busow diyo ki Hisus no kono kandan ug patinugpoon diyo to bituno waro ugtamanan. ³² Nu diyo madmariyu doon mohon-in no mo baboy n nigpanuwal diyo to masandig, nu nigpahuy-o huy-o ka mo busow ki Hisus nug sulod diyo to mo baboy hoy mig oyjun si Hisus. ³³ Koy naan ka mo busow nig awwo un un diyo to mo otow hy nanulod diyo to baboy. Ka tibo nu mo baboy nammalagoy hoy nigtupang diyo to masandig hoy naninugpoi to pangpang diyo to lanow hoy nana-unlok un. ³⁴ Ka mo otow nu nig-atiman to mo baboy nakakita to noyitabo, hoy namalagoy kandan diyo to siyudad hoy probinsya hoy nanggugud. ³⁵ Nangondiyo ka mo outow oyjow ogpalintoka to noyitabo. Nigdani kandan diyo ki Hisus hoy nakita ran nu nigpinnuo diyo to dani ni Hisus ka otow nu insuluran to busow.Nigkikinabo un hoy maroyjow un ka kandin nu suman-suman hoy nanahaldk un kandan. ³⁶ Ka nakakita to noyitabo, nanggugud to pig muno to pogpaulian ka otow nu un suluran to busow. ³⁷ Koy naan nu ka ntibo nu panung to mo otow nu ligkat to ingod to mo Girasinhon nig hangyu diyo ki Hisus nu ug paawwo-on sun nanahaldokun sikandan. Koy naan ka nig untud un si Hisus to balangoy hoy nig-awwo un kandin. ³⁸ Ka otow nu insuluran to mo busow nighangyu ki Hisus, “Ogduma ka koykow.” Di nigkagi si Hisus diyo to kandin, ³⁹ “Uli kad diyo to kaniyo hoy ipanlalag nu ka inhimo to Diyus diyo to koykow.” Hoy nighipanow un ka otow diyo to lunsud hoy nanggugud bahin to inhimo kandin ni Hisus. ⁴⁰ To poglibod ni Hisus diyo to limmang no ilis to lanow ka mo otow amana nahulo su nigtatagas man kandan ki Hisus. ⁴¹ Hoy noku-uma ka sagbuka no otow nu inngaran ki Hayru nu sagbuka kandin nu opisyal to kandan nu sinagoga.Nig usangul diyo to tangkaan ni Hisus hoy nighangyu nu ug hondiyo to baloy rin. ⁴² Su ugkamatayon ka sagbuka nu anak din nu malitan nu sampulu hoy daruwwa pad nu tuig(12).Taguod nu nighipanow si Hisus, nigsukol-sukol ka mo otow nu niglilimud. ⁴³ Di duon sagbuka nu malitan nu sampulu hoiy daruwwa (12) nu tuig ka pogkabayjadbayjad nu ungod ug langosa-on hoy naubus din un tog gasto ka mo kalalag;agan din oyjow ug patambal di waro iyan naulian. ⁴⁴ Koy naan nigdani kandin diyo to iniyugan ni Hisus nig gongon to sagayjad to kupu hoy saguguno naawwo un ka poglalangosa rin. ⁴⁵ Nanginso si Hisus, “Hontow ka nig gon-gon kanak?” Waro nignangong ka tibo di nigkagi si Pidru, “Talagpanulu, mohon-in ka mo otow ni nalimud hoy nigsokol-sokol diyo’t koykow!” ⁴⁶ Di si Hisus nigkagi, “Duon nig gon-gon kanaka so naguram ko nu dun niglibwas kanak nu gohum ko.” ⁴⁷ To doon nu nakita to malitan no natagahan un nu kandin, nigdani o diyo ki Hisus no pigkolkol hoy nig usongol diyo to tangkaan ni Hisus hoy to mo otow nu inangon din diyo ki Hisus to mani to niggon-gon kandin hy saguguno naulian kandin. ⁴⁸ Koy naan nigkagi si Hisus, “Malitan ka koykow nu pugtuo iyan nokouli koykow. Uli kad nu maroyjow ka koykow nu goynawa. ⁴⁹ Umba to nigkagi pad si Hisus to soin, noko uma ka sagbuka nu otow ligkat diyo to baloy to opisyal. Hoy inakgiyan din si Hayru, “Namatoy un ka anak nu, nokoy naan tu kunug talagona ka talagpanulu.” ⁵⁰ Di nigdinog si Hisus to soin hoy inkagiyan din si Hayru, “Ko kagkaraas Salig ka ru su ugkuolian do ka anak nu.” ⁵¹ To pogkauma ni Hisus diyo to baloy, waro loin nu inpasulod ni Hisus duma kandin ko kono nu si Pidru ro hoy si Huwan, Santiyago do hoy ka amoy dow ka inoy to batu. ⁵² Ka tibo nu duon to baloy nigsisisnugow hoy nandaalawit su namatoy un ka batu.Di nigkagi si Hisus, “Kono kow sisinugow su waro nammatoy ka batu ko kono naliporong du!” ⁵³ Pigliyanliyan dan do si Hisus su natagahan dan nu namatoy un ka batu. ⁵⁴ Di niggon-gonan ni Hisus ka bulad to batu hoy nigkagi kandin, “Tata, unow kad!” ⁵⁵ Hoy nauyjag ka batu hoy nig unow. Hoy naan nigsugo si Hisu nu ugpakoon un ka batu. ⁵⁶ Amana kandan nabulong-bulong ka amoy hoy inoy to batu di insaparan ni Hisu no kono igpanlalag ka noyitabo agad hontow.