¹ To pogkamasolom to aldow to Duminggu nighondiyo ka mo malitan to lobonganan no nig-alap to pohomut. ² Nigkita ran no naawo n ka bato no inlokob to gumawan to piglobongan. ³ Ko naan nigsolod kandan, di waro dan kitaan ka lawa to Magbabayjo no si Hisus. ⁴ Umbo no nigsasindog pad hoy nabolong-bolong on moyitongod soin. Inkatokow ran on no nakauma ka daruwa no Diwata. ⁵ Nangabolongbolong amana ka mo malitan hoy nig-uundok sikandan, tagaod to pigkagiyan sikandan duo to daruwa no diwata, “Maniya to ogpamitawon now ka manokal pad diyot nangamatoy? ⁶ Warad sikandin kayi! Nigbaton on kandin! Sumsumanan no ka pigkagi rin kaniyo to diyo pad kandin to Galiliya: ⁷ ‘Ka anak to otow kinangolan igdiyak diyo to mo makasasalo hoy iglansang diyo to Krus hoy to igkatolu no aldow, ogbatunon sikandin.’ “ ⁸ Dayjon nasumansuman to mo malitan ka in-ikagi ni Hisus. ⁹ Nigmanguli kandan hoy inpamatbat dan ka tibo diyo to sampulu woy sagboka no tinounan hoy diyo to duma. ¹⁰ Ka mo malitan iyan si Mariya Magdalina, Huwana, hoy si Mariya no inoy ni Santiyagu, soin ka duma no malitan to pogpamatbat to soin noo butang diyo to mo inanad. ¹¹ Di nigsumansuman ka mo inanad no ubat ka inpamatbat duon to mo malitan waro kandan nigpatutuu. ¹² Di nigsasindog si Pidru hoy nigpalaguy hoy diyo nigparolog diyo to lobonganan. Nigpitow rin hoy iyan do naan nakita rin ka maputi no manggad hoy inbukus to lawa ni Hisus iyan do naan naongkoran diyo. ¹³ To soin no aldow duon daruwa no sumusunud ni Hisus ka nighipanow to Hirusalim. ¹⁴ Nighisgut moyitongod to tibo no butan no nohitabu. ¹⁵ Duon no nigmoin-insooy kandan. Nigdani si Hisus hoy nigduma kandan. ¹⁶ Nigkita ran kandin di waro kandan nokoila ki Hisus, ¹⁷ hoy nigduma kandan kandin, “Hontow man ka nigpanangonan niyu to duon nighipanow kow pad?” Nigsagdok kandan no natalong ka langlangowan. ¹⁸ Hoy ka sagboka kandan no nigngaranan ki Kliyupas nanginso kandin, “Koykow buwa ro iyan ka magaliyog no waro namaan ko nokoy ka nohitabo kayi to Hirusalim to pogligad to pila no aldow. ¹⁹ Nokoy no nohitaboa soin?” Nanginso kandin ka nohitabo ki Hisus no Nasaritnon. Nigtabak kandan, “Sagboka kandin no prupita no maroson to pulung hoy ka hinang to Diyus hoy ka mo otow. ²⁰ Ka mo agalon to pari hoy ka mo hari nigbalagad kandin oyjow ogsilutan kandin to kamatayjon hoy iglansang kandin diyo to Kurus. ²¹ Niglaum koy poron to kandin ka ogluwas to Israil su soini ka ikatolu no aldow ligkat to pogkohitabo. ²² Pila no mo malitan ka nigduma kanami ni nokopohibulung kanami. Nigsolomsolom kandan nighondiyo to lubunganan. ²³ Di waro kitaa diyo ka lawa ni Hisus hoy nanlibod hoy nanangon no nanakita kandan to talan-awon no duon mo Diwata no nigkagi kandan no buhi kandin. ²⁴ Pila no mo duma noy no nangondiyo hoy nigkita ran sumalo du to nigkagi to mo malitan di wao kandan nigkita kandin. ²⁵ Hoy nigkagi si Hisus kandan, "To kabislay niyu iyan to kalugoy no nigtuu to inpangagi to purupita! ²⁶ Diba kinangolan man no og-antus ka Misiyas too soin no butanga hoy ogsolod diyo to himaya?" ²⁷ Hoy inpasabut ni Hisus kandan ka inkagi kandin moyitongod to sinulat to tibo no purupita. ²⁸ To sikan no panahona marani on kandan diyo to balangoy no oghondiyaan dan hoy si Hisus iling to ogdayjun pad kandin diyo to hun-aan. ²⁹ Di nighawiran dan hoy nignangonan, "Kayi kinow ro oghimoloy su magaan on ogmarusilom on." Koy naan ka nigdayjon kandin hoy nigpabilin kandin duma kandan. ³⁰ To pogpanihapon dan on inpurut din ka pan hoy inpanalanginan soini hoy inpori-pori hoy inbogoy kandin. ³¹ Duon-duon pighimulat on kandan hoy nokoila kandan di nawaro kandin. ³² Nigmoin-insoon kandan inat to duon hapuy no nigdilaab to goyinawa ta to duon no nigkagi kandin hoy nigpatin-ow kanta to kasulatan diyo to dalan. ³³ Hoy nananindog kandan hoy nanlibod diyo to Hirusalim no diyo dan kitaa ka sampulu hoy sagboka no tinounan hoy ka duma pad no niglibolong, ³⁴ no nigkagi, "Tutuu iyan no nigbaton on ka Magbabayjo nigpapitow kandin ki Simun." ³⁵ Hoy insaysay duto to daruwa no otow ka noyitabu diyo to dalan hoy ka pog-ila ran to Magbabayjo to pogporipori to pan. ³⁶ To duon no nanaysay pad kandan, niglibuwa ka Magbabayjo diyo to taliwaro dan hoy nigkagi, "Ka kalinaw ka ogduma kaniyu." ³⁷ Nakignat kandan hoy nasasow hoy nigsumansuman no nigkita kandan to umagad. ³⁸ Di nigkagi si Hisus kandan, "maniyo man to nabalaka kow? Maniyo manto nigduwaduwa koy? ³⁹ Pitawa niyu ka mo bolad ku hoy ka paa no iyan a iya soini. Gun-guni a niyu hoy kitoon niyu su ka Ispiritu waro unod hoy bokog no iling to nigkita niyu no dini apad." ⁴⁰ Inkagi rin soini hoy inpapitow kandan ka bulad din hoy paa. ⁴¹ Di waro mando kandan nigtuu hoy amana ka kahibolong dan di naliyag kandan to nigkita ran. Koy naan ka nanginsaan kandan ni Hisus, "Duon ogkakoon niyu kayi?" ⁴² Nigbogayjan kandin to sagboka no isda no inanag, ⁴³ hoy nigpurut ni Hisus hoy inkoon din duon to atubangan dan. ⁴⁴ Hoy nigkagi kandin kandan, "Soini ka inkagi ku kaniyu no duon no duma a pad nikaniyu, no kinangolan no ogkatuman ka nohisulat kanak to balaud ni Moisis hoy ka mo sulat to Purupita hoy ka mo Salmu." ⁴⁵ Hoy inpasabut din kandan ka kasulatan, ⁴⁶ hoy nigkagi kandin kandan, "Soini ka nohisulat, no ka Misiyas no og-antus hoy ogbatonon to ikatolu no aldow. ⁴⁷ Kinangolan no igsangyaw pinabayjo to ngaran din ka Minsahi moyitongod to poghinulsul hoy to pogpasaylu to mo salo diyo to tibo no banuwa ligkat to Hirusalim. ⁴⁸ Kaniyu no nigkita to soin no butang. ⁴⁹ Hoy kanak mismu ka ogpaalap dini to kaniyu to insaad to Amoy. Di kinahanglan no ogtagad kow dini to suwidad taman to ogkunsad kaniyu ka goom ligkat diyo to ampow." ⁵⁰ Dayun in-alap din kandan diyo to libwasan to suwidad taman to Bitanya. Insagboka rin ka bulad din hoy inpanalanginan kandan. ⁵¹ To duon no nigpanalanginan on kandan nig-ongkod kandin hoy inbatun kandin diyo to langit. ⁵² Insimba ran kandin hoy niglibod kandan diyo to Hirusalim no malipayon amana. ⁵³ Layjun kandan diyo to timpulu no ogdayjan to Magbabayjo.