¹ Nigpitow si Hisus to palibo hoy nakita din ka mo karuun nigpan-ulug to kandan no gasa diyo to taguanan to timpulu. ² Nakita rin daan sagboka no balu no mokohuhuy-u amana no nig-ulug hoy daruwa no mamalintuk no sinsilyu. ³ Nigkagi si Hisus, “Kagihan ku kaniyu no dakol pad ka igtalad to soin mokohoy-u-hoy-u no balu to kandan tibo.” ⁴ Su ka duma nigtalapag man ta kandan no mo gasa no subla to kandan no mo butang, di kandin, agad pad ta pogkomokohuhuy-u din, nigbogoy kandin to tibo no inpanginabuhian din.” ⁵ Duon pila kandan no nighisgut mohitongod to timpulu ka nokoy soin karoyjow ogpitawon no insayjo-sayjo to madoyjow no mo bato hoy to mo gasa no intalapag diyo to Diyos. Hoy migkagi si Hisus, ⁶ “Nakita now soin tibo di og-uma ka panahon no waro agad hontow no bato no ogpalingga-at to nabutangan to soin so ka tibo oglugsanon iyan. ⁷ Talagpanulo,nanginso kandan, kagan-o soin ogkahitabu? Hoy nokoy ka tima-anan no no ogpaka-uma on ka panahon no ogkatuman soin? ⁸ Si Hisus nigkagi,babantay kow hoy kono kow paakal so dakol ka og hondini to kanak no ngaran no ogkagi, “Iyan a si Kiristu! Hoy og kagi daan, “Nig-uma on ka panahon! Di kono kow kandan tuohi. ⁹ kono kow kahaldok ko ogpakadinog kow to mo bubat hoy mo kagubot so soin no mo butanga kinangulan no ogkahitabo iyan poghuon-a di waro soin nigpasabot no iyan on soin ka katamanan. ¹⁰ Nigparayjon kandin pogkagi, “ Ka sagbokano nasod nigkig-usig to loin no nasod hoy ka sagboka no ginharian ogsulung to loin no ginharian. ¹¹ Nohitabu hangkuwan ka makahahaldok no mo dinog, buntas hoy kamatoy to loin loin no rapit, iling ka makahahaldok no mo butang hoy mo dakol no timaan ligkat to langit. ¹² Di to kono pad ogkohitabu soin no mo butanga dakopon hoy ogpabayjaran kow. Alapon kow diyo to mo sinaguga hoy pirisuhon hoy alapon kow to tangkaan to mo hari hoy to mo gubirnador tongod kanak. ¹³ Iyan soin ka timpo no ogmakalalag kow to maroyjow no lalagon. ¹⁴ To kono pad soin ogkahitabo, sagbokaha now ka sumansuman now no kono ogkatalong ko ogmonuwon no to pgtabak. ¹⁵ So talaron ko kaniyo to iglalag now hoy kaalam no waro sagboka to kaniyo no mo kablang ka ogmakatabak hoy makasupak. ¹⁶ Oglubusan kow agad ka kaniyo no mo amoy hoy inoy hoy mo sulod iling to kaniyo no mo karugo hoy mo karumahan hoy himatayjan dan ka duma now. ¹⁷ Kasilagan kow to tibo tongod kanak ¹⁸ di waro agad sagboka no bobol to kaniyo no ulo no na waro. ¹⁹ Pinabayjo to kaniyo no pogpamarayjonon ogkaluwas kow. ²⁰ Kog kitoon now ka Hirusalem no niglilingutan to mo kasundaluwan, ogkitoon now nog logparan sikan to konog kalugoy. ²¹ Hoy ka nig-ugpo to Hirusalem og mamallagoy diyo to mo bubungan, hoy ka nig-ugpo diyo suwirad songo mogmangawwodan, hoy ka nig-ugpo to banika kingolan konog hondiyo to suwirad. ²² So iyan soin ka mo aldow to poglogpadi oyjow ogkatuman ka inkagi to kasulatan. ²³ Mokooy-u-hoy-u kag kangabboros no mo inoy dongan no aldow! Ogmokouma ka makahalat-halat hoy lologonan kayi to tano, hoy naparologan to sikan no mo igkabulo to Diyos. ²⁴ Ighimatayjan kandan gamit ka kalis hoy ogalapon kandan to tibo no ingod. Di og kaagow ka Hirusalem to mo otow no waro nigpalintutuo to Diyos poiling tog katampos ka intagal no timpu to pogmando. ²⁵ Duon mo palinouwan to aldow hoy bulan hoy to mo bituon. Kalaagan to pog-iman ka mo ingod, hoy og kangahalata kandan to mo dalogdog to dakol no mo luwak. ²⁶ Ogkakahaldok ka mo otow ko nokoy kag kohitabu kayi to ingod. Tongod so ka mo bituon hoy ka duma diyo to langit igpasuwoy ligkat to naanaran no bayya-anan. ²⁷ Hoy kanak no Anak to Otow ogkitoon duon to salagspon noghondini to ingod duma ka goom no oglayjag iyan. ²⁸ Ko ogbunsud on soini ogkoyitabu, pakannokal kow hoy long-ag kow su mahaan on ka kaluwasan niyu." ²⁹ No migkagiyan sikandan ni Hisus to soini no sampitanan, "Pitawa niyu ka kayu no iggira hoy ka duma no mo kayu. ³⁰ Omun ko ogkakita niyud no ogdorowub on, ogkatahaan niyu no mahaan on ka tigmoinit. ³¹ Iling naan dod doma duon, omun ogkakita niyud no ogkayitabu on soini, ogkatahaan niyud no mahaan on ka Poghari to Magbabayjo. ³² "Ogkagiyan ku sikaniyu to malogot: ogkatuman on sika tibo to kono pad ogkangamatoy ka mo otow to kuntoon no timpu. ³³ Ogkaawo ka langit hoy ka tano piru ka kanak no lalag, kono iya ogkaawo." ³⁴ “Sikan naan, tanud-tanud kow no kono ogparuyjun-ruyjun to ogkasublaan no pogdoos hoy pogpowubug-hubug, hoy to pogkalaggow moyitongod to pog-ugpo niyu, su koma ko ogkatigkow kow to sooyjo no aldow hoy ogpokoiling kow to nabalod. ³⁵ Su ogtigkow soini ogginguma to langun no otow no mig-ugpo kayi to ampow to tano. ³⁶ Sikan naan tanud-tanud kow layjun hoy ampu kow oyjow ogmanokal kow no og-antus to tibo no ogkoyitabu, hoy oyjow og-atubang kow to Anak to Otow." ³⁷ Kada aldow, ogpanulu si Hisus diyo to timpulu, piru to pogkamarusilon og-awo sikandin hoy diyo oggiroho to Bubungan to Ulibu. ³⁸ To pogkamasolom, oggondiyaan sikandin to mo otow diyo to timpulu oyjow ogpamminog kandin.